Matju 21:15 - Bal cehec je haun

¹⁵ Euqa ihanec dana benbenca loo je iwaladecca age Jisas kobolkobol oodon fimeig mel sim ha tempelna Jisas binan susuli Hosana! Ege Dewid Melah binan suluquna! ec due sisilegin dah mimeig gemanaga jawe beceb

Matju 21:15 Iomraidhean Croise

Matju 20:24

Malogom 10-pela age je eu dumeig age dana lecis eu alenu wawaga me qee men.

Matju 21:23

Jisas uqa haun tempel dunuh limei dana iwaladi tatawen ihanec dana benbenca Juda agena matuca age Jisasca hu sisildu madoin, “In ijanna hina eu odogona? In cabi eu ocnu mahen odogona?” doin.

Matju 21:9

Dana cajaca age aqunitutu hib toodudu age due sisili madein: “Hosana! Ege Dewid Melah binan suluquna! Tibud ijanna egeca hona eu uqa eeldoc biliale. (Buk Song 118.26) Anut Ohis Bahic uqa binan wasi nuiale,” ein.

Matju 22:42

“Age Anutna Krais eunu adi cisdogina? Uqa in melah?” aden. Odocob age madoin, “Eu Dewid Melah,” doin.

Matju 26:3

Saen euna ihanec dana benbenca Juda agena matuca age ihanec dana agena ilo, ijan Kaiafas, uqana jona cegulimeig

Matju 26:59

Aria, ihanec dana benbenca, Juda dana ben cunug age ceguleinca age Jisas dewegnu ob mec je amagana fec dahinigana doc eundec je walein. Oso camas meceb eu toodu geldocomun cal migian ein.

Matju 27:1

Walag daneceb ihanec dana benbenca Juda agena matuca cunug gabandumeig age Jisas qocobil cal migiannu je togodoin.

Matju 27:20

Ihanec dana benbenca Juda agena matuca age Juda dana cajaca wawaga hunecebil age Pailat Barabas besitugagale, Jisas na babalecna qogale doqagannu jajahiladi hedoin.

Matju 9:27

Jisas uqa cudun eu culimei nunuen dana lecis amala galuc mec ale Jisas toodu utadudu madosin, “O Dewid Melah, elenu walol heiale,” dosin.

Me Je i Mak Jaqen 11:18

Odocob ihanec dana benbenca loo je iwaladec age je eu dumeig uqa qagadoqagannu jic wali coboin. Ge, dana cajaca cunug uqana iwaladecnu filicitein eunu age cucuidoin.

Me Je i Luk Jaqen 20:1

Odocob deel osona saen Jisas uqa tempelna iwalaadi me je maaaden ihanec dana benbenca, loo je iwaladecca, Juda agena matuca age uqaca humeig

Me Je i Luk Jaqen 22:2

Odocob ihanec dana benbenca loo je iwaladec danaca age dana cajacanu cucuiein. Eunu age Jisas qagadocnu jic oso walein.

Me Je i Luk Jaqen 22:66

Walag daneceb Juda agena matuca, ihanec dana benbenca, dana loo je iwaladecca cegulein. Odocob Jisas eu agena gesilecnu tamanec euna ehudi ehi lein.

Me Je i Jon Jaqen 12:19

Odocobil Farisi agedodoc togodudu madein, “Feiga, ceteh ege odeqa eu ihoc qee leiaun! Dana cajaca cunug qila uqa toodoqagannu wele beleiga!” ein.

Me Je i Jon Jaqen 4:1

Saen euna Farisi age Jisas uqa Jon wooldoc dana mati bahic uqana malogom ibuldogina, mati bahic wa joadena ec doin. Euqa Jisas uqadodoc dana qee wa joadel, uqana malogom agedih dana wa joadein. Odocob Tibud uqa je eu dumei Judia hatu culdimei Galili hatu ono ceseli nuen.

Me Je i Jon Jaqen 7:42

Anutna jaqec je eu Anutna Krais uqa Dewid sihulnadec, Betlehem jobondec ono Dewid bilen eunadec cali hugian ec madena,” ein.