Matju 4:19 - Bal cehec je haun

¹⁹ Odocob Jisas maalen, “Hu tootecebil ija odalecemin ale dana cajaca cedadowasan,” alen.

Matju 4:19 Iomraidhean Croise

Matju 16:24

Odocob Jisas uqana malogom maaden, “Feiga, Dana Melah uqa Memegna kobolkobolca uqana ensel gami hoqagan. Deel euna uqa dana abesabes age odoinnu ameg wadacadigian. Eunu dana oso mahamaha cehewan cunug oialumiqa uqana cebac bilec qee moubmi cehewan on eunu me biloubfo? Qeefi, dana uqa cebac bilec eu culecebfi cel cetehna uqana cebac bilec ceseli besi ocnu fajudigian? Oso uqa uqana cebac bilec cahahadugia odona eu uqa uqana cebac bilec felacudigian. Odocob oso uqa ijana bilina eunu uqana cebac bilec felacudecebfi eu uqana cebac bilec ugian. Eunu oso uqa ijanu madi, ija uqa jaih ceen lahacdudu toodugen, ena eu uqadodoc deweni me biligian ec cain madeiaun qa uqa uqana na babalec hewi gahidumei tooteiale.

Matju 19:21

Odocob Jisas uqa jejeg hewi madon, “Hina dana tutuc bahic calegannu gale hecemfi hina nuimeg hina cehewain cunug idadumeg meen qaig eunadec umeg dana sawen eundec siwiadagale. Odi odimeg hina sao jobon ono cehewainca bilegan. Odimeg hu ija tootagale,” don.

Matju 4:18

Jisas uqa Galili wa gad cagocna cocobi dana oso waliagca fecialen, eu Saimon, age Pita egina, uqa waliag Andruca. Ale cimec ben wana hehelesin fen. Ge, age cul dool cedec dana.

Matju 4:20

Maaleceb mahuc bahic alena cimec ben cuculesi uqa toodu belesin.

Matju 8:22

Odocob Jisas jejeg hewi madon, “Cal mec dana culadecem cal mec eundec agena heel ciseigale. Hinaqa ija tootaga,” don.

Matju 9:9

Jisas uqa jobon eu culimei uqa cali li dana oso, ijan Matju, uqa takis cedec jona bibilen fen. Fimei madon, “Tootaga,” don. Odocob uqa cajimei Jisas toodu nuen.

Me Je i Mak Jaqen 2:14

Odimei uqa jic cobi nunui uqa Alfias melah, Liwai, takis cedec jona bibilen fen. Fimei madon, “Tootaga,” don. Odocob Liwai uqa cajimei Jisas toodu nuen.

Me Je i Luk Jaqen 5:27

Odocob ceteh i hedocob Jisas uqa cali li takis cedec dana oso, ijan Liwai, uqa takis cedec jona bibilen fen. Fimei madon, “Tootaga,” don.

Me Je i Luk Jaqen 9:59

Odocob uqa dana oso madon, “Tootaga,” don. Euqa dana eu madon, “O Tibud, cultecem ija casac ceseli nuimig mei heel cisigen,” don.

Me Je i Jon Jaqen 1:43

Deel osona Jisas Galili hatu ono nuigia bili caji nuen. Nuimei uqa Filip gulucdumei madon, “Hina ija tootaga!” don.

Me Je i Jon Jaqen 12:26

Oso uqa ijana cabi hewecnu gale dona eu uqa ija gad tooteiale. Odocob ija biligenna ijana cabi dana uqaha ijaca ono bilewan. Oso uqa ijana cabi ona eu Memige Anut uqa uqana binanca mudigian,” alen.

Me Je i Jon Jaqen 21:22

Odocob Jisas uqa Pita madon, “Ija madeceminfi uqa bibileb li ija ceseli hoc saenna biligian eu ijana himec, hinana qee. Hina ija tootaga!” don.

2 Korin 12:16

Euqa leih age ijanu je odi madegina, “Eu mele, uqa egena ceteh camasac qee ol qa uqa ege faningimei uhulec kobolna uqa ege medemige qahimei euna odi digi cawalgina,” egina.