Hibru 7:11 - Bal cehec je haun

¹¹ Eu nawel tawec ihanec dana Liwai sihul agena cabi oc gadac eu uqana gugna Anut uqa Isrel dana loo je aden. Eunu nawel tawec ihanec dana Liwai sihul agena cabi oc eu ihoc himecmi nawel tawec ihanec dana gug fil oso qee caloub, uqa Eronwe qee qa uqa Melkisedekwe.

Hibru 7:11 Iomraidhean Croise

Galesia 2:21

Ija Anutna eelgec uum igec eu gesac qee mudelem. Anut ege dana ititom ec madecnu ege loo je toodu odoqona eu odi nijecebfi Krais uqa gauc cal men!

Galesia 4:3

Eu odiwe egeha ege mel simwe bilolob saen euna kadan tibud age maha saoca cofadegina eu age cofgoloig, ege agena begabeg mehwe bilolob.

Galesia 4:9

Euqa qila age Anutnu dogina, ec ija maadigen, qila Anut uqa agenu dona. Age adinu mahanadec kadan tibud lasdoc gelelanca qee haun cofadigiannu ceselegina? Age adinu agena begabeg meh cabi dana haun calecnu odogina?

Hibru 5:10

Odocob Anut uqa ehudimei madon, “Hina nawel tawec ihanec dana ilo bilegan eu nawel tawec ihanec dana Melkisedekwe odi bilegan,” don.

Hibru 5:6

Odocob uqa jaqec je osona ha odi maden: “Hina nawel tawec ihanec dana gaid bilecem catanigian, nawel tawec ihanec dana Melkisedekwe odi bilegan,” en. (Buk Song 110.4)

Hibru 6:20

Ege ijanigenu Jisas uqa aqunigec wele hamol eu dunuh len. Odimei nawel tawec ihanec dana ilo gaid bileceb catanigiannu calen, uqa nawel tawec ihanec dana Melkisedekwe odi bilina.

Hibru 7:10

Eu adinu? Mele, Liwai uqa qee calecna Ebraham uqa Melkisedek gulucdon qa saen euna Liwai uqa jajanig Ebraham dewegna bilen.

Hibru 7:12

Eunu saen nawel tawec ihanec cabi dana oso falicdocob caleceb loo je euha falicdocob calen.

Hibru 7:13

Odocob egena Tibud uqanu ceteteh cunugnu maden eu uqa sihul filnadec, odocob wele uqana sihulnadec nawel tawec ihanec dana cabi oso qee hewel. Eu cunug dogina, eu uqa Juda sihulnadec calen. Odocob Moses uqa saen nawel tawec ihanec dananu maden eu uqa sihul eu oso qee ijan ol.

Hibru 7:15

Euqa nawel tawec ihanec dana oso uqa Melkisedek cinigwe wele calen eunu loo je eu falicdocob haun calen eu camasac bahic nijia.

Hibru 7:21

Euqa Jisas uqa Anutna je cagocna nawel tawec ihanec dana cacalen Anut odi madon: “Tibud uqa cagoc je maden eu cisdoc qee falicdoiaun. Hina nawel tawec ihanec dana gaid bilecem catanigian!” don. (Buk Song 110.4)

Hibru 8:7

Bal cehec je weledec eu cahuldocca qeemi Anut uqa bal cehec je haun qee madoub.

Hibru 9:6

Eu age ceteteh eu odi mudein, odocob deel cunugna nawel tawec ihanec dana talah cuha jo hamol cudun aqunecna ono limeig agena cabi oloig.