Matju 14:3 - Bal cehec je haun

^3-4 Ge, wele Herod uqa waliag Filip aideg, Herodias, on. Odocob Jon uqa li Herod madon, “Hina walien aideg om eu tutuc qee,” don. Eunu Herod uqana han dana suladeceb age li Jon hewi libimeig gihacdoc jona mudein.

Matju 14:3 Iomraidhean Croise

Matju 11:2

Wa Joadec Jon uqa gihacdoc jona bilen. Odimei uqa Krais odonnu je dah mimei uqana malogom suladeceb Jisasca lein. Uqa uqana malogom maaden,

Matju 14:6

Herod uqa anag basen deelnu dana mati bahic cegulein. Age ceeli bibili sab jejegin Herodias ateg, eu dana osonadec, uqa hu dana amagana due duen. Oodon eu Herod gale docob

Matju 4:12

Aria, Jisas uqa age Jon hewimeig gihacdoc jona mudein ec dumei uqa Galili hatu ono nuen.

Me Je i Mak Jaqen 6:14

Saen euna Jisas uqana odocnu je eu hatu cunugna ihoc len. Eunu King Herod uqa Jisasna odocnu hutan don. Leih age madein, “Wa Joadec Jon uqa cal mecnadec ceseli cajen! Eunu gagadic odoc i uqa dunuh cabi ona,” ein.

Me Je i Mak Jaqen 6:17

Ge, wele Herod uqa waliag Filip aideg, Herodias, on. Odocob Jon uqa li Herod madon, “Hina walin aideg om eu tutuc qee,” don. Eunu Herod uqana han dana suladeceb age li Jon hewi libimeig gihacdoc jona mudein.

Me Je i Mak Jaqen 6:19

Odocob Herodias uqa Jon ameg me qeena wadacdugiannu cisdon. Qocob cal migiannu en qa uqa ihoc qee.

Me Je i Mak Jaqen 6:22

Odocob Herodias ateg dunuh limei due duen. Odocob Herod uqa uqana danahca mel aid eunu gale aden. Eunu Herod uqa mel aid eu madon, “Hina cel ocnu gale hena eunu sisiltaga, odocob ija ihigen,” don.

Me Je i Mak Jaqen 8:15

Jisas doqagannu je maaden, “Dah meiga, age Farisica Herodca agena bred gug qoc ibuldocnu jisnu ageca hoiaunnu batut feigale,” aden.

Me Je i Luk Jaqen 13:1

Saen euna dana ono bilein age Galili dana age dool ihandodogin Pailat uqa uqana han dana maadeceb aqecebil age cal mein. Age golanaga ihandoc dool golacca ihuldosin eunu Jisas madoin.

Me Je i Luk Jaqen 13:31

Saen euna dih Farisi leih Jisasca limeig madoin, “Herod qagahigia madeia. Eunu hina enedec isa qoga. Cudun osona nuuga,” doin.

Me Je i Luk Jaqen 23:11

Odocob Herod uqana han danaca age Jisas cih je madodoig ququein. Lotoc gaga me bahic king taqeginawe u taqitumeig suldocobil Pailatca ceselen.

Me Je i Luk Jaqen 23:7

Saen Pailat uqa Jisas eu Herod maha cul cofdonanadec ec dumei uqa Herodca suldon. Saen euna Herod uqaha Jerusalem ono ilo bibili bilen.

Me Je i Luk Jaqen 3:1

Saen euna cabi gel 15docna Taibirias Sisa uqa Rom agena cofdoc dana bilen. Saen euna ha Pontias Pailat uqa gabman dana Judia hatu agena ilo bilen. Odocob Herod uqa Galili hatu agena ilo bilen. Odocob uqa waliag, Filip, uqa Ituraia Trakonaitisca hatu alena ilo bilen. Odocob Laisenias uqa Abilini hatu nag agena ilo bilen.

Me Je i Luk Jaqen 8:3

Joana, uqa Susa aideg, uqa Herodna jona dana cofdoc, uqaca, Susanaca, caja mati agedodoc agena ceteteh euna Jisas uqana malogomca cesuladein, ageha Jisas gami belein.

Aposel 12:1

Saen euna odi King Herod wawaga meleec tamanec dana leih hewi aqeceb qee moqagannu sanan men.

Aposel 4:27

Eu mele bahic, taun ina Herodca, Pontias Pailatca, Juda dana qee eundec ageca, Isrel dana ageca age gabandumeig age Jisas hinana cabi dana gun, hina wele Krais mudem, eu deweg tudocnu cegulein.