Matju 20:14 - Bal cehec je haun

¹⁴ Hinana meen qaig oga eu gad hewi nuuga. Ijadodoc ijana gale tecnu ija hib hoiga eundec hina ihiga odi ihocihoc adiga.

Matju 20:14 Iomraidhean Croise

Matju 20:13

“Euqa wain cabi gug uqa dana eundec oso madon, ‘Ijana danah, ija hina qee wahelem. Faga, ija hina qasil kina osolnu cabi oganfo, ec sisilhecemin cois qee telemfo?

Matju 20:15

Ija ijana ceteteh wawi madec toodu siwecnu qee nijelfo? Ija nelinica odigina hina eunu gumunitagana eu coisfo?’ don,” aden.

Matju 6:16

Jisas je haun maaden, “Me hihili coboc dana eu age ege sabnu qagu biluquna eu meciguqagan imeig olanaga jugu qocca cobogina. Euqa age sabnu qagu bilecnu bibileig olanaga jugu qoc me hihili coboc dana eu odi odoginawe cain cobowain. Ija mele maadigina, dana eundec age agena ameg oc eu wele oin.

Matju 6:2

“Me hihili coboc dana age Juda agena cuha jonaca jicnaca ege binanige suluqagan imeig sawen dana loo siwiadoqa bili aquniaadi taul fuldogina. Eunu hina me hihili coboc dana eundec odi odogina cain odogaun. Ija mele maadigina, dana eundec age agena ameg oc eu wele oin.

Matju 6:6

Euqa hina Memen inondoga bili hina jo hamol limeg jic cebec menimeg Memen uqa jahunecna bilia eu inondoga. Odocob Memen uqa ceteh jahunecna bilia eu fena uqa ameg me ihigian,” aden.

Me Je i Luk Jaqen 15:31

Odocob memeg jejeg hewi madon, ‘Melami, hina saen cunug ijaca biluwuna. Odocob ceteteh cunug ijana eu hinana.

Me Je i Luk Jaqen 16:25

Euqa Ebraham madon, ‘Melami, cisdoga, hinana cebac bilec saenna hina ceteteh meme cunug cedem. Odocob Lasaras ceteteh me qee ceden qa qila uqa ene ceelii bilia. Oodon hina ono gisi cacagu biliga.

Pol Uqa Jaqec Je Oso Rom Tamanec Jaqiaden 3:19

Odocob ege doqona, Mosesna loo je eu uqa egena silail eu himec ihacgena, eunu dana oso uqa ija dana ititom ec madecwe qee. Eunu cel je loo je madena eu dana cunug age je madecwe qee bilimeig dana maha cunugnadec ege Anut amegna cahuldocca biluquna ec madoqagannu eu dana loo je bisalu bilegina eu age maadena.

Pol Uqa Jaqec Je Oso Rom Tamanec Jaqiaden 3:4

Qee bahic! Anutna jaqec je odi madena: “O Anut, hinana je cunug eu mele bahic dana cunug eu fegina. Odocob hinana je eu gesilifeig hinana je eu tutuc himec foqagan,” ena. (Buk Song 51.4) Eunu dana cunug age uhulegina qa Anut uqa himec saen gaid je mele madena.