Jenesis 46:2 - Bal cehec je haun

² Odocob witicna Anut uqa Jekob ola codocna edi madon, “Jekob, Jekob,” don. Odocob uqa jejeg hewi madon, “Ija i hen,” don.

Jenesis 46:2 Iomraidhean Croise

Jenesis 15:1

Odocob ceteteh i hedocob Tibud uqana je ola codocna Ebramca humei madon, “Ebram hina cain cucuiagaun. Ija hina cofhi cuhadumig hina wadacdoc ameg ben bahic ihigen,” don.

Jenesis 15:13

Odocob Tibud uqa Ebram odi madon, “Hina du cuhadogale. Hinana sihul eu age cele agena mahana jag biluqagan. Odimeig age cabi dana gauc biluqagan. Odocobil cele dana age me qee mamadebil li cabi gel 400 ugian.

Jenesis 20:3

Odoinqa witic osona Anut uqa bebelecna Abimelekca humei madon, “Sera uqa dana wele on. Hina uqa omnu hina cal mega biliga,” don.

Jenesis 22:1

Aria hibna saen osona Anut uqa Ebraham temdon. Uqa madon, “Ebraham!” don. Odocob Ebraham uqa jejeg hewi madon, “Ija i hen,” don.

Jenesis 22:11

Qa Anutna ensel uqa saonadec utadudu madon, “Ebraham, Ebraham!” don. Odocob Ebraham uqa jejeg hewi madon, “Ija i hen,” don.

Jenesis 31:11

Odocob Tibudna ensel bebelecna maten, ‘Jekob,’ ten. Odocob ija madom, ‘Ija i hen,’ dom.

Aposel 10:13

Odocob jejeg oso madon, “Pita! Cajaga, aqimeg jaga!” don.

Aposel 10:3

Odocob wesu osona 3 kilok eu odi uqa majaudocna Anutna ensel uqaca camasac mimei madon, “Konilias!” don.

Aposel 16:9

Odocob witic euna Pol ola codocna bebelimei Masedoniadec dana oso cesusdudu tatawen fen, “Masedonia ene humeg cesulgaga!” don.

Aposel 9:10

Odocob saen euna malogom oso, ijan Ananaias, uqa Damaskas taunna bilen. Odocob Tibud uqa majaudocna madon, “Ananaias!” don. Odocob uqa jejeg hewi madon, “Tibud, ija ihen,” don.

Aposel 9:4

Odocob uqa mahana toni mahulimei jejeg oso madocob dah men, “Sol, Sol! Hina eetanu ija jabiti tootootagana?” don.