Matju 6:19 - Bal cehec je haun

^19-21 Jisas je haun maaden, “Hina toinain haudoc nijina eunu hina wawin cisdocha nijina. Mahana cehewan eu cumucumca tontonca hewi me qee mudina, odocob heje dana ceteh euha heje ocna cawaladoqagan. Eunu age mahana cehewan meca agedodocnu haudocnu cain cabi owain. Euqa sao jobonna cehewan eu tontonca qee hewena, eu susul me qee mudecwe qee, odocob heje oc dana euha heje ocna cawaladecwe qee. Eunu age sao jobonnu age cehewanaga meca haudocnu cabi oigale,” aden.

Matju 6:19 Iomraidhean Croise

Matju 19:21

Odocob Jisas uqa jejeg hewi madon, “Hina dana tutuc bahic calegannu gale hecemfi hina nuimeg hina cehewain cunug idadumeg meen qaig eunadec umeg dana sawen eundec siwiadagale. Odi odimeg hina sao jobon ono cehewainca bilegan. Odimeg hu ija tootagale,” don.

Me Je i Luk Jaqen 12:21

Odimei Jisas je eu tubdu maaden, “Eu odiwe dana cehewanaga agedodocnu haudogina qa Anut amegna eu age cehewanagaca qee,” aden.

Me Je i Luk Jaqen 12:33

Age toinanaga haudoc nijina eunu age wawaga cisdocha nijina. Eunu agena ceteteh cunug suldumeig meen qaig eu dana sawen eundec adeigale. Agedodoc agena meen qaig tacec badom qee qee mena eundec oiga. Odimeig age cehewanagaca sao jobonna biluqagannu saciadoiga. Ono cehewanaga eu qee qee meiaun. Ono heje dana oso euna lecwe qee. Susul ha me qee mudecwe qee,” aden.

Me Je i Luk Jaqen 12:39

Euqa ceteh i doiga. Dana jo gug uqa heje dana aadeb hu ijana ceteteh heje ugian eu doialumi [uqa us qee nijoub. Odimei] uqa heje dana culdocob uqana jo qeih qatanimei dunuh qee loub.

Me Je i Luk Jaqen 18:22

Saen Jisas eu dah mimei dana eu madon, “Hinana odoc ihoc ligiannu odoc oso qee odolom eu odogale. Hina nuimeg hina cehewain cunug idadumeg meen qaig eunadec umeg dana sawen eundec siwiadagale. Odi odimeg hina sao jobon ono cehewainca bilegan. Odimeg hu ija tootagale,” don.

Me Je i Luk Jaqen 18:24

Odocob Jisas dana eu waug me qee meceb fimei maden, “Kamel lotoc gisec cese gigilona isec li nuecnu cacanigca, euqa dana cehewanca eu Anutna cul dunuh lecnu cacanigca eu wooldoc bahic. Eunu dana cehewanagaca eundec age Anutna cul dunuh loqagannu eu cacanigca bahic!” aden.

1 Timoti 6:17

Dana age cehewanagaca maha ina bilegina eundec cain deboowainnu maadagale. Age cehewanaga cunug maha inadec eu mahuc odi me qee mena eunu cain wawaga meleeiaun. Euqa age Anutnu wawaga mele bahic igian. Uqadodoc ege ceteteh mati bahic wawige ceeli bilecnu igena. Eu odi maadagale.

Hibru 13:5

Age meen qaignu amaga qoc kobol eu cain toodowain. Odocob Anut wele maden: “Ija hina qee culihigaun. Ija hina qee tacewihigaun,” en. (Loo 31.6) Eunu ceteh age hewegina eunu odi cisdoiga, “Eu me bahic. Eu egenu ihoc,” odi doiga.