Hibru 6:1 - Bal cehec je haun

^1-2 Eunu ege Kraisna je gug sanan mec age hahawan iwalgein saen euna ege wawige meleec mel sim cinigwe. Ege je gug sanan mec eundec himec madoqonafi ege mel simwe gaid bileqan. Je gug sanan mec iwalgec eu odi, ege kobol cebac bilecca qee eunu tului falicdumeb Anutnu wawige meleecca bilecnu, odocob wa joc filfilnuca, ebenige dana ilona mecnuca, cal mecnadec cunug ceseli cajoqagannuca, silail dana eundec Anut gel hib madeceb je eu bileceb catanigiannuca. Ege je gug eundec himec madoqonafi ege jo nah gehgeh cehoqona qa jo qee cehi hedoqonawe. Cois, ege mel sim agena kobol eu culimeb wawige meleec je caunca dana ben mein eundec je madeginawe madoqale.

Hibru 6:1 Iomraidhean Croise

Matju 21:29

Odocob mel eu memeg madon, ‘Culadiga,’ don. Hibna uqa memeg feedonnu eu ija cois qee odolom imei waug me qee meceb uqa wain cabina limei cabi on.

Matju 3:2

Uqa maaden, “Sao cul jobon eu age cemenega hona. Eunu agena silailnu tului falicdoigale,” aden.

Matju 4:17

Saen ina Jisas uqa dana cajaca je qasali maadi sanan mimei maaden, “Sao cul jobon eu age cemenega hona. Eunu agena silailnu tului falicdoigale,” aden.

Matju 5:48

Age Memega sao jobon bilia eu uqa odoc me ihoc lec bilina. Eunu ageha agena odoc me ihoc lec bileigale,” aden.

Matju 7:25

Odocob wa ben neceb wa cue ha humei jona leceb gugula ha hu jo eu heweceb qa jo eu uqana nah maha gagadicna cehen tawennu jo qee cabatel.

Me Je i Mak Jaqen 1:1

I Jisas Krais uqana me je sanan mec, uqa Anut Melah.

Me Je i Mak Jaqen 6:12

Eunu age belimeig dana cajaca agena silailnu tului falicdoqagannu je qasali maadein.

Me Je i Luk Jaqen 6:48

Uqa dana jo oso cehen cinigwe. Dana i uqa maha dunuh bahic hunimei meen casac tatac men. Jo eu meenna gagadic cehen. Eunu saen wa cue ben nen eu jo qumei wa qee qeleceb tonel.

Me Je i Jon Jaqen 12:44

Jisas co suli u maaden, “Oso ijanu waug meleena eu uqa ijanu dih qee meleena qa uqa sulten eunu ha waug meleena.

Me Je i Jon Jaqen 14:1

Jisas uqa maaden, “Age wawaga cain qeleleiaun, cain cucuiuwain. Age Anutnu wawaga meleeiale, ijanu ha wawaga meleeiale.

Me Je i Jon Jaqen 5:24

“Ija je mele maadigina, oso ijana je dugiaqa, sulten eu uqana jenu waug meleigiaqa, eu uqa cebac bilec catanec wele on. Uqa gesildocna qee leiaun qa uqa cal mecnadec cebac bilecnana wele leti len,” aden.

Aposel 11:18

Saen age eu odi dah mimeig age Pitanu je madein eu culein. Odimeig Anut binan susuleig madein, “Anut odadeceb Juda dana qee eundec ageha agena silailnu tului falicdumeig cebac bilec catanec oqagan!” ein.

Aposel 17:30

Odocob saen wele dana age Anutna loo je qee doc bibilegin Anut uqa qee wadacadel. Euqa uqa maha ina dana cunug gesiladigiannu eu uqa dana oso uqana ititom cobocna wele cabi eu odigiannu ehudimei deel oso gadac men nijia. Uqa eu mele bahic dana cunug doqagannu wele dana i cal mecnadec tulidocob cajen! Eunu qila Anut uqa dana cunug age mahana cunug bilegina eu agena qisol mec kobolnadec falicdoqagannu maadena,” aden.

Aposel 2:38

Odocob Pita maaden, “Age osolosol agena silailnu tului falicdumeig Jisas Krais ijanna wa joc ocobil Anut agena silail cagasiadigian. Odocob Anut uqa Kis Gun bagolwe adigian.

Aposel 20:21

Ija Juda dana Grikca agena silailnu tului falicdumeig Anutca loqagannuca, age egena Tibud Jisasnu wawaga meleigiannuca ulaulaadiem.

Aposel 26:20

Ija casac Damaskas me je maadimig hibna Jerusalemca Judia hatu cunugnaca Juda dana qee eundec ageha maadem. Agena silail hibemdumeig Anutca falicdoiga ec maadem. Odimeig age agena silailnu tului falicdoin uqana odoc eu ihacecnu ec maadem.

Aposel 3:19

Tibud uqa agena silail cagasiadigiannu gale dona. Odocob Tibud uqa age dolonoga gagadic odoc ocnu saen dodoldodob uqa cemenugnadec ageca suldocob nigiannu gale dona. Uqa uqana Krais uqana dana caja cahahaadecnu wele nesili ehuden, eu Jisas, eu suldocob nigiannu gale dona. Jisas uqa sao jobon bibileb saen maha ina ceteh haun cali hugiannu eu odi Anut uqana je hahun madec dana gun welewele bilein eu conogana maden. Eunu Anut uqa odi odigiannu silailnu tului falicdoiga.

1 Korin 13:10

Euqa saen oso hugian, saen euna ceteh cunug ihoc li hedugian. Odocob naha himec doc eu qee migian.

1 Korin 2:6

Euqa ege age Anutna kobol doc gesis dana eu je cisdoc silecca maadocomun dogina. Euqa je cisdoc silecca age ogina eu mahanadec qee, odocob eu mahana iloilo bilegina eu agena qee. Mahana iloilo bilegina eu age qee moqagan.

2 Korin 7:1

O ijana danah bahic, je hahun i Anut maden eu ege wele om. Eunu ege kobol gegehinca cunug ege dewenige dolonigeca euna nijia eu wasacudimeb Anut cumundudu uqanu qagu coboqale.

2 Korin 7:10

Wawaga tuciec Anut gale dona eu dana ege odigeceb tului falicdoqona. Odocob kobol ina Anut uqa cahahagena. Wawaga tuciec Anut gale dona eu wawige cain me qee meiaun. Euqa wawaga tuciec mahanadec eu uqana aig eu cal mec.

Efesas 2:1

Wele age silailca kobol cahuldocca eu odoloig, odocob eu aqeceb cal mec biloloig.

Efesas 2:5

Ege egena silailna cal mec bibiluqun uqa oigimei Kraisca gabangeceb cebac biluquna. Anut uqa uqana eelgec uum igecna cahahaaden.

Efesas 4:12

Uqa Anutna dana cajaca qagoc age Anutna cabi ocnu saciaadugia bili eu odi odon. Odocob uqa tamanec, eu Krais deweg, ceheceb gagadic tawigiannu odi odon.

Kolosi 1:28

Eunu ege Kraisna me je dana cajaca cunug qasali maadoqona. Ege cisdoc silecca cunug dana cajaca ulaulaadi iwaladoqona, ege dana cunug osolosol ehadocomun age wawaga meleec dana bahic Kraisca gabanadec bilegina eu odi bahic Anut cemenug caloqagannu.

Kolosi 3:14

Ceteteh i cunug oso eu wooladec bilia, eu nalunuga mec. Age nalunuga mec taqeigale, eu ceteteh cunug jeladeceb osol me bahic bilegina.

Kolosi 4:12

Epafras uqaha age cabi cotoga oso, uqa Krais Jisasna cabi dana, uqa feele adec sulduadena. Uqa gaid Anut age cesuladecnu uqana inondocna cabi gagadic ona. Uqa Anut cesuladeceb age wawaga meleec dana bahic tawoqagannu, odocob age Anutna gale doc cunug du cuhadoqagannu inondona.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

1 Timoti 6:19

Eunu age odoc euna cehewan fil bahic agena biligiannu haudogina. Odocob hibna age cebac bilec catanec eu oqagan, cebac bilec catanec eu cebac bilec age qila bilegina wooldoc. Eu odi maadagale.

2 Timoti 2:19

Euqa Anut noh gug gagadicca wele cehen tawena, odocob Anut uqa noh euna sisi mec je i edi jaqen: “Tibud uqa uqana dana cajaca uqana bileginanu dona,” en. (Namba 16.5) Odocob je osoha euna odi jaqen, “Dana cajaca cunug age madi, ija Tibudna biligina, eginafi eu age silail kobol hibemdoigale,” en.

Hibru 11:6

Dana oso uqa Anut cemenug ligiafi uqa Anut bilina, odocob uqa dana Anut walegina eundec Anut uqa ameg me bahic adena ec ha waug meleena. Eunu dana uqa Anutnu waug meleecca qee uqa Anutna gale doc toodocwe qee.

Hibru 12:13

Odocob jaimaga oso eu me qeefi gob ameg eu cunug qee casali hoiaunnu “age jaimagana bahic jic tutuc coboiga,” en. (Sindaun 4.26) Qee bahic! Eu haun me migian.

Hibru 7:11

Eu nawel tawec ihanec dana Liwai sihul agena cabi oc gadac eu uqana gugna Anut uqa Isrel dana loo je aden. Eunu nawel tawec ihanec dana Liwai sihul agena cabi oc eu ihoc himecmi nawel tawec ihanec dana gug fil oso qee caloub, uqa Eronwe qee qa uqa Melkisedekwe.

Hibru 9:14

Euqa Krais golac ceteh eu wooldoc. Krais uqa cahuldoc osoca qee. Kis gaid bileceb catanena uqana gagadic odocna Krais uqana cebac bilec euna Anut ihandon. Eunu uqa golac eu egena cisdoc silec soidocob ege kobol filfil cebac bilecca qee eundec qee odoqaun. Eunu ege Anut cebac bilina uqa cewel utuqan.

Jems 1:4

Odoc me bahic duman eu age cunugnu ihoc ligiannu, odocob age euna me bahic ititom cobocnu biluqagannu age saen cunug gagadic tataweig culumen gahidoigale.

1 Pita 1:21

Anut uqa Krais cal mecnadec tulidocob cajen. Odimei binan fulacdocca uten. Krais uqa age cesuladeceb age Anutnu wawaga meleen. Eunu age Anutnu wawaga meleena, odocob age Anut cahahaadigiannu sumudi bilegina.

1 Pita 5:10

Anut uqa eelgec uum igec cunug uqana gug. Uqa age Kraisca gabanadeceb age uqana gagadic odoc fulacdocca oqagannu utaaden. Gagadic odoc fulacdocca eu gaid biligian. Age culumen dain adec sogoecca saen gohicna dih gahidoqagan. Odocob hibna Anut uqadodoc age haun me madigian. Odimei uqa me madeceb tatawebil gagadicca biluqagannu hehadigian.

1 Jon 4:12

Oso uqa Anut qee fel. Ege cotigeilnu nalunuga moqonafi Anut uqa ege dunuh bilina, odocob uqana nalug mec eu egeca gagadic ihoc bilina.