Hibru 5:1 - Bal cehec je haun

¹ Nawel tawec ihanec dana ilo mugumuga mec kobol eu odi. Anut uqa dana eu dana gemonadec ehudeceb uqa Anut cewel utona. Odimei uqa dana cajaca agena silail cagasecnu uqa Anut bagol utina, uqa Anutnu nawel tawec ihanec filfil cabi ona.

Hibru 5:1 Iomraidhean Croise

Pol Uqa Jaqec Je Oso Rom Tamanec Jaqiaden 15:17

Eunu ija Krais Jisasca cabi owona eu Anutna cabi hewiginanu culaigina.

1 Korin 15:3

Ge, me je ija wele om eu je mele bahic ija adem. Me je eu odi. Krais uqa egena silail cunug cagasigigiannu cal men, eu odiwe je eu Anutna jaqec jena nijia.

Hibru 10:11

Juda agena nawel tawec ihanec dana cunugca odi tawimeig deel cunugna agena cabi oloig. Age haunhaun ihanec kobol eundecna himec ihanoloig. Euqa ihanec eu odi eu silail cagasigecwe qee.

Hibru 10:12

Euqa Krais uqa silail cagasecnu ihani osoldon eu saen cunugnu ihoc. Uqa eu odiodi hedumei ti Anut eben meulana isec bilen.

Hibru 11:4

Ebel uqa Anutnu waug meleennu ihandon. Odocob uqana ihanec eu me bahic, eu Keinna ihanec wooldon. Mele, Ebel uqa Anutnu waug meleen eunu Anut uqa uqanu dana ititom ec maden. Anut uqa Ebel loo utoloi eunu gale doloi. Ebel uqa wele cal men qa uqana waug meleec eu uqa je magigi bilinawe odi.

Hibru 2:17

Eunu uqa cotugulnu Anutna nawel tawec ihanec dana ilo eu waug qocna Anutna je toodudu Anut cewel utocnu cabi ugiannu ceteh cunug uqa cotugul cinigwe bahic calen eu nijen. Uqa Anutna gemag bec gondon. Eunu Anut uqa dana cajaca cunug agena silail cagasiadecnu ihoc.

Hibru 7:27

Nawel tawec ihanec dana ilo weledec age deel cunugna ihanecnu cabi mugumugaca biloloig. Casac age agedodoc agena silail cagasiadecnu ihanoloig. Hibna age dana cajaca agena silail cagasecnu ihanoloig. Euqa Jisas uqa cabi odica qee. Qee bahic! Uqa ihani osoldon eu saen cunug ihoc. Uqa uqadodoc uqana cebac bilec Anut uten.

Hibru 8:3

Anut uqa nawel tawec ihanec dana ilo cunug age Anut loo uuteig ihanec gug filfil mecnu nesili ehadena. Eunu egena nawel tawec ihanec dana ilo uqaha ihanecnu ceteh osoca bilia.

Hibru 8:4

Euqa nawel tawec ihanec cabi dana wele mahana cabi ogina, odimeig Mosesna loo je toododoig loo gug filfilna Anut ihandogina. Eunu egena nawel tawec ihanec dana uqa mahana bilecebfi uqa nawel tawec ihanec dana qee bilina.

Hibru 9:9

Talah cuha jo eu saen qila inu ihicon qoc. Talah cuha jo euna age loo gug filfil Anut utoloig. Odocob eu age euna Anutnu ihanec gug filfil madoloig. Euqa ceteteh cunug odoloig eu dana cuha foloig eundec agena cisdoc silec tutuc mudecwe qee, odimei age ija silail dana qee ec cisdocnu ihoc qee.