Matju 13:21 - Bal cehec je haun

²¹ euqa uqadodoc bebeigca qee. Uqa saen nag himec culumen gahidona. Anutna jenu aqati tootoodocca temdocca uqaca hocob mahuc waug meleec tonena.

Matju 13:21 Iomraidhean Croise

Matju 10:22

Odocob ija ijani hewegina eunu dana cajaca cunug age agenu gemanaga beceb sagagadoqagan. Euqa dana cajaca cunug age ceteh eu cunug wooldudu cit qoc gadacna calegina eu Anut uqa age cahahaadigian.

Matju 11:6

In oso uqa ijanu waug meleec qee felacudel eu Anut uqa eeldugian,” aden.

Matju 13:20

Aig maha meen baibacana tonennu madiga eu odiwe dana oso uqa me je dah mimei waug ceelecca je eu mahuc ona,

Matju 13:57

Age uqanu wawaga me qee meceb cecewudi bilein. Euqa Jisas uqa maaden, “Je hahun madec dana oso uqana gug jobon qee euna age uqana je dumeig uqa saolal mudecnu nijia. Euqa uqana hatuna, uqana eundec age uqa cewudegina,” aden.

Matju 13:6

Odocob cam gagadic tatawen eu cijaden. Odocob bebeig dunuh qee nol eunu qala jajawalen.

Matju 24:13

Euqa oso uqa waug gagadic mumudi hib cit qoc gadacna caligian eundec Anut cahahaadigian.

Matju 26:31

Odocob Jisas uqa malogom maaden, “Anutna jaqec je oso nijia eu ihen: ‘Ija sipsip cofadec dana qocomin sipsip cunug bilisadu beloqagan’ ec nijia. (Sekaraia 13.7) Eunu witic ina ceteh ijaca caleceb age cunug ijanu wawaga meleec tonigian.

Matju 26:33

Odocob Pita madon, “Leih cunug age ceteh hinaca caleceb fimeig hinanu wawaga meleec tonigianfo ija qee dugina, ijaqa qee bahic qee hinanu wawi meleec toneiaun,” don.

Me Je i Mak Jaqen 4:17

Euqa agedodoc bebeigca qee. Age saen nag himec culumen gahidogina. Odocob Anutna jenu aqati tootooadecca temadecca ageca hocob mahuc wawaga meleec tonena.

Me Je i Luk Jaqen 8:13

Aig eu maha meen baibacana tonen eu odiwe dana age Anutna je dah mimeig wawaga ceelecca je eu ogina. Euqa age aig bebeig qee mel. Age saen nag odi himec wawaga meleeceb temadec saen hocob toni aqena.

Me Je i Jon Jaqen 6:26

Odocob Jisas jejenega hewi maaden, “Ija je mele maadigina, age ija kobolkobol oodigin fein eunu qee walitelein qa age bred jimeig wawaga ihoc len eunu walitegina.

Pol Uqa Jaqec Je Oso Rom Tamanec Jaqiaden 2:7

Leih age kobol me eu gagadic hewegina oodoig kobolkobolca ijanaga benca biluqagannuca cebac bilec qee mecwe qee eu megegina. Dana eu agenu Anut uqa cebac bilec gaid bileceb catanigian eu adigian.

Galesia 6:12

Dana eu age, age dewenega cagu qoqaga bili gagadic megina eundec age dana amagana deweneganu debooqagannu gale adena. Age cucuiimeig cisdogina, “Dana leih age ege Kraisna na babalecnu wawige meleena ec dumeig jabigi tootoogowainnu ege dewenige cagu qoc kobol toodu odoqona,” egina.

Galesia 6:15

Dana dewenega cagu qocfo, qee dana dewenega cagu qee qocfo eu caunca qee. Euqa Anut uqa ege odigeceb ege haun ibuldom eu caunca bahic.

Efesas 3:17

Odocob age Kraisnu wawaga meleecna Krais uqa age wawaga dunuh biligiannu inondugina. Odocob agena dana cajaca cunugnu nalunuga mec eu age wawagana wasimei duuec tawigiannu inondugina, eu odiwe na bebeig eu maha gagadic heweceb na duuec tawena.

Filipai 1:6

Odocob Anut uqa cabi me i age dunuh sanan men eu gahidodob lili Jisas Krais ceseli hoc deelna qee migiannu ija du cuhadugina.

2 Timoti 1:15

Hina dogona, Esia mahanadec eundec cunug age ija hibemtein. Age eundec leih Figelusca Hemogenisca.

Jems 3:2

Ge, ege cunug cabi oc gaid cahuldoqona. Oso uqa je maadecna qee cahuldona eu uqa dana tutuc bahic, uqa deweg cunug dado mudecnu ha ihoc.

1 Pita 1:5

Age Kraisnu wawaga meleena, eunu Anut uqa uqana gagadic odocna uqa age cahahaadigiannu cofadi cuhadona. Odocob agena cahahaadec eu saciadon bilia eu deel cit qocna camasac mudigian.

Jahunec Je Camasac Muden 2:13

“Ija hina ana biligina eu figina. Ge, Setenna king bilec cabal tawena euna biligina. Hina ija ijaninu gagadic hewagana, hina ijanu wawin meleec qee falicdol. Antipas eu ijanu gaid qasali madoloi age gemona Seten bilecna euna qocobil cal men saen euna ha ijanu wawin meleec qee qee sasac qolom,” hena.