Matju 5:44 - Bal cehec je haun

^44-47 Ijaqa maadigina, age, dana age agenu nalunuga megina eundec himec nalunuga meginafi Anut cel ameg me adigian? Takis cedec dana eu ageha odi odogina. Odocob age agena danah eundec himec feele ec maadeginafi age in wooldu odogina. Haiden ageha odi odogina. Euqa Memega Anut uqa me odoc eundecca me qee odoc eundecca cam sulduadena. Uqa tutuc coboginaca tutuc qee coboginaca osobennu waha sulduadena. Eunu age Memega sao jobon bilia eu age uqa melahul bilegina eu camas moqagannu age agena cadnu nalunuga meigale. Aaqati tootooadegina eundecnu Anut waug qugiannu inondoigale.

Matju 5:44 Iomraidhean Croise

Me Je i Luk Jaqen 23:34

Jisas maden, “O Mei, age eeta odogina eu qee dogina. Eunu agena silail cagasiadaga,” en. Odimeig uqana lotoc agedodoc satu udodoig siwi cedein.

Me Je i Jon Jaqen 13:34

Ija qila age loo je haun adigina, age nalug mudecebmudecebi coboigale. Ija age nalunuga mem eu odi ageha nalug mudecebmudecebi bileigale.

Aposel 16:28

Euqa Pol jejeg suli u utai madon, “Ege cunug ihen! Hinadodoc cain dewen tudogaun!” don.

Aposel 7:60

Uqa mahana gob cehimei gehca utai madon, “Tibud! Hina i agena silail inu dahin celeiale!” don. Uqa eu odi dih mamadi ha cal men.

Pol Uqa Jaqec Je Oso Rom Tamanec Jaqiaden 12:14

Age tootooadi coboc eundec eeladeigale. Mele, cain geladowain! Eeladeiga.

1 Tesalonika 5:15

Oso casisic odadeceb casisic odudecna wadacdocnu cain cisdowain. Euqa age gaidgaid wawaga meleec cotogailnuca, dana cunugnuca, kobol me odadecnu jic waleigale.

1 Pita 2:23

Age uqa cewudec je madoin saen euna uqa cewudec jena qee wadacduadel. Uqa culumen dain doc sogoecca gahidon saen euna uqa dana me qee wadacadigian ec je oso qee madel. Euqa uqa uqadodoc cebac bilec cunug Anut ebenna men, Anut uqa Tutuc Gesilec.

1 Pita 3:9

Anut uqa age uqana eeldoc oqagannu gale don. Eunu uqa age kobol cunug eu odoqagannu utaaden. Eunu dana age kobol me qeena odadecebilfi age ameg me qeena cain wadacduadowain. Odocob dana age je me qee maadecebilfi age je me qee cain wadacduadowain. Eu odi qee, age Anutna eeladec mugumuga oqagannu age Anut uqa dana eu eeladigiannu inondoigale.