Hibru 4:7 - Bal cehec je haun

⁷ Eunu Anut uqa haun deel oso men. Uqa deel eu “Qila” ec maden. Odocob hibna cabi gel mati hedocob Anut Dewid cona je qasali maden, je eu ege casac wele madoqa odi: “Qila age uqa jejeg dah mifeig age wawaga gagadic bahic cain menowain,” en. (Buk Song 95.7-8)

Hibru 4:7 Iomraidhean Croise

Matju 22:43

Odocobil Jisas maaden, “Dewid uqa Kis Gun dado mudeceb uqa Kraisnu madi, ijana Tibud, en eu adinu? Ge, uqa maden:

Me Je i Mak Jaqen 12:36

Kis Gun uqa Dewid dado mudeceb uqadodoc maden: ‘Anut Tibud uqa ijana Tibud odi maden, “Ijaca hu ebeni meulana isec bibilem ija odocomin hinana cad cunug hu ninijebil hina jaimna lahacadegan,” en,’ Dewid odi maden. (Buk Song 110.1)

Me Je i Luk Jaqen 20:42

Ge, Dewid uqadodoc buk Samna jaqen: ‘Anut Tibud uqa ijana Tibud odi madon, “Ijaca hu ebeni meulana isec bibilem

Aposel 2:29

“Cotiel, age du cuhadocnu ija saluqi u maadigen. Egena sihul gugnadec dana, King Dewid, wele bilen uqa cal meceb heel cisein, euqa uqana qalqal eu ene egeca deel ina bilia.

Aposel 2:31

Eunu Dewid uqa Anut hibnanu ceteh oso odocob caleceb fen. Odimei Anut uqana Krais eu cal mecnadec ceseli cajigiannu maden: ‘Anut cal mecna uqa qee culdol. Uqa deweg ganac ha heelna qee huluel,’ en,” aden.

Aposel 28:25

Eunu age agedodoc cois qee eeig buadein qa age qee buadec Pol je osol i maaden, “Kis Gun je hahun madec dana Aisaia cona age jajanagail je maaden eu mele!

Hibru 3:15

Ege doqona, Anutna jaqec je madena: “Qila age uqa jejeg dah mifeig age wawaga gagadic bahic cain menowain. Wele bahic dana cajaca fileeeig Anut jejeg wooldumeig odoin odi cain odowain,” ena. (Buk Song 95.7-8)