Matju 5:11 - Bal cehec je haun

¹¹ “Dana mahanadec eundec age, age ijana bilegina eunu cewadimeig aaqati tootooadimeig age agenu je me qee uhulaadi madegina saen euna age eeladecca bilegina.

Matju 5:11 Iomraidhean Croise

Matju 10:18

Ageha ija cilehtecnu cisdumeig gabman ilo kingca amagana ehi li madecebil tawoqagan. Odimeig age ijana me je gabman ilo kingca Juda dana qee eundecca maadoqagan. Saen euna age dana amagana wawaga meleec age eu doqagan eunu qasali madoqagan.

Matju 10:22

Odocob ija ijani hewegina eunu dana cajaca cunug age agenu gemanaga beceb sagagadoqagan. Euqa dana cajaca cunug age ceteh eu cunug wooldudu cit qoc gadacna calegina eu Anut uqa age cahahaadigian.

Matju 10:25

Malogom uqa uqana iwaldoc cinigwe bilina eu ihoc. Cabi danaha uqa uqana dana ben cinigwe bilina eu ihoc. Age jo gug jajabi Bielsebul doin eunu ege doqona, uqana jo eundec ha odi jajabadi je me qee bahic maadoqagan,” aden.

Matju 10:39

Oso uqa uqana cebac bilec hewigia odona eu uqa uqana cebac bilec felacudigian. Oso uqa ijana bilina eunu uqana cebac bilec felacudecebfi eu uqana cebac bilec ugian,” aden.

Matju 19:29

Age abesabes oso uqa jofo, waliagulfo, cebinagulfo, memegfo, anagfo, uqana melfo, cabifo ija ijaninu culiadecebfi uqa ceteh culden eu 100doc wooldoc ameg ben bahic ugian. Odocob uqa cebac bileceb catanec muguh ugian.

Matju 24:9

“Odi odocob age dewenega tudocnu dana ebenegana madecebil eu age aqecebil cal moqagan. Mahamaha cunug agenu age ija ijani hewegina eunu age agenu gemanaga beceb sagagadoqagan.

Matju 27:39

Odocob dana cajaca age hu li i bileig age lelandudu ilomoga culidudu

Me Je i Mak Jaqen 13:13

Odocob age ija ijani hewegina eunu dana cajaca cunug age agenu gemanaga beceb sagagadoqagan. Euqa oso uqa waug gagadic mumudi hib cit qoc gadacna caligian eundec Anut uqa cahahaadigian,” aden.

Me Je i Mak Jaqen 13:9

“Euqa dana age ehadi limeig agena cegulec amegna madoqagan. Eunu age agedodocnu cofdoigale. Age Juda agena cuha jona dewenega tudoqagan. Age ija ijaninu ijana me je qasali maadecnu hatu cofdocca kingca ehadi li amagana madoqagan.

Me Je i Mak Jaqen 4:17

Euqa agedodoc bebeigca qee. Age saen nag himec culumen gahidogina. Odocob Anutna jenu aqati tootooadecca temadecca ageca hocob mahuc wawaga meleec tonena.

Me Je i Luk Jaqen 21:12

Euqa ceteh eu cunug qee calec ninijeb age hewadimeig me qee madoqagan. Age Juda agena cuha jo dunuh um aqimeig gihacdoc jona madoqagan. Age ija ijaninu kingca, hatu cofdocca ehadi li amagana madoqagan.

Me Je i Luk Jaqen 21:17

Age ija ijani hewegina eunu dana cajaca cunug age agenu gemanaga beceb sagagadoqagan.

Me Je i Luk Jaqen 6:22

Age Dana Melah toodoqagannu dana age fimeig age agenu gemanaga beceb sagagadoqagan, age ititacadoqagan, odocob age cewadoqagan. Age agenu dana me qee ec madoqagan. Saen euna age eeladecca biluqagan,” aden.

Me Je i Jon Jaqen 15:21

Age uqa ija sulten eu qee dogina. Eunu age eu cunug age ija ijaninu odadoqagan,” aden.

Me Je i Jon Jaqen 9:28

Odocob age cewudodoig madoin, “Hina uqana malogom, egeqa Mosesna malogom.

Pol Uqa Jaqec Je Oso Rom Tamanec Jaqiaden 8:36

Eu mele, ceteh eu odi eu egeca calena eu Anutna jaqec je odi madena: “Ege hinana dana cajaca biluquna eunu deel cunugna qigecebil cal moqona. Age ege sipsip qagaadecnu himec odiwe mecigegina,” ena. (Buk Song 44.22)

1 Korin 4:10

Ege Krais ijannu dana gad biluquna qa age Kraisca gabandoc eu age dana cisdoc silecca bilegina! Ege lehanige culec biluquna qa age hihibanagaca bilegina! Age binanagaca bilegina qa ege binanigeca qee biluquna!

2 Korin 4:11

Ge, ege cebac coboqona ege gaidgaid Jisas ijannu cal mecna ehi li migegina. Eunu Jisasna cebac bilec euha ege cal mec dewenigena camasac migiannu.

Filipai 1:29

Eetanu? Anut uqa age Krais cewel utoc cabi aden. Odocob cewel utoc cabi eu odi. Age uqanu wawaga himec qee meleena qa age uqanu wawaga meleeceb age uqa ijannu dain adecha gahidogina.

1 Pita 2:23

Age uqa cewudec je madoin saen euna uqa cewudec jena qee wadacduadel. Uqa culumen dain doc sogoecca gahidon saen euna uqa dana me qee wadacadigian ec je oso qee madel. Euqa uqa uqadodoc cebac bilec cunug Anut ebenna men, Anut uqa Tutuc Gesilec.

1 Pita 4:14

Kis gagadic odoc fulacdocca eu Anutna Kis eu ageca bilina. Odocob age Krais ijan hewegina. Eunu dana age eunu je me qee maadecebilfi age cois ceeloqagan.

Jahunec Je Camasac Muden 2:3

Hina gagadic tatawi culumen gahidodogon ijaninu wawin sogoeen qee us hel euha ija dugina,” hena.