Jenesis 44:8 - Bal cehec je haun

⁸ Faga, meen qaig egena bek cona bilen eu ege Kenan mahanadec ceseli ahu hom. Ege silwafo golfo egena benna jonadec adi heje ocnu?

Jenesis 44:8 Iomraidhean Croise

Jenesis 42:21

Odocob age madocobmadocob i madein, “Mele bahic ceteh i egeca calena eu celnu? Ege Josef odudom eunu odigina. Ege uqana cucuiecca jaen qocca eu fecomun uqa inongigi maden, ‘Ija cahahateiga,’ een ege uqa qee dah mudecwe mom. Eunu culumen ben bahic qila egeca hoia,” ein.

Jenesis 42:27

Age cudun witic meceb nijein euna calimeig age oso uqa cesel sab utigiannu uqana bek co cufalen. Odimei uqana meen qaig silwana mudec eu bek cona bibilen fen.

Jenesis 42:35

Aria saen age agena beknadec sab hihidi bileig age cunug agena meen qaig badom eu age abesabes agena sab bekna bibilen fein. Odocob Jekob uqa melahul gami age eu odi fimeig age filiciti cucuiein.

Jenesis 43:12

Odocob age meen qaig onodec hewadi ceselein euha cedeiga. Odimeig eu tatac meen qaig haun eu uqana ameg eu casacnadec eu cinigwe eu odi ha cedeiga. Age meen qaig casacnadec bek cona tahein eu haun ceseli adoqagan. Eu cahuldu taheinfa.

Jenesis 43:18

Saen Josef waliagul age dana eu Josefna jona ehadi nunuen age ben cucuiein. Age odi cisdoin, “Saen ege ene hahawan nom euna age egena meen qaig silwana badom eu ege cunug egena bek cona tacigein. Uqa qaignu je euna um qigimeig egena cesel cedimeig ege cahacgi hewigimeig gihacdoc jona tacigimeig cabi gagadic iguqagan. Eunu ege ene ehigia ahona,” ein.

Jenesis 44:7

Odocob age jejeg hewi madoin, “Egena ben, uqa je eu odi celnu madena? Ege dana ititom. Eu odocnu ihoc qee.

Matju 19:18

Odocob dana haun madon, “Cel loo jenu cisdudu matagana?” don. Odocob Jisas madon: “Hina oso cain qagadogaun. Hina dana cajaca dewenela osol mec cain cagualegaun. Hina oso uqana ceteteh cain heje cedagaun. Hina oso uqanu uhulec je cain madagaun. Hina oso cain um qudugaun.

Pol Uqa Jaqec Je Oso Rom Tamanec Jaqiaden 13:9

Loo je leih eu odi gagadic madena: “Hina dana osona cajaca cain uqaca nijuwasin. Hina dana oso cain qocom cal meiaun. Hina cain heje magaun. Hina osona cetehnu cain amen qoiaun,” ena. (Kisim Bek 20.13-15, 17; Loo 5.17-19, 21) Loo je eu odocob loo je leihca eu cunug ilo osol himec eu je odi madena: “Hina hinanel nalunin maganawe odi hina utuqain bilec eundecnu nalug magale,” ena. (Wok Pris 19.18)