Jems 1:12 - Bal cehec je haun

¹² Dana uqa gagadic tatawi temdoc cunugna culumen gahidona uqa ceelecca. Uqa temdoc cunug wooldocobfi Anut demico bilec eu utigian. Anut dana cunug uqanu nalug megina eu age ameg i adecnu wele maden.

Jems 1:12 Iomraidhean Croise

Jenesis 22:1

Aria hibna saen osona Anut uqa Ebraham temdon. Uqa madon, “Ebraham!” don. Odocob Ebraham uqa jejeg hewi madon, “Ija i hen,” don.

Matju 10:22

Odocob ija ijani hewegina eunu dana cajaca cunug age agenu gemanaga beceb sagagadoqagan. Euqa dana cajaca cunug age ceteh eu cunug wooldudu cit qoc gadacna calegina eu Anut uqa age cahahaadigian.

Matju 25:34

King uqa odi odadimei dana cajaca ititom age eben meulana isec tawegina eundec maadigian, ‘Age ija wen teten bibiligin sab itein. Ija wa gab teten bibiligin wa itein. Ija jag bibiligin ehiti bilec cudun itein. Ija bical bibiligin age lotoc taqitein. Ija hagca bibiligin age hu soatein. Ija gihacdoc jona bibiligin age hu mecitein. Eunu Mei eeladen age hoiga, Anut uqa maha gug men saen euna uqana cul agenu saciadon eu mugumuga men qila nijia eu oiga,’ adigian,” aden.

Me Je i Luk Jaqen 6:22

Age Dana Melah toodoqagannu dana age fimeig age agenu gemanaga beceb sagagadoqagan, age ititacadoqagan, odocob age cewadoqagan. Age agenu dana me qee ec madoqagan. Saen euna age eeladecca biluqagan,” aden.

Pol Uqa Jaqec Je Oso Rom Tamanec Jaqiaden 8:28

Uqa Melah age waliniga matu biligiannu uqa dana cajaca Anut ceseli cedecnu wele maden eu ageha uqa Melah cinigwe caloqagannu nesili ehaden. Odocob uqana mel gehca biluqagan. Odocob dana cajaca age uqana wele nesili ehaden eu ageha utaaden. Dana cajaca utaaden eu ageha dana cajaca ititom ec maden. Dana cajaca ititom ec maden ageha uqana kobolkobol aden. Eunu ege doqona, Anut uqa ceteh cunugna dana cajaca age Anutnu nalunuga megina, eu age Anut ceseli cedecnu wele maden, odimei utaaden eu age me madena.

1 Korin 2:9

Euqa eu Anutna jaqec je madena eu odi nijina: “Anut uqa dana cajaca age Anutnu nalug megina agenu ceteh me bahic mati saciadon bilia. Ceteh me bahic eu dana amagana qee felein. Odocob eu dana dahinigana qee dah melein. Odocob eu dana agena cisdocna ha qee calel,” ena. (Aisaia 64.4)

1 Korin 8:3

Euqa dana Anutnu nalug menafi Anut uqa dana eunu du cuhadona.

1 Korin 9:25

Odocob dana cunug age gugulecna wooladoqagannu gale adena eu age agedodoc deweneganadec gale adec eu cilehdogina. Dana eundec age bala me bahic oqagannu odoqona, euqa bala eu me qee migian. Euqa ege bala me bahic qee me qee meiaun eu oqannu odoqona.

2 Timoti 2:15

Hinaqa Anut amegna dewen jeca qee tawegannu cabi megameg mi cuhadogale. Hina cabi dana uqa cabinu nalug mena eu uqa majag docnu silig qee nijelwe eu odi cabi ogale. Oso, uqa mele je tutuc bahic iwaladenawe odi iwaladagale.

2 Timoti 4:8

Wooladec gugulegina eundec ameg me adecebil ogina, ameg me eu ija u itecnu muden nijia. Ameg me eu ititom cobocnu kingna katakat. Egena Tibud, uqa dana cajaca gesiladi cuhadona, uqa cit qoc deelna kingna katakat eu itigian. Ija himec qee itiaun, euqa uqana cit qoc deelna humei camasac migiannu susumudi hoolegina eundec cunugha adigian.

Hibru 10:32

Euqa age saen wele bileinnu cisdoiga, Anutna fulacdoc oin saen euna. Saen euna age cabi gagadic adein, odimeig age dewenega geh tudoin. Euqa age gagadic mein.

Hibru 11:17

Wele Anut uqa Ebraham temdon. Odocob Ebraham uqa Anutnu waug meleeceb Aisak ihanec cinigwe Anut uten. Uqa Anutna mele je ocob Anut uqa Ebraham Aisaknu madon: “Hina sihulel toohi caloqagan age Aisak sihulna himec caloqagan,” don. (Jenesis 21.12) Euqa Ebraham uqa melah osol eu qagadumei Anut ihandugia odon.

Hibru 12:5

Acahna age wawaga gagadic mudecnu Tibud maaden eu wele dahiniga celen? Eu age uqana mel ec madimei maden: “Ijana mel, Tibud uqa hina tutuc mihec kobol oso odifei eu gauc himec ec cain cisdogaun. Uqa tutuc mihec culumen ihifei eu hina wawin cain me qee meiaun.

Hibru 6:15

Eunu Ebraham uqa qee alal dol uqa Anut sumudi bilen oodi li hibna Anut ceteteh utigia mele je madon eu cunug on.

Jems 2:5

O cotiel bahic, age dah meiga! Dana age dana mahanadec cunug amagana cehewanca qee dana eu age agena wawaga meleec eu cehewanca odiwe biluqagannu Anut wele nesili cedaden. Wele eu uqa je hahun odi maden. Dana uqanu nalug megina eundec eu uqa uqana me culna ehi li madigian. Eunu uqa dana sawen eundec me cul euna biluqagannu wele ehaden. Age Anut huqanehul.

Jems 5:11

Age cisdoiga, ege odi madoqona, “Dana age wawaga gagadic mudimeig culumen gahidoin eu age eeldoc oqagan,” oqona. Age Jobna dodo wele dah mein. Uqa waug gagadic mudimei culumen cunug uqaca hon eu gahidon. Odocob hibna Tibud uqana kobol mena oduden euha age dogina. Tibud uqa egenu waug qocnuca cesulgecnuca eu geh bahic eu mele ege doqona.

1 Pita 4:13

Temadec euna age Krais uqa dain sogoecca gahidonwe ageha Kraisca osoben dain sogoecca gahidogina, eunu age ceeleigale. Odocob hibna Krais uqa gagadic odoc fulacdocca camasac migian saen euna age wawaga me bahic bileceb gehca ceeloqagan.

1 Pita 4:14

Kis gagadic odoc fulacdocca eu Anutna Kis eu ageca bilina. Odocob age Krais ijan hewegina. Eunu dana age eunu je me qee maadecebilfi age cois ceeloqagan.

1 Pita 5:10

Anut uqa eelgec uum igec cunug uqana gug. Uqa age Kraisca gabanadeceb age uqana gagadic odoc fulacdocca oqagannu utaaden. Gagadic odoc fulacdocca eu gaid biligian. Age culumen dain adec sogoecca saen gohicna dih gahidoqagan. Odocob hibna Anut uqadodoc age haun me madigian. Odimei uqa me madeceb tatawebil gagadicca biluqagannu hehadigian.

1 Pita 5:4

Age odi odocobilfi sipsip cofadec meca uqa camasac caleceb saen euna age king katakat gagadic odoc fulacdocca dana cajaca ititom oqagan eu ageha oqagan. King katakat eu ameg me bahic, eu qee qee meiaun.

1 Jon 4:19

Anut uqa casac egenu nalunige men. Eunu ege cotigeilnu nalunuga moqona.

Jahunec Je Camasac Muden 2:10

Hina isi wawin sogoec ben gahidogan eunu cain cucuiagaun. Faga, Seten uqa agena wawaga meleec temdocnu age eundec leih gihacdoc jona heladigia odona. Odocob hina deel 10-pela odi cilehadec gahidogan. Euqa hina wawin meleec eu heheweg li cal mec gadacna calegan. Odocom ija cebac bilec king katakat ihigen,” hena.

Jahunec Je Camasac Muden 3:19

Dogina, ija age nalunuga migina eundec qisaadigina, eundec ulauladigina. Eunu hina wawin falicdu megameg mimi tutuc mudagale,” hena.

Jahunec Je Camasac Muden 3:21

“Oso gagadic mimi han wooldocobfi ijaha han wooldocomin Meica uqana king bilec cabalna bilohwe uqa ijaca ijana king bilec cabalna bilewannu cois ec madugen.