Jenesis 12:1 - Bal cehec je haun

¹ Aria Tibud uqa Ebram madon. “Hina memenca hinana sihulca hinana hatuca culimeg hatu ija ihachigen euna nuuga.

Jenesis 12:1 Iomraidhean Croise

Jenesis 15:7

Odimei uqa madon, “Ija Tibud. Ija maha i ihecemin hinana biligiannu Ur Kaldia agena hatunadec ehihi ahom,” don.

Jenesis 20:13

Saen ija meina jona bibiligin Anut uqa oditeceb mahamaha loldudu cocobi bilig Sera edi madom, ‘Hina ijanu nalunin mec eu i edi ihactoga. Anaana belewan eu hina ijanu uqa ija cebinami ec madagale,’ dom,” odi madon.

Jenesis 24:38

Qa nuimeg ija mei uqana jobon medeh uqana sihulnadec caja oso ija melami aideg biligiannu u ahu toga,’ ten.

Jenesis 24:4

Qa hina nuimeg caja ijana hatunadec euqa ijana sihulnadec oso u ija melami Aisak uqa aidegnu u togan,” don.

Jenesis 24:7

Anut uqa saonadec Tibud, uqa ija meina jonadec ehiten. Odocob ija meina joca maha ija cali hom euca culem. Odocob uqa bal cehec je matimei je hahun i maten, ‘Maha i hinana sihul adigen,’ ten. Eunu Anut uqa uqana ensel aquni suldocob jic qahihigian. Odocob hina ija melami uqana caja onodec u togan.

Jenesis 26:2

Wele Tibud uqa Aisakca camasac mimei madon, “Hina Isip cain nogaun. Maha ija mahigen euna biliga.

2 Korin 6:17

Odocob Tibud Gagadic Odocca uqaha madena: “Eunu age haiden qisacadi beleiga. Age filiganadec biluqagan. Age ceteh gegehinca eundec oso cain qududowain. Age odi odocobil ija age ehadigen. (Aisaia 52.11; Esekiel 20.34, 41)

Hibru 11:8

Ebraham uqa Anutnu waug meleen. Anut uqa Ebraham utadocob uqa Anut jejeg toodon. Uqa uqana jobon cuculi Anut maha oso eu Anutna muguh mec uqa uteceb uqana bahic gaid biligiannu maden ono nuen. Odocob Ebraham uqa ana isec nuen eu docca qee. Euqa uqa waug meleecca nuen.

Jahunec Je Camasac Muden 18:4

Odocob ija jejeg oso sao jobonnadec dah mimigin maden: “Uqana silail eu am ben bahic, eu mahanadec saona tecwe. Anut uqa uqana qisol mec odonnu cisdona. Eunu ijana dana cajaca, age uqaca gabandumeig uqaca silail mowainnuca age uqaca gabandumeig uqaca ameg wadacowainnuca age cuculdi cali hoiga!