Matju 8:4 - Bal cehec je haun

⁴ Odocob Jisas cahacdu madon, “Dah maga, ceteh inu oso cain sadudu cobogaun. Euqa li nawel tawec ihanec dana eu hina dewen ihacdocom maleldugian. Odimeg Moses loo je wele maden eu toodumeg hina qila me biliga dana cajaca cunug ihacadecnu Anut ihandogale,” don.

Matju 8:4 Iomraidhean Croise

Matju 10:18

Ageha ija cilehtecnu cisdumeig gabman ilo kingca amagana ehi li madecebil tawoqagan. Odimeig age ijana me je gabman ilo kingca Juda dana qee eundecca maadoqagan. Saen euna age dana amagana wawaga meleec age eu doqagan eunu qasali madoqagan.

Matju 16:20

Odimei Jisas uqana malogom cahacaadi maaden, “Ija Krais je eu leih cain maadi cobowain,” aden.

Matju 17:9

Age aluhnadec totoni Jisas malogom cijed je gatiti maaden, “Qila feiga eu oso cain saadowain. Dana Melah cal mecnadec qee cajec ninijeb je i oso cain doiaun,” aden.

Matju 3:15

Odocob Jisas Jon jejeg hewi madon, “Anut madena eu cunug toodu odocnu eu tutuc. Eunu qila culimeg gad wa joitigale,” don. Odi madocob Jon cois imei wa jouden.

Matju 5:17

Jisas je haun maaden, “Ija mele maadigina, sao mahaca qee mudigian deel qee cali hoc ninijeb loo je jaqec naha nag osolha qee fadaleiaun. Loo je ninijeb li ceteh cunug ihoc ligian. Eunu age ijanu uqa Mosesna loo jeca je hahun madec dana agena iwaladec jeca bebesi qee mudigiannu hon odi cain cisdowain. Qeeo, ija loo jeca agena iwaladec jeca qee mudigennu qee holom qa ija loo jeca agena iwaladec jeca toodu bahic ihoc ligiannu hom.

Matju 6:1

Jisas je haun maaden, “Batut feigale. Age dana egena Anut cewel utoc foqagan imeig odocobilfi age Memega sao jobon bilia eu ameg me uqa qee adeiaun. Eunu age Anut cewel utoc eu ege odocomun dana age meciguqagan cain owain,” aden.

Matju 9:30

Odi maaleceb ale amala fogo docob ceteh fesin. Odocob Jisas uqa cahacali maalen, “Batut fesiale, dana oso ija odaliga eu cain sadocobil doiaun,” alen.

Me Je i Mak Jaqen 13:9

“Euqa dana age ehadi limeig agena cegulec amegna madoqagan. Eunu age agedodocnu cofdoigale. Age Juda agena cuha jona dewenega tudoqagan. Age ija ijaninu ijana me je qasali maadecnu hatu cofdocca kingca ehadi li amagana madoqagan.

Me Je i Mak Jaqen 3:12

Euqa Jisas uqa buga me qee age uqana gug camas mowainnu cahacaden.

Me Je i Mak Jaqen 5:43

Jisas uqa cahacaden, uqa odonnu je eu cain saadi cobowainnu je gagadic maadimei maaden, “Mel aid sab uteiga jeia,” aden.

Me Je i Mak Jaqen 6:11

Odocob jobon oso age oiadecnu agena je ha dah mecnu culecebilfi age cuculadi beloqaga bili comis jaimagana fagdon eu qoidu heleiga. Age eu fimeig age Anut amegna me qee odoin eu doqagannu odi odoiga,” aden.

Me Je i Mak Jaqen 7:36

Jisas uqa oduden eu dana oso sadowainnu cahacaden. Jisas je eu saadecnu gagadic bahic cahacaden, euqa age feei dana cunug doqagannu saadi coboin.

Me Je i Mak Jaqen 8:30

Odocob Jisas uqana malogom cahacaadi maaden, “Age ijanu leih cain maadi cobowain,” aden.

Me Je i Mak Jaqen 9:9

Age aluhnadec totoni Jisas malogom cijed je gatiti maaden, “Dana Melah cal mecnadec qee cajec ninijeb je i oso cain doiaunnu qila feiga eu oso cain saadowain,” aden.

Me Je i Luk Jaqen 17:14

Odocob Jisas meciadimei maaden, “Nuimeig nawel tawec ihanec dana age dewenega eu ihacadecebil meciadeiga,” aden. Odocob jic sahu bebelegin agena hag cunug qee men.

Me Je i Luk Jaqen 21:13

Saen eu age ijana me je qasali maadecnu saen.

Me Je i Luk Jaqen 4:41

Buga me qee ha age dana cajaca leih deweneganadec cali hu bebeli Jisas fecebil dana cajaca age amegna toni mahulimeig utai madein, “Hina Anut Melah!” ein. Euqa age uqa Anutna Krais eu doinnu Jisas uqa age eu madecnu cahacaden.

Me Je i Luk Jaqen 5:14

Odocob Jisas cahacdu madon, “Dah maga, ceteh inu oso cain sadudu cobogaun. Euqa li nawel tawec ihanec dana eu hina dewen ihacdocom maleldugian. Odimeg Moses loo je wele maden eu toodumeg hina qila Anut amegna cataniec biliga dana cajaca cunug ihacadecnu Anut ihandogale,” don.

Me Je i Luk Jaqen 8:56

Mel aid eu memeg anagca tumatumaesin euqa Jisas ceteh odi calen eunu oso cain madowasinnu cahacalen.

Me Je i Luk Jaqen 9:21

Odimei Jisas uqa Anutna Kraisnu oso cain bahic madowainnu je gagadic bahic cahacaden.

Me Je i Jon Jaqen 5:41

“Ija dana binani sulecnu qee madegina.

Me Je i Jon Jaqen 7:18

Oso uqa uqana je madena eu uqadodoc binan wasigiannu odona. Osoqa uqa suldon eu binan wasigiannu odona eu uqa je mele madena, uqa uhulec je qee madena,” aden.

Me Je i Jon Jaqen 8:50

Ijadodocqa ija binani wasigiannu qee odigina. Oso ija binani wasigiannu odona eu uqa ija gesilitigian.