Matju 5:10 - Bal cehec je haun

¹⁰ Dana age tutuc odoginanu aaqati tootooadec gahidogina eundec saona gun cul eu agena. Eunu age eeladecca bilegina,” aden.

Matju 5:10 Iomraidhean Croise

Matju 10:23

Ija mele maadigina, age jobon oso cuculi busali osona li bilec odi oodi Isrel agena jobon cunug qee li hedoc ninijeb Dana Melah ceseli hugian. Eunu dana age jobon oso aqati tootooadecebil busali jobon osona beli bileiga,” aden.

Matju 19:14

Odocobil Jisas eu fimei maaden, “Mel simwe eundecnu sao cul jobon muden nijiado. Eunu cain cahacadowain. Culadecebil mel sim age ijaca hoigale,” aden.

Matju 25:34

King uqa odi odadimei dana cajaca ititom age eben meulana isec tawegina eundec maadigian, ‘Age ija wen teten bibiligin sab itein. Ija wa gab teten bibiligin wa itein. Ija jag bibiligin ehiti bilec cudun itein. Ija bical bibiligin age lotoc taqitein. Ija hagca bibiligin age hu soatein. Ija gihacdoc jona bibiligin age hu mecitein. Eunu Mei eeladen age hoiga, Anut uqa maha gug men saen euna uqana cul agenu saciadon eu mugumuga men qila nijia eu oiga,’ adigian,” aden.

Matju 5:3

“Dana age Anutnu doc dumanaga ihoc qee eunu dogina eundec saona gun cul eu agena. Eunu age eeladecca bilegina.

Me Je i Mak Jaqen 10:14

Euqa Jisas uqa eu fimei uqana malogom galac maden, “Mel sim eundecnu Anutna cul muden nijiado. Eunu cain cahacadowain. Culadecebil mel sim age ijaca hoigale.

Me Je i Mak Jaqen 10:30

eu uqa maha ina bibili wooldoc ameg ben bahic ugian. Uqa maha ina jobonjobonca, waliagulca, cebinagulca, anagulca, talaculca, mahamahaca haun cedadigian. Odocob uqa maha ina jabi tootoodocha gulucdugian. Odocob uqa saen hibna hugian euna cebac bileceb catanec ugian.

Me Je i Luk Jaqen 21:12

Euqa ceteh eu cunug qee calec ninijeb age hewadimeig me qee madoqagan. Age Juda agena cuha jo dunuh um aqimeig gihacdoc jona madoqagan. Age ija ijaninu kingca, hatu cofdocca ehadi li amagana madoqagan.

Me Je i Luk Jaqen 22:29

Odocob ija Mei cul osonu ilo miten. Eu odiwe age ijana culna ijana sab jec cabalna bibileig sab jejeig wa gab jejeig biluqagannu, odimeig bilec cabal ben kobolkobolcana bilimeig Isrel sihul 12-pela gesiladoqagannu ija ageha cul osonu ilo madigina,” aden.

Me Je i Luk Jaqen 6:20

Odocob Jisas uqana malogom meciaadi bilei maaden: “Age sawen dana, Anutna cul eu agena. Eunu age eeladecca bilegina.

Me Je i Luk Jaqen 6:22

Age Dana Melah toodoqagannu dana age fimeig age agenu gemanaga beceb sagagadoqagan, age ititacadoqagan, odocob age cewadoqagan. Age agenu dana me qee ec madoqagan. Saen euna age eeladecca biluqagan,” aden.

Me Je i Jon Jaqen 15:20

Ija wele maadem: ‘Cabi dana uqa uqana ben qee falic wooldu bilina,’ adem. (Jon 13.16) Je eunu cisdoigale. Age ija aqati tootootein eunu age ageha aqati tootooadoqagan. Age ijana je toodu odoin eunu eundec age agena jeha toodu odoqagan.

Aposel 5:40

Eunu age uqa jejeg toodumeig aposel utaadecebil hamol lein. Odocob age han qalic dana maadecebil age geh bahic qisaadimeig Jisas ijanna me je cain bahic dana maadowainnu cahacadimeig culadecebil belein.

Aposel 8:1

Odocob dana age Stiwen qocobil cal men eunu Sol eu tutuc ec cisdon. Age gihacdoc jona madecnu saen euna sanan mimeig wawaga meleec tamanec Jerusalem bilein aaqati tooadein. Eunu dana wawaga meleec eundec cunug budu Sameria hatuca, Judia hatunaca beladein qa aposel age qee budoloin.

2 Korin 4:17

Ge, egena culumen gahidoc eu saen nag bahic. Euqa culumen gahidoc i ceteh oso bilec catanec eu kobolkobol cahulecca oqannu saciadugena. Ceteh oqan eu ceteteh ben cunug wooladena.

Filipai 1:28

Ageha agena cadnu cain cucuiuwain, age gaid gagadic meigale. Odocob age odi odocobilfi agena cad age fadaloqagan ec doqagan. Odimeig agena cahahaadec eu Anutnadec eunu age Anut cahahaadigian echa doqagan.

2 Timoti 3:11

deweni tudocca, wawi sogoecca, euha wele fem. Dana age Antiokca, Aikoniamca, Listraca ono bilein age tootooti deweni tudoin, euqa Tibud uqa ebeneganadec ija cahahaten eu hina dogona.

Jems 1:12

Dana uqa gagadic tatawi temdoc cunugna culumen gahidona uqa ceelecca. Uqa temdoc cunug wooldocobfi Anut demico bilec eu utigian. Anut dana cunug uqanu nalug megina eu age ameg i adecnu wele maden.

Jems 5:11

Age cisdoiga, ege odi madoqona, “Dana age wawaga gagadic mudimeig culumen gahidoin eu age eeldoc oqagan,” oqona. Age Jobna dodo wele dah mein. Uqa waug gagadic mudimei culumen cunug uqaca hon eu gahidon. Odocob hibna Tibud uqana kobol mena oduden euha age dogina. Tibud uqa egenu waug qocnuca cesulgecnuca eu geh bahic eu mele ege doqona.

1 Jon 3:12

Odocob ege Kein cinigwe cain biluqaun. Kein uqa Setennadec, uqa waliag qagadocob cal men. Uqa eetanu waliag qagadocob cal men? Uqana odoc eu qisol mec, odocob waliagna odoc eu tutuc eunu.

Jahunec Je Camasac Muden 2:10

Hina isi wawin sogoec ben gahidogan eunu cain cucuiagaun. Faga, Seten uqa agena wawaga meleec temdocnu age eundec leih gihacdoc jona heladigia odona. Odocob hina deel 10-pela odi cilehadec gahidogan. Euqa hina wawin meleec eu heheweg li cal mec gadacna calegan. Odocom ija cebac bilec king katakat ihigen,” hena.