Jenesis 1:3 - Bal cehec je haun

³ Odocob Anut madeceb, “Camajac calagale,” eceb camajac calen.

Jenesis 1:3 Iomraidhean Croise

Jenesis 2:4

Je i saen Anut sao mahaca ifanalennu je. Tibud Anut uqa maha saoca ifanalen saen euna

Matju 8:3

Odocob Jisas eben huleldumei deweg qududodoi madon, “Ija me mihiga tena. Me maga!” don. Saen eunadih lepra hag eu uqa dewegna culdeceb deweg hul hon.

Me Je i Jon Jaqen 1:5

Fulacdoc eu tuna fulacdona. Odocob tu eu fulacdoc cafuli qelecwe qee.

Me Je i Jon Jaqen 1:9

Fulacdoc mele bahic dana cajaca cunug wawaga fulacadena eu mahana cali hugia odon.

Me Je i Jon Jaqen 11:43

Jisas odi madimei uqa utai Lasaras madon, “Lasaras cali hoga!” don.

Me Je i Jon Jaqen 3:19

Gesiladecnu silig i edi. Fulacdoc mahana wele nen. Dana ageqa age cunug me qee odogina eu age fulacdoc sagagdogina. Odimeig age egena odoc camasac meiaun imeig fulacdocna qee hogina. Eunu agena odoc me qee nijianu fulacdoc eu cewudimeig tuna bilec gawegina.

2 Korin 4:6

Ge, Anut uqa wele maden: “Fulacdoc tu gemonadec cali hoiale!” en. (Jenesis 1.3) Uqa madeceb ege wawigena fulacdoc bahic ileten. Eunu ege Krais ola fimeb ege Anutna gagadic odoc fulacdocca om.

Efesas 5:14

Odocob ceteteh cunug camasac mena eu fulacdoc ibuldona. Eunu leih age je i madegina: “O dana us nijigina, hina camali cajaga! Hina cal mecnadec cajecem Krais uqa fulacdoc ihigian,” egina.

Efesas 5:8

O Efesas, age wele tucana biloloig, qilaqa age Tibud uqa uqana fulacdocna madeceb euna bilegina. Eunu age dana cajaca fulacdoccana bileginawe coboigale.

1 Timoti 6:16

Uqa himec cal mecwe qee gaid bileceb catanena. Uqa fulacdoc bahicca bilina eu ege uqa cemenug lecwe qee. Anut eu dana oso qee fel, dana osoha fecwe qee. Ege uqa binan sulocomun cataneiale! Uqa gagadic odocca demico biliale! Mele!

1 Jon 1:5

Anut Melahna je dumeb qasali maadoqona. Uqana je eu odi, Anut uqa fulacdoc, odocob uqana naha nag oso tuca qee.

1 Jon 2:8

Tu eu qee mena, odocob fulacdoc mele bahic eu wele fulacdona. Eunu je gagadic eu Krais uqana cebac bilecna eu mele ec fein. Odocob je gagadic eu agena cebac bilecna eu mele echa fegina. Euqa je i qila jaqiadigina euha je gagadic haun.