Jenesis 49:11 - Bal cehec je haun

¹¹ Uqana cesel wain gugna qagigian. Uqana cesel haun wain me bahic batacna qagigian. Uqa uqana lotoc ceteteh wain muhucna cusigian.

Jenesis 49:11 Iomraidhean Croise

Jenesis 49:12

Uqa ameg eu gagatucca wain muhuc cinigwe. Uqa aig eu senenec su cinigwe.

Jahunec Je Camasac Muden 14:20

Odocob wain aig afdoc cudun ben eu taun ben hahagum tawen. Ono age wain aig eu lahacluhucadein. Odocob golanaga eu wain aig afdoc cudun bennadec wa cuewe quhuli nuen. Wa cue eu 300 kilomita odi cecelac, eu mita lecis odi dunuh noc.

Jahunec Je Camasac Muden 19:18

Age humeig dana cal mec cuhunuga jeigale! Age king dewenegaca, han dana agena ilo ben dewenegaca, han dana dewenegaca, agena hos dewenegaca, dana hos tatacan bilegina eu dewenegaca, dana besiadec bileginaca dana qee besiadec bileginaca eundec dewenegaca, dana ijanagaca dana ijanagaca qee eundec dewenegaca, dana caja cunug dewenegaca eu cuhunuga cunug jeigale!” aden.

Jahunec Je Camasac Muden 7:14

Odocob ija jejeg hewi madon, “O Dana Ben, ija qee dugina qa hina dogona,” don. Odocob uqa maten, “Dogona, dana cajaca i age cilehadec ben eunadec cagasiaden. Age agena lotoc cecelac wasacudein, agena lotoc eu Sipsip Nag golacna soidocobil senen men.

Jahunec Je Camasac Muden 7:7

12,000 age Simion sihulnadec age sisi madec oin, 12,000 age Liwai sihulnadec age sisi madec oin, 12,000 age Isaka sihulnadec age sisi madec oin,