Jems 2:19 - Bal cehec je haun

¹⁹ Hinana wawin meleec eu odi, “Anut osol himec bilina,” agana. Eu hina me bahic. Buga me qee ageha odi wawaga meleena. Odimeig qeleli cucuiegina.

Jems 2:19 Iomraidhean Croise

Matju 8:29

Odocob ale jejenela suli u madosin, “O Anut Melah, hina ege eeta odigegan? Saen qee calel hina ege me qee odigecnu hogafo?” dosin.

Me Je i Mak Jaqen 1:24

Uqa utai Jisas madon, “O Jisas Nasaretdec, hina eetanu odigigana? Hina fadalgecnu hogafo? Ija hina cel dananu dugina. Hina dana gun eu Anut suldocob nen,” don.

Me Je i Mak Jaqen 12:29

Odocob Jisas jejeg hewi madon, “Loo je caunca bahic eu odi madena: ‘O Isrel dah meigale, Tibud uqa egena Anut, Tibud uqa osol bilina.

Me Je i Mak Jaqen 5:7

Odocob Jisas uqa buga me qee madon, “Buga me qee, hina dana eu culdimeg qisacdoga!” don. Eunu dana eu uqa co suli u eui Jisas madon, “Jisas Anut Ohis Bahic Melah, hina ija eeta oditegan? Ija Anut amegna mahigina, cain me qee mitigaun!” don.

Me Je i Mak Jaqen 7:9

Jisas je haun maaden, “Moses maden: ‘Hina anin memenca lalan malagale,’ en (Kisim Bek 20.12; Loo 5.16) Odocob Mosesha maden: ‘Oso memegfo, anagfo geuldecnu je madecebfi uqa cal migian,’ en. (Kisim Bek 21.17; Wok Pris 20.9) Ageqa madegina, ‘Dana oso uqa anag memegca cesulalecnu cetehcafi euqa uqa maalena, “Ceteh i ija alecnu ihoc eu, ‘Koban,’ ija Anut utigennu wele qagu abes mem,” alena dana eu uqa anag memegca nag oso cesulalecnu cain odoiaun,’ egina. Eunu age kobol jajanagail oin eu odi toodu odoginana Anutna je cilehdogina. Agena kobolha dana leih haun iwaladegina. Age odoc eundec matiha odi odogina. Odimeig age dana agena iwaladec eu toodu odoqagannu age Anut je gagadic maaden eu culegina eu me bahic ec cisdogina!” aden.

Me Je i Luk Jaqen 4:34

“Se Jisas Nasaretdec, hina eetanu odigegan? Hina fadalgecnu hogafo? Ija hina cel dananu dugina. Hina dana gun eu Anut suldocob nen,” don.

Aposel 16:17

Odocob uqa Pol ege gami toogigi utaen, “Dana i age Anut Ohis Bahic uqana cabi dana! Age adi Anut cahahaadecnu je maadegina!” en.

Aposel 19:15

Euqa buga me qee jejenega hewi maaden, “Ija Jisasnu dugina, Polnu ha dugina, ge age an?” aden.

Aposel 24:25

Euqa Pol uqa ititom kobol odocca, me cobocca Anut deel hib cit qocna humei gesilgigi tutuc migecnu madeceb Filiks uqa cucuiimei madon, “Hina qila cois nuugale. Ija saencafi haun mahecemin hogan,” don.

Pol Uqa Jaqec Je Oso Rom Tamanec Jaqiaden 3:30

Anut uqa osol himec. Odocob Anut uqa dana age deweg cagu qoc agena wawaga meleecna age dana ititom ec adigian. Odocob uqa dana age deweg cagu qee qoc agena wawaga meleecna ageha dana ititom ec adigian.

1 Korin 8:4

Eunu sab dana age kadan tibudnu ihaneinnu ija je oso maadigen. Ege doqona, kadan tibud eu ceteh mele bahic qee, eu ceteh gauc himec. Egeha doqona, anut mati bahic qee bilegina, Anut osol dih bilina.

1 Korin 8:6

egenu Anut osol bilina, ege Memige. Uqa ceteh cunug ifanec gug, odocob uqanu ege biluquna. Tibud osol dih bilina, uqa Jisas Krais. Uqa ceteh cunug ifanen, odocob ege uqanadec cebac bilec oqona.

Galesia 3:20

Aria, dana gemo tawecebfi dana lecisha tawesina. Euqa Anut uqa osol, uqa cuhanuc je hahun maden.

1 Timoti 2:5

Ge, Anut osol himec bilia, Anut danaca tanawi tawecnu osol himec eu dana eu Jisas Krais tawena.

Jems 2:8

Egena king uqa loo je oso maden eu age Anutna jaqec jena jaqein, loo je eu odi madena: “Hina hinanel nalunin maganawe odi hina utuqain bilec eundecnu nalug magale,” ena. (Wok Pris 19.18) Eunu age mele bahic loo je eu toodu odifeig eu age kobol me bahic odogina.

Jud Uqa Jaqec Je Oso Anutna Dana Cajaca Jaqiaden 1:4

Dana leih age wele jahuni agena tamanecna dunuh hoin. Anut uqa wele bahic odi maden, dana eundec Anut gesiladeceb fadaloqagan ec maden. Dana eundec age ege Anutna eelgec uum igec om eunu ege wal kobol majanigeca qee odocnu eu cois ec madegina. Age egena Ben osol, egena Tibud Jisas Krais, eu qee sasac qogina.

Jud Uqa Jaqec Je Oso Anutna Dana Cajaca Jaqiaden 1:6

Ageha wele dogina, ensel age Anut cabi i aden eu ocnu culimeig age agena cudun culein. Eunu Tibud uqa ensel eu senna libadimei mama helo tuca me qee bahic euna gihacaden bilecebil catanena. Age ono bibili li Anutna deel benna gesiladigian.

Jahunec Je Camasac Muden 20:10

Odocob Seten, uqa qauaden eu, heludecebil wa gudoc benwe eu jaca ja meen jan dainca cijina euna non, ono dool cus me qeeca, uhulec je madec danaca helalecebil nosin. Age ono witic cahinegca gaidgaid dain ben aadeb sogoi bilecebil catanena.