Matju 5:17 - Bal cehec je haun

^17-18 Jisas je haun maaden, “Ija mele maadigina, sao mahaca qee mudigian deel qee cali hoc ninijeb loo je jaqec naha nag osolha qee fadaleiaun. Loo je ninijeb li ceteh cunug ihoc ligian. Eunu age ijanu uqa Mosesna loo jeca je hahun madec dana agena iwaladec jeca bebesi qee mudigiannu hon odi cain cisdowain. Qeeo, ija loo jeca agena iwaladec jeca qee mudigennu qee holom qa ija loo jeca agena iwaladec jeca toodu bahic ihoc ligiannu hom.

Matju 5:17 Iomraidhean Croise

Matju 3:15

Odocob Jisas Jon jejeg hewi madon, “Anut madena eu cunug toodu odocnu eu tutuc. Eunu qila culimeg gad wa joitigale,” don. Odi madocob Jon cois imei wa jouden.

Matju 7:12

Eunu dana filfil age agenu odadecebil gale adenawe eu odi age dana filfilnu ha odadeigale. Ge, Mosesna loo jeca je hahun madec dana agena iwaladec jeha madein agena je eu uqana caun ihen,” aden.

Me Je i Luk Jaqen 16:17

Sao mahaca eu qee mecnu ihoc nijina, euqa loo je jaqec je nag bahic eu oso qee mecnu ihoc qee nijina,” aden.

Me Je i Jon Jaqen 8:5

Egena loo jena Moses maden caja i odeiawe odogina eundec meen qeli aqecebil cal meiga ena. Hina eeta madagana?” doin.

Aposel 18:13

Odimeig madein, “Dana i uqa dana cesusaadieceb Anut binan suluqagannu eu Mosesna loo je madena gadac eu wooldona!” ein.

Aposel 21:28

Odimeig age utai madein, “Isrel dana! Cesulgeiga! Dana i hatu cunugna cocobi uqa dana cunug Isrel dana cajaca Mosesna loo jeca tempelca hibemdocnu maaadiena. Euha qila uqa Juda dana qee tempelna cedadi ehi limei gun jo i gegehin mudia!” ein.

Aposel 6:13

Odimeig age dana leih Stiwennu uhulec je madoqagannu hamol cedi ehi lein. Age madein, “Dana i uqa saen cunug tempel gun ica, Mosesna loo je gun eunuca je me qee gaid madena.

Pol Uqa Jaqec Je Oso Rom Tamanec Jaqiaden 10:4

Ege doqona, Krais uqa loo je eu ihoc toodu li hedon. Eunu dana cajaca cunug Kraisnu wawaga meleena age ijanaga dana cajaca ititom eu ogina.

Pol Uqa Jaqec Je Oso Rom Tamanec Jaqiaden 3:31

Eunu ege wawige meleenafi ege loo je hibemdoqonafo? Qee bahic! Ege wawige meleenafi ege loo je eu hehdocomun gagadic tawena!