Jems 3:13 - Bal cehec je haun

¹³ Age eundec oso uqa cisdoc silec mecafi uqa uqana coboc menaca uqana cisdoc silecnaca waug jogoecnaca uqana odoc eu me ihacadeiale.

Jems 3:13 Iomraidhean Croise

Matju 11:29

Feiga, ijana sol eu jocosaigca, ijana sol mec eu hetec. Ija gemani jocosaigca, ija wawi lal qocca bahic. Eunu age ijana cisdoc umeig ijana je bisalu bileigale. Age ijaca gami sol hewi gahidumeb ija ihiconi oigale. Odi oodoig age wawagana jaen mudec gulucdoqagan,” en.

Matju 21:5

“Age Saion dana cajaca odi maadeigale, ‘Feiga, agena king ageca hona. Uqa dana jogoi cobonawe cesel uqa guhadocob hona. Cesel uqana nag goman guhadocob hona,’ adeigale,” en. (Sekaraia 9.9)

Matju 5:5

Dana age gemanaga jocosaigca eundec mahamaha cunug eu age mugumuga oqagan. Eunu age eeladecca bilegina.

Matju 7:24

Jisas je haun maaden, “Eunu oso, ijana je dah mimei eu toodu odona, eu dana cisdoc silecca cinigwe. Dana eu uqa uqana jo maha gagadic meencana cehen.

1 Korin 6:5

Ija age majanaga adigiannu je i madigina. Age gemona dana cisdoc silecca uqa dana cotigca ale gemona je eu gesilecnu ihoc qee bilina eu melefo? Qee, dana oso ihoc bilina.

2 Korin 10:1

Dana leih age ija odi um qiteginanu. Age madegina, “Pol uqa ege gami biluquna euna uqadodoc cogohi ege amigena cobona qa uqa onoca bilina saen euna uqa ege je gagadic magena,” egina. Euqa ija Pol, ija age Krais uqa jogoi lal qu cobimei uqa dana cajaca cunug waug jocosaigca odaden eunu cisdoqagannu gale tena. Odocob age je ija maadigina eunu cisdu cuhadoigale.

2 Korin 8:24

Eunu age dana i kobol me odadoqagan. Odocob tamanecna dana cajaca cunug age eu fimeig agena nalunuga mecnu kobol du cuhadoqagan. Odocob ege dana i age Korin agena nalunuga mecnu kobol eu me bahic ec culai maadom, odocob tamanecna dana cajaca cunug age je eu gauc qee euna foqagan.

Galesia 5:23

eu gemanige jocosaigca, eu egedodoc dumanige cofdocca. Eu odoc eundecnu loo je cahacadecnu qee tawel.

Galesia 6:1

Ija wawige meleec cotiel, age wawaga meleec dana oso silail memeb fifeig Kis age dado maaden toodogina eu age dana gemanaga jocosaigca cesuldudu tutuc mudeigale. Hina temhec hinaca hocob cosologaunnu tutuc mumudi hinadodocnu cofdogale.

Galesia 6:4

Euqa age abesabes agedodocnu odoc mefo, me qeefo eu gesili feigale. Eunu oso odi odona eu uqa uqana odoc eu me bahicfi uqa eunu dih culaigian, odocob uqa uqana odoc eu dana osona odoc wooldocnufo, qeefo ec figian eu odi qee nijel.

Efesas 4:2

Age jogoi cobocca, gemanaga jocosaigca, lalafanagaca odi coboigale. Age cotoga oso uqa me qee odadecebfi age ameg me qee cain wadacdowain. Age nalug mecebmecebeigale.

Filipai 1:27

Ceteh oso ben nijia. Agena coboc eu Kraisna me je toodoiale. Age odi odocobilfi eu ceteh me bahic. Eunu ija li age feciadigenfo, qee ija qee ligaunfo ija agenu je dih suldocobil dah migale, age wawaga osolna taweginaca, age cisdoc osolna wawaga meleec uqana me jenu osoben eb li cabi gagadic oginaca ec dah migale.

Kolosi 3:12

Age Anutna dana cajaca qagoc, uqa nalunuga mimei age uqana bilituqagannu nesili cedaden. Eunu age wawaga qocca, me odadecca, jogoi cobocca, gemanaga jocosaigca euca, lalafanagaca, eu age taqeigale.

1 Timoti 4:12

Age hina mel haun fecihuqagan qa age hina dana gauc ec cain cisdowain. Euqa hina dumain cobocna wawaga meleec dana cajaca dado madagale. Hina connaca, hina nalunuga mecnaca, hina wawin meleecnaca, odoc cataniecnaca age adi cobocnu ihacadagale.

1 Timoti 6:11

Euqa hina, hina Anutna dana, hina ceteteh me qee i cunug oninadimeg qisacdu biligale. Hina ititom cobocca, Anutna kobol toodocca, wawin meleecca, nalug mecca, wawin duuec tawecca, gemain jocosaigca eu cunugnu gaunan mamani icocagale.

2 Timoti 2:25

Uqa gemag jocosaigca feei coboc eundec jic tutuc ihacadigian. Ge, Anut uqa dana eundec wawaga tului falicdocob age mele jenu doqagannu ihoc ec madeiale.

Taitas 3:2

Age dana osonu je me qee cain madowain qa age cotigcotignu malol bileigale, odocob age gaid wawaga susumulcana dih dana cunug loo cahulec odadeigale.

Hibru 13:5

Age meen qaignu amaga qoc kobol eu cain toodowain. Odocob Anut wele maden: “Ija hina qee culihigaun. Ija hina qee tacewihigaun,” en. (Loo 31.6) Eunu ceteh age hewegina eunu odi cisdoiga, “Eu me bahic. Eu egenu ihoc,” odi doiga.

Jems 1:21

Eunu wawaga cisdoc gegehinca cunug qisol mec kobol cunug geh bahic calena eu age ititacdoigale. Odimeig age jogoi wawaga lal qocna Anutna je wawagana cehen eu oiga. Je eu age dolonoga cahahaadecnu ihoc.

Jems 2:18

Euqa dana oso uqa madigian, “Oso uqa waug meleecca, oso me odocca,” igian. Eunu ija odi madigina, “Hina wawin meleecca qa me odocca qee adi biligina eu ihactaga figa. Odocob ija ijana wawi meleec ijana me odocna ihachigen,” igina.

Jems 3:1

O cotiel! Age mati ege dana iwaladec bileqan egina eu cois qee. Ge age dogina, ege dana iwaladoqona Anut uqa ege egena cabinu eu tutucfo, tutuc qeefo gagadic gesilgigian. Euqa iwaladec dana qee uqa uqana cabinu gagadic qee gesildoiaun.

Jems 3:17

Euqa cisdoc silec sao ohisdec eu casac soidocca. Odocob eu malolca, gemag jocosaigca. Odocob eunu dana gami wawaga osolna bilegina, age dana leih agena je ihoc toodogina. Age wawaga qocca odocob kobol me odogina. Age dana cunugnu kobol me osol eu odadegina. Age qauadec kobol qee odogina.

1 Pita 1:15

Anut age wele utaaden uqa gun, uqana kobol cunug eu tutuc bahic. Anutna jaqec je odi madena: “Ija gun biligina eunu ageha gun bileiga,” ena. (Wok Pris 11.44-45; 19.2; 20.7) Eunu age Anut himec toodoiga, age Anutwe agena coboc cunugna gun bileiga.

1 Pita 2:12

Gadgad haiden age agenu age dana cajaca me qee ec madowainnu. Age agena me odoc fifeig age Anut uqa dana cajaca cunug gesiladecnu deel hocob Anut binan suluqagan. Eunu age haiden dana cajaca gemona tutuc coboigale.

1 Pita 2:9

Euqa age Anutna dana cajaca hatu ilagna bilegina eu wele age Anutna waug qoc qee oloin. Odimei age dana cajaca gauc bilein. Qilaqa age Anutna waug qoc eu oin, age Anutna dana cajaca bahic bilegina. Age Anut kobol me cunug uqa age odadennu qasali madoqagannu wele nesili cedaden. Qila age Anutna dana cajaca sihul bilegina. Age kingna nawel tawec ihanec dana bilegina. Age dana cajaca gun bilegina. Uqa age utaadeceb age tuca wele bilein eu culecebil uqa age ehadeceb age uqana fulacdoc me bahicna dunuh hoin.

1 Pita 3:4

Euqa age wawaga dunuh bala faldocobilfi eu me bahic. Bala faldoc eu calua mecwe qee, eu wawaga susumulca, eu wawaga malolca bilec. Kobol eu Anut amegna me bahic.