Jenesis 24:12 - Bal cehec je haun

¹² Odocob uqa Tibud Anut inondudu maden, “O Tibud Anut hina ijana ben Ebraham uqana Anut, ijana ben Ebraham hinana kobol me bahic ihacdoga. Cabi i odocomin tutuc caligiannu cesultaga.

Jenesis 24:12 Iomraidhean Croise

Jenesis 15:1

Odocob ceteteh i hedocob Tibud uqana je ola codocna Ebramca humei madon, “Ebram hina cain cucuiagaun. Ija hina cofhi cuhadumig hina wadacdoc ameg ben bahic ihigen,” don.

Jenesis 24:21

Eu oodon Ebraham uqana cabi dana uqa jeca qee mecidudu cisdon, “Tibud uqa kobol me bahic Ebraham ihacdonafo qeefo?” en.

Jenesis 24:27

maden, “Tibud binan wasi nuiale. Uqa ijana ben Ebraham uqana Anut. Uqa ijana ben kobol me bahic odudia. Uqa qee qaudol. Uqa ija dado mimiten hu ijana ben uqa waliagna jona caliga,” en.

Jenesis 24:42

Eunu ija qila wa tutna humig edi inondudu madiga, ‘O Tibud Anut, hina ijana ben Ebraham uqana Anut, cabi i odocomin tutuc caligiannu cesultaga.

Jenesis 24:48

Odimig ija gob cehimig jogoi bilig Tibud binan susuli ijana ben Ebraham uqana Tibud Anut eeldoc je maduga. Uqa ija jic tutucna dado miteceb ijana ben uqana sihulnadec age ataga oso uqa melah aidegnu gulucduga.

Jenesis 26:24

Odocob witic euna Tibud uqaca camasac men. Odimei uqa madon, “Ija hina memen Ebraham uqana Anut. Cain cucuiagaun. Ija hinaca biligina. Ija eelhimig odocomin hinana sihul fulusdugian. Euqa ijana cabi dana Ebrahamnu cisdumig odigen,” don.

Jenesis 27:10

Odocomin hina memen ehi litocom uqa jimei qee cal mec ninijeb hina eelhigian,” don.

Jenesis 27:20

Odocob Aisak uqa melah sisildon, “O melami, eu adinu dool cus eu mahuc bahic gulucadaga?” don. Odocob Aisak jejeg hewi madon, “Tibud, hinana Anut, uqa cesultecebnu ija odi mahuc bahic odiga,” don.

Jenesis 28:13

Oodon eu uqa Tibud cemenug tatawen fen. Odocob uqa madon, “Ija Tibud, ija Ebraham Aisakca alena Anut. Maha hina nijiga eu ija hinaca hinana sihulca adigen.

Jenesis 31:42

Ija asi Ebrahamca Aisak meica alena Anut ijaca qee biloubmi hina ija ebeni tanac gauc sultecem nuoum. Qa Anut uqa ijana culumenca ija cabi gagadic omca eu fen. Eunu uqa qila witic hina je gagadic maheia,” don.

Jenesis 32:10

Ija hinana cabi dana. Hina hinana kobol me bahic eu ihactem. Hina ijanu cisdom. Qa ija ihoc qee. Weleca ija gotutca himec Jodan wa i letem. Qa qila ija am lecis ica ceseli huga.

Jenesis 32:9

Odocob Jekob uqa odi inondu madon, “O ija asi Ebrahamca ija mei Aisakca alena Anut, O Tibud, hina dah mitiga. Hina matem, ‘Hina ceseli hinana hatunaca hina cotinelca nuuga. Odocom ija odocna hina cehewainca calegan,’ tem.

Jenesis 43:14

Anut Gagadic Bahic uqa dana eu odudocob uqa agenu waug me nijeceb age amegna tawecebil uqa waliniga euca Benjaminca besali adigia. Qa ijana doc odi ijana mel culdifig cois ija culdigen,” aden.

Matju 22:32

‘Ija Ebrahamna Anut, ija Aisakna Anut, ija Jekobna Anut,’ en. (Kisim Bek 3.6) Anut uqa cal mein eundec agena Anut qee, uqa cebac bilegina agena Anut,” aden.

Filipai 4:6

Age ceteh osonu jaen cain aqeiaun. Age Anut agena culumen wawaga hoolecca cunugnu gaid ninidudu inondoigale. Odimeig age Anut ceteh cunugnu cesuladecnu inondodoig hetaga doc madeigale.