Jems 1:6 - Bal cehec je haun

⁶ Euqa dana eu Anut uqa utecnu ihocfo, qeefo odi cain cisdoiaun, uqa waug meleecca Anut inondoiale. Dana uqa odi cisdona eu uqa fufu macas fuludocob qahimei ehi li heli ahu helienawe.

Jems 1:6 Iomraidhean Croise

Jenesis 49:4

Hina wa sil quhulina cinigwe. Qa hina ijana cabi caja, ija aideni cinigwe, euca nijesin. Odocob hina ija majani hewitem. Eunu hina matu cudun qee ogaun.

Matju 14:28

Pita je eu dumei uqa Jisas jejeg hewi madon, “Tibud, hinafi matecem ija toni wa tatacan hinaca ligen,” don.

Aposel 10:20

Hina saciadumeg toni noga. Eu age ija suladecemin hoiga eunu hina age gami nuecnu cain culumen heiaun,” don.

Efesas 4:14

Eunu ege mel sim cinigwe haun qee biluqaun, odocob je i faninadec dana age iwaladegina eu ege macas qahimei wagna cinigwe cain cecelgi lili huhu eiaun. Faninadec dana agena iwaladec je eu uhulec, eu dana agena cisdoc himec. Eu fufu cinigwe ege fulugeceb filfil ilag cain coboqaun.

1 Timoti 2:8

Ija maadigina, dana cunug age tamanec jonana inondoigale. Dana eu age Anut ijan saolal mumudi ebenega suli u inondoigale. Age inondodoig gemanaga becca fee dadanecca qa cain bahic odowain.

Hibru 10:23

Ege ceteh me sumudi biluquna eunu qasali madoqona eu ege gagadic hewecnu, cain felacuduqaun. Ege doqona, ceteteh cunug eu Anut mudigiannu wele maden eu mele bahic mudigian.

Hibru 11:6

Dana oso uqa Anut cemenug ligiafi uqa Anut bilina, odocob uqa dana Anut walegina eundec Anut uqa ameg me bahic adena ec ha waug meleena. Eunu dana uqa Anutnu waug meleecca qee uqa Anutna gale doc toodocwe qee.

Hibru 13:9

Je filfil wawaga dunuh limei wawaga falicdocob Anutna jic culuwainnu Anutna eelgec uum igec ege wawige gagadic mudinafi eu me bahic. Wawige eu ege sab jecnu loo je filfil toodoqona euna gagadic odoc qee ona. Dana cajaca kobol eu toodogina eundec oso qee cesuladena.

Jems 1:7

Dana odi odoc eu uqa cisdoc lecisca. Cisdoc oso Anutnu cisdona qa cisdoc oso ceteteh mahanadecnu cisdona. Uqana jic cobocnana cunug luculacaena. Dana odi odoc eu Tibud ceteh oso utigian ec cain cisdoiaun.

Jems 5:15

Odocob age Anutnu wawaga meleeceb inondufeig Tibud uqa hag dana me mudimei haun tulidugian. Odocob uqa silail leih odonfi Tibud silail eu cunug cagasitugian.

2 Pita 2:17

Uhulec iwaladec dana eu age wa mahana hunecebil galalena cinigwe. Age hut fufu ben hu fudocob nuina cinigwe. Eunu Anut uqa agena cudun eu heel tu kaudoc bahic saciaduaden nijia.