Matju 23:4 - Bal cehec je haun

⁴ Age ceteh culumen bahic sogimeig dana gahidoqagannu qatomogana megina. Euqa sogec eu agedodoc nag bahic hewi fecnu culegina.

Matju 23:4 Iomraidhean Croise

Matju 23:23

“O loo je iwaladec Farisica, age agena ceelum filfil cabinadec am 10-pela qatanadimeig am osol eu Anut utegina. Age Anutna loo je ceteh nagnu geh cisdogina euqa Anutna loo je ceteh caunca eunu qee cisdogina. Age dana gesiladecnu kobol tutucca, waug qocca, wawaga meleecca eunu qee cisdogina. Age ceteh caunca ceteh nagca osoben odoubqa age qee odoloin. Age dado madec qa amaga galuc mecca! Age agena sabna galalec nag cedi helegina euqa kamel belucdocobil nona. Eunu age me hihili coboc dana! Age walocca!” aden.

Matju 23:3

Eunu age odocnu je maadegina eu cunug toodu odoigale. Euqa agena odoc toodu cain odowain. Ge, age dana cajaca je maadegina euqa age madeginawe agedodoc qee toodu odogina.

Me Je i Luk Jaqen 11:46

Odocob Jisas jejeg hewi madon, “O loo je iwaladec dana age ceteh culumenca dana gogodomogana megina eu gahidocwe qee qa agedodoc bahic ebenega gic osol hululecdumeig ceteh culumenca eu gahidocnu qee cesuladegina. Eunu ageha walocca!

Aposel 15:10

Eunu qila age eetanu Anut temdogina? Age culumen i ege jajanigeil egeca gahidocnu ihoc qee eu malogom adecwe qee.

Aposel 15:28

Kis Gun egeca culumen haunhaun oso qee adoqaun qa gadac i himec wooldocnu ihoc qee adoqona eunu wawige osol moqan.

Galesia 6:13

Ge, leih age dewenega cagu qogina eu ageha loo je qee toodu odogina. Euqa age Galesia age dewenega cagu qoqagannu gale adena eunu age dana amagana deweneganu culai madoqagan, “Galesia age dewenega cagu qoin,” oqagan.

1 Jon 5:3

Ge, Anutna nalug mec eu odi. Ege uqana je gagadic eu toodu odeqan. Odocob Anutna mel ibuldoin eu age mahana gagadic odoc wooldogina. Eunu Anutna je gagadic eu culumen qee igina. Ege Anutnu wawige meleena. Odocob kobol euna ege mahana gagadic odoc wooldoqona.

Jahunec Je Camasac Muden 2:24

“Euqa Taiataira ono bilegina eundec leih age iwaladec je eu qee hewi toodogina, age age leih Setenna gug dunuh uqana ceteh egina eunu dahiniga qee qolocijelein, age eundec maadigina, ‘Ija culumen ceteh oso dewenegana qee migaun.