Kolosi 1:6 - Bal cehec je haun

⁶ Me je eu ageca hon. Dana cajaca ageha mahamaha cunug me je maadec cabi ogina. Odocob dana cajaca mati bahic age me je dah mimeig wawaga meleen. Me je eu dana cajaca mati bahic age gemona li hunawi ihoc lena. Kolosi ageha hahawannadec Anutna eelgec uum igec eu mele bahic ec dah mimeig me je eu age gemona li hunawi ihoc lenwe.

Kolosi 1:6 Iomraidhean Croise

Matju 24:14

Anutna culnu me je eu mahamaha cunug qasali maadecebil ihoc lili ninijeb dana cajaca cunug dodobil hib cit qoc deel cali hugian,” aden.

Matju 28:19

Eunu age mahamaha cunug beladimeig dana cajaca ijana malogom madeiga. Age Memige Anut ijanna, uqa Melah ijanna, Kis Gun ijanna wa joadeiga.

Me Je i Mak Jaqen 16:15

Odimei uqa maaden, “Age mahamaha cunugna beladimeig dana cajaca cunug Anut ifanen eu me je qasali maadeiga.

Me Je i Mak Jaqen 4:8

Aig osooso eu mulu mahana tonen. Odocob qala qahimei ben mi aig qon. Aig oso qoc 30 ihoc len, osooso 60 ihoc len, osooso 100 ihoc len,”

Me Je i Jon Jaqen 15:16

“Age ija nesili qee ehitelein qa age belimeig aig qoqagannuca, agena aig qoc eu catanigiannuca nesili ehadem. Odimig age Memige Anut uqa age ijanina ceteh osonu inondoqagaqa eu cunug adigiannu ija age nesili ehadem.

Me Je i Jon Jaqen 17:19

Age mele jena hinanu qagu biluqagannu ija ijadodoc hinanu qagugina,” don.

Me Je i Jon Jaqen 4:23

Euqa saen oso hugian, saen euha wele hon nijia, saen ina dana mele cuha fegina age Memige Anutnu Kisnaca mele jenaca cuha foqagan. Dana eundec Memige Anutnu cuha fegina eu uqa gale dona.

Aposel 11:18

Saen age eu odi dah mimeig age Pitanu je madein eu culein. Odimeig Anut binan susuleig madein, “Anut odadeceb Juda dana qee eundec ageha agena silailnu tului falicdumeig cebac bilec catanec oqagan!” ein.

Aposel 12:24

Euqa Anutna me je ben dumei hatuhatu cunug nuen.

Aposel 16:14

Caja oso uqa cegulec euna bilen uqa egena je dah men eu ijan Lidia. Uqa Taiataira taun bendec, lotoc golca idadu suldoloi. Uqa Anut binan suloloi. Odocob Tibud uqa odudeceb Lidia uqa waug fogo docob Pol je mamaden dah mudi bilen.

Aposel 26:18

Hina eu age amaga hulelduadecem age tu hibemdumeig fulacdocna falicdoqagan. Odocob Setenna gagadic odoc culimeig Anutca hoqagan. Eunu ijanu wawaga meleeceb agena silail cagasiadecemin agena cudun Anut dana qagu maden ageca oqagan,’ ten,” en.

Pol Uqa Jaqec Je Oso Rom Tamanec Jaqiaden 1:13

O wawaga meleec cotiel, age du cuhadoqagannu wawi nijia, saen geh bahic ija ageca ono lecnu madem. Euqa saen cunugna ceteh ijana jic aqatitoloi. Ijana cabi oc ija Juda dana cajaca qee eundec cesuladecemin age wawaga meleen, ija cabi eu age gemona odocnu age am leihha odi caloqagannu wawi nijia.

Pol Uqa Jaqec Je Oso Rom Tamanec Jaqiaden 15:19

Ija cabi eu gaga odocnaca kobolkobol odocnaca Kis Gunna gagadic odocnaca odom. Eunu ija Jerusalem ono sanan mimig Kraisna me je cunug qasali mamadig cocobi nui Ilirikam hatu cunugna nuem.

Pol Uqa Jaqec Je Oso Rom Tamanec Jaqiaden 15:28

Eunu ija qaig cunug age cedein eu Jerusalem dana cajaca adigen, ija cabi i casac qee mudi hedumig saen euna ija ageca nui calimig Spen hatuna nuigen.

Pol Uqa Jaqec Je Oso Rom Tamanec Jaqiaden 16:26

Qilaqa Anut odocob je hahun madec dana agena jaqec jena me je eu camasac caligian. Anut uqa bileceb catanena uqa madeceb dana cajaca mahana cunug bilegina eu age me je eu dah mein. Eunu dana cajaca cunug age wawaga meleeceb me je eu toodoin.

2 Korin 10:14

Odocob Korin age ijana cabi Anut iten eu uqana gadac dunuh bilegina, eunu ija hahawan ageca humig Kraisna me je maadem saen euna ija gadac eu qee wooldolom.

2 Korin 6:1

Anut uqa odi madena: “Saen ija nesili ehadem euna ija agena je dah mimig cesuladem. Cesuladecnu saen ija nesili ehadem euna ija age cahahaadem,” ena. (Aisaia 49.8) Dah meiga! Qila i eu Anutna cesuladec ocnu saen. Dah meiga! Qila i eu Anutna cahahaadec ocnu saen. Eunu ege Anutca osoben cabi u biluquna ege cesusaadi maadoqona, “Age Anutna eelgec uum igec wele oin eu age gauc cain cusdowain,” adoqona.

Efesas 3:2

Anut uqa eeltec uum itimei uqa cesuladecnu cabi i ugennu iten ec dah mein eu mele cisdugina.

Efesas 4:21

Eu mele bahic cisdugina, age Kraisnu dah mein, odocob age uqana dana cajawe bilecnu mele je Jisasna nijina euna iwaladein.

Efesas 4:23

Age Anut culdecebil agena cisdocca, wawaga madecca waticduadeceb haun ibuldugian.

Efesas 5:9

Ge, ceteh eu me bahic, ceteh eu ititom, ceteh eu mele bahic eundec cunug eu fulacdoc uqana aig qoc.

Filipai 1:11

Odocob agena coboc eu ceteh me bahic gehca Jisas Kraisnadec hona eu agenu am bigian. Odocob agena me coboc eu Anut binan uteceb binan suleqan.

Filipai 4:17

Ija bagol itec ocnu qee waligina. Euqa ija age agena kobol me eu gehca caligiannu gale tena, odocob Anut uqa ameg me bahic adigian.

Kolosi 1:10

Odocob age Tibud gale dona eu odi cobocnu ihoc. Odocob ceteh uqa waug me nijigian eu gaid odoqagan. Agena cebac bilec eu cabi me hanoqagan. Odocob age Anutnu doc silecca eu ben dugian.

Kolosi 1:23

Euqa age wawaga meleec gagadic hewimeig duuec taweiga. Odocob ceteh oso age diadeiaunnu age ceteh me ocnu sumudi bilegina eunu me je wele doin eu dahiniga cain celeiaun. Ija Pol, ija me je uqana cabi dana calem. Odocob me je eu, age dana cajaca cunug mahamaha bilegina eu qasali maadein.

1 Tesalonika 1:5

Ge, me je eu ege ageca ehi lom eu jena himec qee holom qa eu gagadic odocnaca, Kis Gunnaca, ege me je cunug eu mele bahic ec doqona eu odi ageca ehi lom. Ege age gami bilom saen euna ege adi bilom eunu age adi bilecnu iwaladom eu age dogina.

1 Tesalonika 2:13

Ege ceteh osonuha gaid Anut hegaga dudu inondoqonanu. Uqana gug eu odi. Ege Anutna me je maadocomun dah mein saen euna age je dananadec himec qee oloin qa age mele je eu Anutnadec oin. Odocob je eu uqa age wawaga meleec dana cajaca eundec wawaga dunuhna cabi gagadic ona.

2 Tesalonika 2:13

O wawige meleec cotigeil, Anut uqa casac age cahahaadecnu nesili cedaden. Eunu egena Tibud uqa age nalunuga menanu ege gaidgaid Anut hegaga doqale. Uqa Kis Gunna gagadic odocna odadeceb age Anutna dana cajaca ititom ibuldoinnaca, age mele jenu wawaga meleennaca, cahahaadecnu ehaden.

1 Pita 5:12

Sailas ebenna ija je gohic i jaqiadigina. Uqa ege wawige meleec cotige bahic ec cisdugina. Jaqec je ina ija kobol i Anut uqa dana cajaca cunug odadena eu uqana uum igec bahic ec cesusaadi maadigina. Anutna eelgec uum igec i mele bahic ec maadigina, age euna gagadicca taweigale.