Jenesis 2:18 - Bal cehec je haun

¹⁸ Aria odocob Tibud Anut maden, “Dana uqa cuhanuc bilec me qee. Ija uqa cesuldoc oso muditugen,” en.

Jenesis 2:18 Iomraidhean Croise

Jenesis 1:31

Odimei Anut ceteteh cunug uqa mudaden eu me bahic fimei waug ceel bahic en. Odocob witic mimei cojagen. Eu deel eben gic osahicca doc.

Jenesis 2:20

Oodon dana uqa dool mananca man fululec saonadecca dool cusca eu cunug ijanaga aqen qa uqa cesuldocnu cinigwe oso qee fel.

Jenesis 3:12

Odocob dana jejeg hewi madon, “Caja ijaca bilewannu item eu uqa cehelo eundec aig iteceb ija jiga,” don.

1 Korin 7:36

Dana oso uqa ateg dana qee ona eunu kobol tutuc qee odona ec cisdonafi, odocob uqa dana ugiannu saen wooldonafi, uqa jic osoca qee eu fenafi, eu uqa cois uqana cisdoc toodugiannufi, uqa culaleceb ale cois ocobocobesiale. Eu ale silail qee mowasin. Euqa dana oso uqa waugna gagadic mecebfi, odocob ceteh oso uqa mahuc odigiannu qee nijecebfi, uqana gale doc cofdocnu ihocfi, uqa wele waugna madi, eu uqa ateg dana qee oiaun ec madecebfi, uqa me bahic odigian. Eunu dana uqa ateg culdeceb dana ona eu uqa kobol me odona. Odocob dana uqa ateg culdeceb dana qee ona eu uqa kobol me bahic odona.

1 Pita 3:7

Eu odiwe age gemugailha agena inondoc cahacdoiaunnu age cisdoc me umeig age aidagail gami me bileigale. Ge, cajaha Anut uqa eeladec uum adeceb cebac bilec catanec oqagan ec age dogina. Cajaha age Anut huqanehul. Euqa caja dewenega eu gagadicca bahic qee, eu dana dewenega wooldoc qee. Eunu age aidagailnu kobol mena odadeiga.