Matju 16:19 - Bal cehec je haun

¹⁹ Ija sao cul jobon ki ihigen. Ceteh cunug hina mahana jelaga qa sao jobonna ha jelec biligian. Ceteh cunug hina mahana cufalaga qa eu sao jobonna ha cufalec biligian,” don.

Matju 16:19 Iomraidhean Croise

Matju 18:18

“Ija mele maadigina, age ceteh mahana jelegina eu sao jobon jelec biligian. Ceteh age mahana cufalegina eu sao jobonha cufalec biligian,” aden.

Me Je i Jon Jaqen 20:23

Age dana cajaca agena silail dahiniga celecebfi Anut uqaha dana cajaca agena silail dahig celigian. Ageqa dana cajaca agena silail qee dahiniga celecebfi Anut uqa dana cajaca agena silail qee dahig celeiaun,” aden.

Aposel 15:7

Odimeig saen cecelac bahic togodumeig Pita cajimei maaden, “O cotiel, ija Juda dana qee me je maadecnu weleca Anut age gemonadec ija nesili ehiten. Eunu Juda dana qee age dah mecebil wawaga meleigiannu eu dogina.

2 Korin 2:10

Odocob age dana oso uqana silail dahiniga celecebfi ijaha uqana silail dahini celigian. Odocob dana oso uqa cahuldon eu ija uqana silail dahini celigian ec mele nijecebfi eunu ija Krais amegna age cesuladigennu dana i uqana silail dahini celigian.

1 Tesalonika 4:8

Eunu oso je eu cewudina eu uqa danana je qee cewudina eu uqa Anutna je cewudina. Anut eu uqa uqana Kis Gun age adena ec cisdoiga.

Jahunec Je Camasac Muden 11:6

Anut uqa gagadic odoc aleceb ale je hahun mamadebil saen euna sao hudeceb wa qee neiaunnu gagadic muduwasan. Anut uqa gagadic odoc aleceb ale wa fifiji bec golac ibuldugiannu gagadic muduwasan. Ale dana cajaca mahana bilegina eu me qee madecnu ceteh filfilna aqowasannu gagadic mowasan. Ceteh cunug odocnu ale alena gale alecna eu odi odowasan.

Jahunec Je Camasac Muden 3:7

Odocob uqa maten, “Hina Filadelfia tamanecna ensel je odi jaqitogale: ‘Gun meleca uqa Dewidna ki hewi bilina, uqa jic hudeceb oso qee meneiaun, uqa jic meneceb oso qee hudiaun eu uqa je odi mahena,

Jahunec Je Camasac Muden 9:1

Odocob ensel 5-peladoc eu uqana taul fuldon. Ija malaqa oso saonadec mahana totonen eu fem. Anut uqa ki oso uten, eu maha heel ben eu dunuh bahic non gugca qee eu uqana.