Jenesis 12:3 - Bal cehec je haun

³ Dana hina eelhigian eu ija eeldugen. Qa in oso hina gelihigian eu ija geldugen. Hinanu himec mahamaha sihul cunug age eeldoc oqagan,” don.

Jenesis 12:3 Iomraidhean Croise

Jenesis 18:18

Mele bahic Ebraham uqa uqana sihul hatu oso binanca caligian euha gagadic odocca. Odocob Ebraham sihul hatu cunug age eeldoc oqagan.

Jenesis 18:19

Ebraham melahulca uqana sihulca Anutna je toodocnu maadigian eunu Ebraham nesiludem. Euha Ebraham age ititom odocnuca me odocnuca dado madigian. Age odi odocobilfi ija Ebrahamnu je cunug madem eu odigen,” en.

Jenesis 22:18

Hina ijana je toodu odoga. Eunu mahamaha hatu cunug eeladigen eu odiwe hinana sihul eeldugen,’ ena,” don.

Jenesis 24:35

Tibud uqa ijana ben Ebraham ben bahic eeldon. Eunu uqa cehewanca bahic calen. Uqa sipsip amca meme amca bulmakau amca silwaca golca cabi danaca cabi cajaca kamelca ceselca uton.

Jenesis 25:11

Ebraham cal meceb Anut uqa melah Aisak eeldon. Aisak uqa “Oso Cebac Bilina Uqa Mecitina Uqana Wa Tut,” ono bilen.

Jenesis 26:29

Hina ege me qee qee odigigaun. Eu odiwe ege hina me qee mihecnu qee odi quduhilom. Egeqa gaid hina me eelhimeb sulhocomun wawin malolca nuem. Qila Tibud hina eelhen eu camasac doqona,” doin.

Jenesis 26:4

Odimig ija hinana sihul eu odocomin age malaqa saona nijia eu odiwe caloqagan. Odimig hinana sihul eu maha i cunug adigen. Odocomin hatuhatu cunug hinana sihul jabajabna age ha eeldoc oqagan.

Jenesis 27:29

Hatuhatu hina ewel uheheig hinanu jogoeigale. Hina cotinel agena ilo biligale. Hina aninna sihul age hinanu jogoeigale. Oso hina gelihecebfi Anut geludigian. Oso hina eelhecebfi Anut eeldugian,” en.

Jenesis 28:14

Hinana sihul euha age mati bahic caloqagan. Age maha bobos cinigwe caloqagan. Odimeig maha hagen cunug ihoc loqagan. Hinaca hinana sihulca agenu dana sihul cunug mahana biluqagan eu eeladec oqagan.

Jenesis 30:27

Qa Leban uqa madon, “Hina gale hecebfi ijaca bilewan. Hinanu himec Tibud uqa ija eelten. Ija jahunec je eunadec duga.

Jenesis 30:30

Saen ija qee hocna hina dool am nag bahic. Qa saen ija hocomin hinana dool eu fulusdu mati bahic doin. Hinana cel cabi oso ija om eu Anut cunug eeldon. Qilaqa ija ijana talnu cabi odi oso ugen,” don.

Jenesis 39:5

Saen eunadec nueceb Tibud Josefnu Potifana ceteteh cunug jona bileiga euca eeldon. Josef uqa jo euna bilen. Eunu Tibud uqa ceteteh cunug jonaca cabinaca eeldon.

Matju 25:40

“Odi madocobil king jejenega hewi maadigian, ‘Ija mele maadigina, age ija cotiel i age ijanagaca qee odadein eu odi age ijaha oditein,’ adigian,” aden.

Matju 25:45

“Odi madocobil jejenega hewi maadigian, ‘Ija mele maadigina, age cotiel i age ijanagaca qee eundec qee odadelein eu odi ijaha qee oditelein,’ adigian.

Me Je i Luk Jaqen 24:27

Odimei Jisas uqanu Anutna jaqec je cunugna madenanu sildialen, uqa Mosesna loo jena sanan mimei je hahun madec dana agena jaqec je cunug odi maalen.

Pol Uqa Jaqec Je Oso Rom Tamanec Jaqiaden 4:11

Wele bahic saen uqa deweg cagu qee qoc bibilen uqa Anutnu waug meleen, eunu Anut uqanu dana ititom ec maden. Odocob eu uqana gadac Anutnadec on sisi mec eu dewenega cagu qoc kobol. Eunu Ebraham uqa dana cunug age dewenega cagu qee qoloin qa age Anutnu wawaga meleeceb Anut uqa eu age dana ititom ec maden eu agena aquniadec memega.

1 Korin 1:30

Odocob Anut uqa age Krais Jisasca gabanadeceb bilegina. Odimei Anut uqa Krais Jisas eu egena cisdoc silecca muden. Odimei uqa Krais Jisas umna ceseli fajigen. Odimei uqa Krais Jisas umna ege dana cajaca ititom ec maden. Odimei uqa Krais Jisas umna ege dana cajaca qagu biluquna ec maden.

Galesia 3:16

Aria, Anut uqa uqana muguh mecnu je hahun Ebraham uqana sihul hibna caligianca maaden. Anutna jaqec je eu “Sihunugail,” ec qee madel, uqana gug eu dana cajaca mati bahic. Euqa Anutna jaqec je eu “Sihul,” ec maden, (Jenesis 12.7; 13.15; 24.7) uqana gug eu dana osol, eu Krais.

Galesia 3:28

Eunu qila Juda danaca Juda dana qee eundecca age fil qee, begabeg meh coboc besiadec danaca age fil qee, dana cajaca age fil qee. Age cunug Krais Jisasca gabanadec osol bilegina.

Galesia 3:8

Odocob Anutna jaqec je eu Anut uqa Juda dana qee eundec agena wawaga meleecnu age dana cajaca ititom ec madigian eunu wele fen. Eunu Anutna jaqec je eu wele me je Ebraham madon. Anut uqa odi madon: “Hinanu dana cajaca age mahamaha cunugna bilegina eu eeladigian,” don. (Jenesis 12.3; 18.18; 22.18)

Efesas 1:3

Anut ege Kraisca gabangi biluquna eunu eelgen, uqa eeldoc cunug eu saona gunnadec ege dolonige cesuldocnu igen. Eunu ege egena Tibud Jisas Krais uqa Memeg Anut binan suluqale!

Kolosi 3:11

Gug inu dana age qila sihul filfil qee bilegina. Age Juda danaca, Juda dana qee eundecca, dana dewenega cagu qocca, dana dewenega cagu qee qocca, dana je filfil madecca, dana jobon qee bilecca, dana bega mehca, dana besiadecca, eu cunug age Krais himec. Dana cajaca cunug age wawaga haun taqein agenu ceteteh cunug eu Krais himec, Krais uqa dana cajaca eundec dunuh bilina.

Jahunec Je Camasac Muden 7:9

Ceteh eu hedocob ija feciimig dana cajaca cegulec am ben bahic fem, oso sanijadecnu ihoc qee bilel. Dana cajaca i age dewenega filfilnadecca, sihul filfilnadecca, hatu filfilnadecca, je madec filfilnadecca age king bilec cabalca Sipsip Nagca amalana tawein. Age lotoc cecelac senenec tacecca hinahin ebenegana hewecca tawein.