Jems 1:10 - Bal cehec je haun

¹⁰ Euqa cotige cehewanca bilina eu uqa ija Anut amegna binanica qee biligina eunu wawi jogoi cobigina imei eunu culaeiale. Ge, gigi sal qoc qaisenawe odi dana cehewanca uqaha qaisi cal migian.

Jems 1:10 Iomraidhean Croise

Matju 5:3

“Dana age Anutnu doc dumanaga ihoc qee eunu dogina eundec saona gun cul eu agena. Eunu age eeladecca bilegina.

Matju 6:30

Euqa Anut uqa ceteh gigisac gami tacec balaca adena, ceteh eu qila tawena uqadec jana helecebil cijina. O age wawaga meleec meca qee, age dogina, Anut uqa age gigisac wooldudu tacecnu adigian.

Filipai 3:8

Eu mele, ija Krais Jisas ijana Tibud ec dugina eu ceteh cunug wooladec bahic. Eunu ija ceteh cunug om eu tageladec igina. Ija Krais dih ocnuca ija uqaca gabanlec bilewannuca odigina. Eunu ija Kraisnu ceteh cunug tageldom, eu tetec gaucwe ec cisdugina. Ija qila ijanel ititom qee, ititom eu loo je toodu odigina euna om. Ijana ititom qila hewigina eu Kraisnu wawi meleena euna om. Ititom eu Anutnadec, dana cajaca age Kraisnu wawaga meleeceb Anut uqa agenu dana cajaca ititom ec madena.

1 Timoti 6:17

Dana age cehewanagaca maha ina bilegina eundec cain deboowainnu maadagale. Age cehewanaga cunug maha inadec eu mahuc odi me qee mena eunu cain wawaga meleeiaun. Euqa age Anutnu wawaga mele bahic igian. Uqadodoc ege ceteteh mati bahic wawige ceeli bilecnu igena. Eu odi maadagale.

Jems 4:14

Agenu uqadec eeta oso caligian eu age qee dogina. Age hut cinigwe eu qila himec calimei ficagonawe.

1 Pita 1:24

Ge, Anutna jaqec je eu odi madena: “Gigi eu galalimei qee mena, uqana bobog eu cagasi tonena. Dana cajaca cunug age gigi cinigwe mahuc qee megina. Age binanaga eu bobog cinigwe cagasi tonena.

1 Jon 2:17

Odocob mahaca, uqana ceteteh cunug dana eunu gale adenaca qee mena. Euqa oso uqa Anutna cisdoc toodu odona eu cebac bileceb catanena.