Jenesis 6:8 - Bal cehec je haun

⁸ Qa Tibud uqa Noana odoc fimei Noanu waug tawen.

Jenesis 6:8 Iomraidhean Croise

Jenesis 19:19

Ale ijanu gale alena. Eu nalug mec kobol ihactesia. Euqa ija cal migaunnu cesultesia. Qa ija aluhna busali nuecwe qee. Ja i ija oiteceb cal migen.

Matju 24:37

Noa bilen saenna dana cajaca bileinwe Dana Melahna hoc saenna odi ha biluqagan.

Me Je i Luk Jaqen 1:30

Odocob ensel madon, “Maria, hina Anut amegna me bilec wele oga. Eunu cain cucuiagaun.

Me Je i Luk Jaqen 17:26

Noa bilen saenna dana cajaca bileinwe Dana Melah uqana saenna odi ha biluqagan.

Aposel 7:46

Dewid uqa Anut amegna me bileceb Anut uqa Dewidnu gale don. Uqa Jekobna Anut sisildon, ‘Hina cois tecemfi ija jo hina bilegannu cehihigen,’ don.

Pol Uqa Jaqec Je Oso Rom Tamanec Jaqiaden 11:6

Euqa uqa age loo je toodoinnu qee ehadel. Uqa age loo je toodoinnu ehadecebfi uqana eelgec uum igec eu uum igec mele bahic qee.

Pol Uqa Jaqec Je Oso Rom Tamanec Jaqiaden 4:4

Odocob dana oso uqa cabi uu cabi ameg onafi ameg eu ege bagol himec qee oqona. Uqa cabi ona eunu cabi ameg ona.

1 Korin 15:10

Euqa Anut uum itec iten. Odocob uqa uqana uum itecna oditeceb ija aposel calem eu odiwe qila biligina. Odocob uqana uum itec eu aig qon. Ija cabi gagadic bahic umig aposel cunug wooladem. Euqa eu ijadodoc qee cabi olom. Anut uum itec itimei ija cabi i ocnu gagadic odoc iten.

Galesia 1:15

Euqa Anut uqa au ija qee basitec saen euna uqa eeltec uum itimei nesili ehiten, odocob uqa cewel utocnu utaten. Odocob ija calecemin Anut uqa uqana cisdocna

2 Timoti 1:18

Tibud uqa uqanu waug qoc eu cit qoc deelna utiale! Uqa wele Efesas ono bibili me oditen eunu hina du cuhadogona.

Taitas 2:11

Ge, Anutna eelgec uum igec eu dana cajaca cunug cahahaadecnu ihoc nijia eu camasac men.

Hibru 4:16

Eunu ege Anutna king cabal bilecna lecnu qee cucuiuqaun. Anut uqa waug qocca, uqa eelgec uum igina. Ege uqaca lifeb uqa waug qocca eelgec uum igecca eu oqan. Odocob ege culumencafi uqa cesulgigian.

1 Pita 3:20

Kis eu age wele Noa uqana saen euna Anutna je tefacdoin. Noa uqana saen euna qisol mec kobol ben wasecnu odon qa Anut uqa dana cajaca ameg mahuc qee wadacadel. Uqa susumudi lili Noa uqa uqana wag ben mudi hedon. Odocob sihul nag oso, eu dana cajaca 8-pela himec, wag ben tobimeig dunuh lein. Odocob wa sil ben cajimei wag eu u suldocob basai cobon. Odocob Anut uqa dana cajaca 8-pela eu wana cahahaaden.

2 Pita 2:5

Odocob ageha dogina, wele dana cajaca age wa sil ben saona qee nec mahana bilein eu age Anutna kobolna qee coboin. Anut uqa dana cajaca eundec qee culadel qa uqa odocob wa sil ben nimei dana cajaca eundec fadaladen. Euqa Noa uqa ititom kobolnu je maaden. Odocob Anut uqa Noaca dana cajaca 7-pelaca cofadeceb me bilein.