Pol Uqa Jaqec Je Oso Rom Tamanec Jaqiaden 1:14 - Bal cehec je haun

¹⁴ Anut uqa cabi iten, eu ija Grik danaca Grik dana qee eundecca, dana doc silecca ageca dana doc silecca qee ageca eu cunug cesuladoum.

Pol Uqa Jaqec Je Oso Rom Tamanec Jaqiaden 1:14 Iomraidhean Croise

Matju 11:25

Saen euna Jisas je odi maden, “Mei, saoca mahaca alena Tibud, hina ceteh eu dana cisdoc silecca docca eundecnu jahunem. Dana cajaca age mel sim bileginawe bilegina eundec amagana je eu camas mem. Eunu ija hina hetaga higina.

Me Je i Luk Jaqen 10:21

Saen euna dih Kis Gun odudeceb Jisas uqa waug ceelimei je odi maden, “Mei, saoca mahaca alena Tibud, hina ceteh eu dana cisdoc silecca docca eundecnu jahunem. Dana cajaca age mel sim bileginawe bilegina eundec amagana je eu camas mem. Mele, Mei, hina hinana gale hec me bahic toodu odi odom. Eunu ija hina hetaga higina,” en.

Aposel 22:21

Odocomin Tibud maten, ‘Ija hina sulhecemin ene qee onoca bahic Juda dana qee eundec gemona nuegan. Eunu nuuga!’ ten,” aden.

Aposel 28:2

Odocob dana jobon onodec egena wawaga qocob egeca danah mimeb ceteh loo igein. Wa hoc sanan memen duancaca hulen eunu age ja hudimeig ja cudun li bilecnu magein.

Aposel 28:4

Dana jobon nui onodec man sononec Pol ebenna caculen fimeig togodudu madein, “Dana i eu acahna qagaadec dana. Cois, macasnadec busalen qa waug madec eu dana qagaadecnu nijia eunu cam geldocob cal migian,” ein.

Aposel 9:15

Euqa Tibud madon, “Juda dana qee ageca, agena king ageca, Juda dana ageca ija ijani hewi ageca nuecnu ija cabi inu nesili ehudem. Odocob ijadodoc uqa ija ijaninu dain doc ganic ugiannu ihacdugen. Eunu nuuga,” don.

Pol Uqa Jaqec Je Oso Rom Tamanec Jaqiaden 1:22

Age deboii madein, “Ege cisdocca,” ein qa eu age wele dalawan aqec jicna lein.

Pol Uqa Jaqec Je Oso Rom Tamanec Jaqiaden 11:25

O wawaga meleec cotiel, age je jahunec i fogo adigiannu ija wawi nijia, age Juda dana qee eundec agedodocnu cisdudu madowain, “Ege cisdoc silecca,” owainnu ija je jahunec i qasali maadigina. Eu odi, Isrel am naha age wawaga meneceb kobol eu ageca biligian, lecebleceb saen Juda dana qee eundec agena sihul eu limei agena wawaga meleec am sanijec eu ihoc ligian.

Pol Uqa Jaqec Je Oso Rom Tamanec Jaqiaden 12:16

Age wawaga osol meceb coboigale. Cain deboii cobowain, age jogoii coboigale. Age agedodocnu ege dahinige qolocijec cahulec cain owain.

Pol Uqa Jaqec Je Oso Rom Tamanec Jaqiaden 13:8

Dana oso uqa cotignu nalug mena eu uqa loo je bahic toodona. Eunu dana osona ameg age dewenegana cain nijiaun. Ameg osol eu himec saen cunug nijina, age nalug mecebmecebegina.

Pol Uqa Jaqec Je Oso Rom Tamanec Jaqiaden 16:19

Rom tamanec, age Anutna me je toodu odogina ec eu dana cunug wele dah mein. Eunu ija agenu ceeligina. Euqa age kobol me bahic eu doqagannu wawi taweia, odocob kobol me qeenu qee cisdowain.

Pol Uqa Jaqec Je Oso Rom Tamanec Jaqiaden 8:12

Eunu wawaga meleec cotiel, ege walagca biluquna qa eu wawige hilahnanu qee, eu ege wawige hilahna kobolna cobocnu qee.

1 Korin 14:11

Euqa dana oso uqana je madeceb ija je uqana gug qee docominfi dana eu uqa ijanu cele dana ec cisdugian. Odocob ija uqanu cele dana ec cisdugen.

1 Korin 14:16

Qeefi, hina doloinna dih Anut hetaga dufeg, dana docca qee oso uqa cegulecna bilina eu uqa hina je madagana ec qee donafi, uqa adi hina hetaga docom mele igian?

1 Korin 2:13

Odocob ege dana cajaca age Kisca bilegina eu Kisna mele je sildiadoqona. Ege odi oodob ege je dana cisdoc silecca age iwalgein euna qee sildiadoqona qa ege je Kis iwalgen euna sildiadocomun dogina.

1 Korin 3:18

Anutna jaqec je eu odi madena: “Anut uqa dana cisdoc silecca agena cisdoc sileccana cedadena eu odi dool bolobna cedadenawe,” ena. (Job 5.13) Odocob Anutna jaqec je oso madena: “Tibud uqa dona, dana cisdoc silecca agena cisdoc eu ceteh gauc dih,” ena. (Buk Song 94.11) Eunu mahanadec cisdoc silecca eu Anut amegna eu kobol gad. Odocob Anut uqa dana cajaca age uqana cisdoc silecca oqagannu gale dona. Eunu dana oso uqadodoc cain uhuldoiaun. Age gemonadec oso uqa mahanadec kobolna ija cisdoc silecca ec cisdonafi uqa mahanadec dana amagana dana gad ibuldoiale.

2 Korin 10:12

Ege dana agedodoc binanaga sulegina eunu madecwe qee. Ege egena kobol agena kobolca gesilecnu ihoc qee. Dana eundec age agena kobol agedodoc agena gesili fec gadacna gesilegina. Dana eundec oso uqana kobol eu osona kobolca caca mumudi gesilina. Dana age odi gesilegina eu age docca qee.

2 Korin 11:19

Dana oso uqa age diadeceb uqana bega meh cabi dana caleginafi, odimei uqa agena ceteh cunug qee mudiadenafi, odimei uqana uhulecna age heje cedadenafi, odimei uqa dana benwe cofadenafi, odimei uqa age sihomoga qahenafi age eunu culdecebil odona. Eunu age dana doc silecca bahic! Age dana gad culadecebil age uhulec je maadegina!

Kolosi 3:11

Gug inu dana age qila sihul filfil qee bilegina. Age Juda danaca, Juda dana qee eundecca, dana dewenega cagu qocca, dana dewenega cagu qee qocca, dana je filfil madecca, dana jobon qee bilecca, dana bega mehca, dana besiadecca, eu cunug age Krais himec. Dana cajaca cunug age wawaga haun taqein agenu ceteteh cunug eu Krais himec, Krais uqa dana cajaca eundec dunuh bilina.

2 Timoti 2:10

Odocob ege Krais Jisasca gabangec biluquna cahahagec oqan ageha cahahagec eu oqagannu, odocob age cebac bileceb catanec fulacdocca oqagannu ija culumen eu cunug dana cajaca Anut ijana imei nesili cedaden eundecnu gahidugina.

Taitas 3:3

Ge, ege egedodoc wele cisdoc silecca qee, je toodu odocca qee, qauadecca cobolob, odocob ege ceteh ilagnu amige qocca, golanige me qeenu sililecca toodu cobolob, ege cus mimi bili qisol mec kobol odadolob, ege dana osona ceteteh ocnu amige qoloi, dana age sagaggoloig, egeha sagagdocobdocobi cobolob.