Matju 8:15 - Bal cehec je haun

¹⁵ Odimei uqa hagca caja eu eben qududocob uqana hag culden. Odocob uqa cajimei sab jec saciadumei Jisas cewel uten.

Matju 8:15 Iomraidhean Croise

Matju 14:36

Odimeig agena hag me madigiannu ninidoin. Age uqana lotoc bibig himec qududocnu ninidoin. Odocob cunug age uqana lotoc qududoin eu me mein.

Matju 20:34

Odocobil Jisas alenu waug qocob amala qududocob mahuc amala fogo docob ale ceteh cunug fesin. Odimesi ale Jisas toodocobil belein.

Matju 8:14

Odocob Jisas uqa Pitana jona limei uqa Pita momoig hag deweg daincaca hulec ninijen fen.

Matju 8:16

Odocob wesu meceb dana age cotogail mati dewenega buga me qee hewadein eundec cedadecebil Jisasca ahoin. Odocob Jisas uqa buga me qee je maadeceb dana deweneganadec cali hu belein. Odimei dana cajaca cunug age hagca me maden.

Matju 8:3

Odocob Jisas eben huleldumei deweg qududodoi madon, “Ija me mihiga tena. Me maga!” don. Saen eunadih lepra hag eu uqa dewegna culdeceb deweg hul hon.

Matju 9:20

Jisas cocobi lelen caja oso ono cabi gel 12-pela golac nenen odi hewi coboloi eu uqa dana cajaca cegulec gemo limei Jisas hibilohu isec ben. Uqadodoc maden, “Ija uqana lotoc dih qududocominfi ija hag metigian,” en. Odimei Jisasna lotoc bibig qududon.

Matju 9:29

Odocobil Jisas ebenna amala qududumei maalen, “Wawala meleecna odaleia,” alen.

Me Je i Mak Jaqen 1:29

Jisas mahucwe Juda agena cuha jo eu culdimei cocobi Saimon Andruca alena jona len. Uqa gami Saimon Andruca, Jems Jonca age jo dunuh lein.

Me Je i Mak Jaqen 1:41

Odocob Jisas dana eunu walol docob eben huleldumei deweg qududodoi madon, “Ija me mihiga tena. Me maga!” don.

Me Je i Luk Jaqen 8:54

Euqa Jisas eben u hewimei utai madudu madon, “Mel aid, cajaga!” don.