Pol Uqa Jaqec Je Oso Rom Tamanec Jaqiaden 1:12 - Bal cehec je haun

¹² Ijana cisdoc eu odi. Agena wawaga meleec eu ija wawi gagadic mudigian. Odocob ija wawi meleec eu age wawaga gagadic mudigian.

Pol Uqa Jaqec Je Oso Rom Tamanec Jaqiaden 1:12 Iomraidhean Croise

Aposel 11:23

Banabas uqa dana me bahic, uqa Kis Gun am bec waug meleec ben bahic. Saen uqa ono li calimei dana cajaca age Anut amegna me bibilegin fimei uqa waug celeboeceb hulunuga cecehi maaden, “Age wawaga culunuga cunugca Tibudnu meleein eunu dahiniga hewegina,” aden. Eunu dana caja geh bahic Tibudnu wawaga meleen.

Pol Uqa Jaqec Je Oso Rom Tamanec Jaqiaden 1:13

O wawaga meleec cotiel, age du cuhadoqagannu wawi nijia, saen geh bahic ija ageca ono lecnu madem. Euqa saen cunugna ceteh ijana jic aqatitoloi. Ijana cabi oc ija Juda dana cajaca qee eundec cesuladecemin age wawaga meleen, ija cabi eu age gemona odocnu age am leihha odi caloqagannu wawi nijia.

Pol Uqa Jaqec Je Oso Rom Tamanec Jaqiaden 15:24

Eunu hibna ija Spen hatuna nuigen saen euna age casac li meciadimig nuecnu cisdugina. Odocob ija age gami saen nag odi bibilomun wawi me meceb age ehiti Spen hatu jicna ehi nui cultuqagan.

Pol Uqa Jaqec Je Oso Rom Tamanec Jaqiaden 15:32

Eunu Anutna cisdocna ija wawi ceelecca li ageca caligen. Odocob ageca ono nag odi jaen mudigen.

2 Korin 7:13

Odocob qila agena kobol i ege wahohoggeceb wawige lal qu nijia. Odocob ege wawige lal qu nijia eunu himec qee ceeloqona. Age cunug Taitas uqana jaen qoc eu odocobil qee men eunu waug ceelena. Eunu ege Taitasnu ha ceeloqona.

Efesas 4:5

Eu Tibud osol bilia, eu wawige meleec osol nijia, eu wa joigec osol nijia,

2 Timoti 1:4

Ija hina amulin nec eunu cisdumig ija wawi ceeligiannu hina li mecihecnu witic cahinegca wawi ben hoolena.

Taitas 1:4

Ija Taitas hina jaqihigina, hina ija melami bahic. Ele wawile meleec gabanlec biluwuna. Anut ege Memigeca Krais Jisas ege cahahagecca alena eelgec uum igecca malol bilecca hina ihesiale.

2 Pita 1:1

Ija Saimon Pita, ija Jisas Kraisna cabi dana aposelca. Ija dana cajaca age Jisas Kraisnu wawaga meleena eu jaqiadigina. Jisas Krais uqa egena Anut, uqa egena Cahahagec. Jisas Krais uqa ititom. Age uqanu wawaga meleec wele oin. Eunu agena wawaga meleecca egena wawige meleecca eu ihocihoc.

2 Jon 1:4

Agena mel leih age mele je eu toodogina eu odi Memige Anut ege odocnu magenwe ec dah mimig geh bahic ceelem.

Jud Uqa Jaqec Je Oso Anutna Dana Cajaca Jaqiaden 1:3

O ijana danah bahic, wele ija Anut ege ageca cunug osoben cahahagennu cabi ben onnu jaqiadimig maadigen imig geh bahic cisdom. Eunu qila ija jaqec je i edi jaqiadigen ec cisdom. Saen osolna dih Anut uqa ege uqana qagoc dana cajaca wawige meleec eu igen. Eunu dana leih age me je eunu ege wawige meleena eu falicdowainnu age me je eu tutuac gagadic oigale ec cesusadigina.