Jems 1:16 - Bal cehec je haun

¹⁶ O cotiel bahic, fefeig age kobol eu culdecebil qauadeiaun.

Jems 1:16 Iomraidhean Croise

Matju 22:29

Odocobil Jisas jejenega hewi maaden, “Age Anutna jaqec je nijia eu qee dogina, age Anutna gagadic odocha qee dogina. Eunu age dadanecca bilegina!

Me Je i Mak Jaqen 12:24

Odocobil Jisas maaden, “Age Anutna jaqec je nijia eu qee dogina, age Anutna gagadic odocha qee dogina. Eunu age dadanec bilegina.

Me Je i Mak Jaqen 12:27

Anut uqa cal mein agena Anut qee. Euqa uqa cebac bilegina agena Anut. Age dadanec bahic,” aden.

Aposel 1:15

Deel osooso hedocob euna wawaga meleec cotogail 120 odi cegulein. Odocob Pita je maadigiannu caji tawen.

1 Korin 6:9

Dana qisol megina eu age Anutna cul qee mugumuga owain ec qee doginafo? Age agedodoc wawaga cain uhuldowain. Dana age cajaca wal kobol odoginaca, dana age kadan tibudnu cuha feginaca, dana age osona cajaca nijeginaca, dana age dana osoca kobol me qee majanagaca odoginaca,

Galesia 6:7

Oso uqadodoc dewegna cehimei dewegna gale doc toodona eu uqa dewegnadec cal mec aig ugian. Oso Kisna cehimei Kisna gale doc toodona eu uqa Kisnadec cebac bilec catanec aig ugian. Odocob oso uqa Anut qee cewudina. Dana oso cel sab cehen eu dih wal meceb ugian. Eunu agedodoc cain qaudowain.

Filipai 2:12

Eunu, ijana danah bahic, ija ageca ono bilom saenna age ija coni gaid toodoloigwe eu odi qilaha ija ageca qee biluquna saenna ija coni toodu bahic toodoigale. Anut uqa wele cahahaaden. Anut uqa age dunuh gaid cabi ona, age uqana cisdoc toodocnu gale adena eunu gaid cabi ona, odocob uqana cisdoc toodu odocnu ihoc eunu ha cabi ona. Eunu age cucuii qeleli agena me bilecnu cabi eu gagadic oiga.

Filipai 4:1

Eunu, ija wawige meleec cotiel, ija agenu nalunuga migina, ija feciadecnu hooligina! Ija agenu ceeligina, ija culunuga ugina. Ija cotiel, age Tibudca gabanadec bilegina euna odi gagadic taweigale.

Kolosi 2:4

Age Kolosi, dana oso uhulec jena qauadeiaunnu ija eunu odi maadigina. Euqa uhulec je eu docnu me bahicfi cain dah mowain.

Kolosi 2:8

Gadgad dana oso uqa danana je docca uhulec je gaucca euna qauadeceb age uqana je toodu odowainnu age mecii cuhadoigale. Je doc eu dana wele bahic bilein eu agena, eu mahanadec tibud age dana eu iwaladein, odocob je doc eu ege qila biluquna egeca hoin. Euqa je doc eu Krais uqana je qee bahic.

2 Timoti 2:18

Ale mele je eu siho qumesi jic ceja qu lena euna cobosina. Ale je odi madesina, “Egena cal mecnadec ceseli cajec eu wele calen,” esina. Ale je madecnana ege wawige meleec dana cajaca leih agena wawaga meleec eu cawaladesina.

Hibru 13:1

Age wawaga meleec cotogailnu nalunuga megina, odocob age gaid odi agenu nalunuga meigale.

Jems 1:19

O cotiel bahic, age ceteh eunu du cuhadoigale. Age abesabes oso je madeceb docnu waug nijecebfi age mahuc dahiniga ceheigale. Age je madecnufi mahuc fecwe cain madowain. Odocob dana gemag becna Anutna kobol tutuc odoc eu qee odona. Eunu gemanaga ha mahuc cain beiaun.

Jems 1:2

O cotiel, deweneganu temadec filfil ageca hocobfi age eu ceelecna ceteh himec eigale.

Jems 2:1

O cotiel, age egena Tibud Jisas Kraisnu wawaga meleen, uqa Anutna kobolkobol. Dana oso dewegna lotoc me bahicca eben gicna gol saica agena cegulecna hona. Odocob dana sawen oso dewegna lotoc me qeeca uqaha cegulecna hona. Odocob age dana dewegna lotoc me bahicca eu meme mudegina. Odimeig madogina, “Cois hina bilec me bahic euna hu bilegale,” dogina. Odimeig sawen dana edi madogina, “Hina euna tawaga,” doginafo, qee “Hina jaimina isec hu bilegale,” dogina. Age kobol eu odi odifeig eu agedodoc cotogail agena cisdocna gesiladegina. Age tutuc bahic ihocihoc qee gesiladegina. Age dana lecis eu cisdoc meca qee euna gesiladegina. Eunu age fifi dana ijanca himec cain me mudowain. Odimeig dana ijanca qee eundec cain hibemdowain.

Jems 2:14

O cotiel, dana oso uqa ija Kraisnu wawi meleena ec madenafi qa uqa kobol me oso qee odona, dana eu uqana waug meleec eu ceteh gauc himec. Waug meleec eu odi cahahadocnu ihoc qee.

Jems 2:5

O cotiel bahic, age dah meiga! Dana age dana mahanadec cunug amagana cehewanca qee dana eu age agena wawaga meleec eu cehewanca odiwe biluqagannu Anut wele nesili cedaden. Wele eu uqa je hahun odi maden. Dana uqanu nalug megina eundec eu uqa uqana me culna ehi li madigian. Eunu uqa dana sawen eundec me cul euna biluqagannu wele ehaden. Age Anut huqanehul.

Jems 3:1

O cotiel! Age mati ege dana iwaladec bileqan egina eu cois qee. Ge age dogina, ege dana iwaladoqona Anut uqa ege egena cabinu eu tutucfo, tutuc qeefo gagadic gesilgigian. Euqa iwaladec dana qee uqa uqana cabinu gagadic qee gesildoiaun.

Jems 3:10

Qesaldoc jeca geladec je eundecha conige osol euna himec calena. O cotiel! Eu odi cain nijiaunle.

Jems 4:11

O cotiel, agenu je me qee cain madocobmadocobowain. Dana cotig oso cotignu je me qee madenafi cotig gesildonafi eu uqa loo jenu je me qee madena. Odocob uqa loo je gesildona. Euqa hina loo je gesildogonafi hina loo je toodu odoc dana qee qa hina loo je gesildoc dana.

Jems 5:12

Euqa cotiel, ceteh oso meca bahic age odoqagan eu edi. Age sao amegnafo, qee maha amegnafo, ceteh oso amegnafo madigina ec eu cain madowain. Age je cagoc oso cain madowain. Age ao egina eu mele dih nijiale. Age qee egina eu qee dih nijiale. Eunu Anut geladec ageca qee hoiaun.

Jems 5:19

O cotiel! Ceteh oso age doiga. Age eundec oso mele je uqana kobol culecebfi oso ceseli ehudi honafi eu me bahic.