Pol Uqa Jaqec Je Oso Rom Tamanec Jaqiaden 1:10 - Bal cehec je haun

^10-11 Ija dolonoga eeldocnu ceteh oso age wawaga gagadic mudigiannu ageca ehi ligennu gale tena. Eunu ija age meciadecnu wawi ben bahic nijia. Eunu Anut uqa cois ifei uqa ihoc jic ihacteceb ageca qila li caligen eunu ija gaid inondugina.

Pol Uqa Jaqec Je Oso Rom Tamanec Jaqiaden 1:10 Iomraidhean Croise

Aposel 18:21

Euqa uqa odi maaadi cuculadi nuen, “Anutna waug odi nijecebfi ija ageca haun ceseligen,” aden. Eunadec Efesas ono wag umei Sisaria taun nuen.

Aposel 19:21

Hibna ceteteh eu hedocob Kis Gun odudeceb Pol uqa Masedonia Grikca hatuna limei hibna Jerusalem isec nuigiannu cisdon. Uqa odi maden, “Hibna ija ono limig Rom ha figen,” en.

Aposel 21:14

Odimei uqa mageceb culecwe qeenu ege culimeb madom, “Tibudna waug nijec eu ihoc leiale,” om.

Pol Uqa Jaqec Je Oso Rom Tamanec Jaqiaden 15:29

Odocob ija ageca lelemin Kraisna eeldoc eu ijaca ihoc lec ageca caligen ec dugina.

1 Korin 1:1

Ija Pol, Anut uqana cisdocna utateceb ija Krais Jisasna aposel calem. Ijaca ege wawige meleec cotige, Sostenisca

1 Korin 4:19

Euqa Tibud gale docobfi ija ageca mahuc odi ligen. Odocob Anutna cul eu je madecnu ceteh himec qee, eu gagadic odocnu ceteh. Eunu ija dana je deboi madegina eundec age je himec madeginafo, qee age gagadic odoccafo ec figen.

Filipai 4:6

Age ceteh osonu jaen cain aqeiaun. Age Anut agena culumen wawaga hoolecca cunugnu gaid ninidudu inondoigale. Odimeig age Anut ceteh cunugnu cesuladecnu inondodoig hetaga doc madeigale.

1 Tesalonika 2:18

Ege ageca ceseli lecnu gale gena. Ija Pol, ijadodoc haun ceseli geh dom qa Seten cahacgen.

Failimon 1:22

Ija Anut uqa agena inondoc dah migiannu sumudi biligina. Odocob ija ceseli ageca ligen. Eunu saen euna dih cudun oso ijana saciaduteiga.

Hibru 13:19

Age Anut ija cesultigiannu inondoiga ecnu niniadigina. Eunu ija ageca mahuc ceselecnu ihoc.

Jems 4:15

Age i edi madoub, “Tibud uqa cois ecebfi ege cebac bilimeb cabi ifo, cabi osofo odeqan,” oub.