Jenesis 49:10 - Bal cehec je haun

¹⁰ Juda uqa ilo uqana gom hewigian. Odocob uqana sihul age himec gaidgaid maha ilo biluqagan. Uqa ilo bibileb dana mahamaha cunug agena bagol utecnu hoqagan.

Jenesis 49:10 Iomraidhean Croise

Matju 1:21

Uqa mel baseceb uqa uqana dana cajaca agena silailnu fadalowainnu cahahaadigian, eunu hina uqa ijan Jisas qogan,” don.

Matju 17:5

Uqa je eu madudu bibilen taen oso fulacdoc bahic ni jahuladen. Taennadec jejeg oso camas mimei maden, “Ija melami nelugca, ija uqanu gale ben tena eu ihen. Age uqa jejeg toodu odoiga,” en.

Matju 21:9

Dana cajaca age aqunitutu hib toodudu age due sisili madein: “Hosana! Ege Dewid Melah binan suluquna! Tibud ijanna egeca hona eu uqa eeldoc biliale. (Buk Song 118.26) Anut Ohis Bahic uqa binan wasi nuiale,” ein.

Matju 25:32

Dana cajaca mahamahadec age cunug hu ceguli uqa amegna tawoqagan. Sipsip cofadec uqa sipsip mecmec amnadec qagu madenawe uqaha cunug odi qagu madigian.

Me Je i Jon Jaqen 12:32

Saen ija mahanadec sulitecebil ohis titi bilig dana cajaca cunug age diiadecemin ijaca hoqagan,” aden. (

Me Je i Jon Jaqen 18:31

Odocobil Pailat maaden, “Cois, age dana eu ehudi belimeig agedodoc agena loo jena gesildu feiga,” aden. Odocob Juda age madoin, “Dana oso qocnu eu ege ebenigena qee nijel,” doin. (Jisas wele uqa adi cal migiannu je maden eu ihoc ligian odon.

Me Je i Jon Jaqen 19:12

Je eu madocob uqa Jisas besitocnu jic walen. Euqa Juda dana age eui madoin, “Oso uqanel ija king ena eu uqa Sisana cad. Eunu hina dana eu cufaldufeg hina Sisana danah qee biligaun,” doin.

Me Je i Jon Jaqen 19:15

Odocob age utai madoin, “Qocom cal meia! Qocom cal meia! Na babalecna tuitu qoga!” doin. Odocobil Pailat sisiladen, “Ija agena king na babalecna tuitu qugenfo?” aden. Odocob ihanec benben jejeg hewi madoin, “Egena king osol bilia, eu Sisa,” doin.

Me Je i Jon Jaqen 9:7

madon, “Hina Siloam wa cagocna limeg hina amen wasacudagale,” don. (Siloam uqana gug eu “Suldon.”) Odocob dana eu li ameg wasacudeceb ameg fogo docob ceseli hon.

Pol Uqa Jaqec Je Oso Rom Tamanec Jaqiaden 15:12

Odocob Aisaiaha maden: “Citah eu Jesena na gugna caligian. Dana eu uqa Juda dana qee eundec agena king biligian. Dana eu age uqanu wawaga meleeceb cahahaadigiannu sumudi biluqagan,” en. (Aisaia 11.10)

2 Korin 5:10

Ge, ege cunug Krais amegna uqa ege gesiligigiannu camasac meqan. Odocob ege dewenige mahana coboc saen euna odom eu uqa egena me odocfo, me qee odocfo eu odi toodu ameg igeceb oqan.

Jahunec Je Camasac Muden 11:15

Odocob ensel 7-peladoc eu uqana taul fuldon. Odocob jejenega ben sao jobonna utai maden: “Mahana cul eu egena Tibud, uqana Kraisca alena cul ibuldon. Uqa king gaid cofadi bileceb catanigian,” en.