Hibru 13:9 - Bal cehec je haun

⁹ Je filfil wawaga dunuh limei wawaga falicdocob Anutna jic culuwainnu Anutna eelgec uum igec ege wawige gagadic mudinafi eu me bahic. Wawige eu ege sab jecnu loo je filfil toodoqona euna gagadic odoc qee ona. Dana cajaca kobol eu toodogina eundec oso qee cesuladena.

Hibru 13:9 Iomraidhean Croise

Matju 24:4

Odocob Jisas jejenega hewi maaden, “Matica age ija ijanina mamadi hoqagan, ‘Ija Krais, ija dana Anut uqana dana caja cahahaadecnu wele nesili ehuden,’ oqagan. Eu age dana cajaca mati faninadi jic ceja qocna loqagannu dado madoqagan. Eunu oso hu faninadi dado madeceb agena jic ceja qocna lowainnu batut feigale.

Me Je i Luk Jaqen 5:38

Qeeo, age wain haun jool mecmec ganacna mudec haunna dih o danegina.

Aposel 20:30

Saen caleceb dana leih agena amnadec cajimeig cuhulec je madimeig malogom age diadecebil tooadoqagan.

Aposel 20:32

“Odocob qila ija maadi Anut ebenna adigina igina, uqa eelgec uum igennu je eu cofadeiale. Anut eelgec uum igec je eu agena wawaga meleec gagadic mudecnu ihoc. Euna Anut uqa cahahaadec dana cajaca cunug qagu madena adigian eu ageha adecnu ihoc.

Pol Uqa Jaqec Je Oso Rom Tamanec Jaqiaden 14:17

Ge, Anutna culna gug eu sab jec wa gab jecca kobol qee nijel. Uqana gug eu ititom cobocca malol bilecca ceelec Kis Gun iginaca nijia.

Pol Uqa Jaqec Je Oso Rom Tamanec Jaqiaden 14:2

Dana oso uqa waug meleecnu gagadic bahic, odocob uqa ceteteh filfil cunug jena. Euqa dana cotig oso uqana waug meleec eu gagadic qee eunu uqa cuhun qee jena.

Pol Uqa Jaqec Je Oso Rom Tamanec Jaqiaden 14:6

Dana uqa deel oso me bahicnu cisdona dana eu uqa Tibudnu cisdudu odi odona. Odocob dana uqa ceteteh cunug jena dana eu uqa Tibudnu cisdudu ceteteh cunug jena. Ge, uqa Anut hetaga dumei ceteteh eu jena. Odocob dana uqa cuhun qee jena eu uqa Tibudnu cisdudu sab leihnu cud bilina. Odocob uqaha Anut hetaga dona.

1 Korin 6:13

Age oso madena, “Sab eu ija wawinu, odocob wawi eu sabnu,” ena. Eu mele, qa Anut ale lecis odi qee maligian. Age dewenega eu cajaca wal kobol odocnu qee ifanel, age dewenega eu Tibud binan sulecnu ifanen, odocob Tibud uqa dewenegana ilo bilia.

1 Korin 8:8

Euqa ege sab eu qee jifeb kobol eu odigeceb ege Anut amegna me bahic qee tawoqaun. Odocob ege sab eu jifeb kobol eu odigeceb ege Anut amegna me qee qee tawoqaun. Sab uqa ege Anut cemenug qee ehigi leiaun.

2 Korin 1:21

Odocob Anut uqa ege ageca osoben gagadic migimei ege Jisasca gabangeceb gagadic tawoqona. Odocob Anut uqa ege nesilgeceb uqana aposel biluquna.

Galesia 6:1

Ija wawige meleec cotiel, age wawaga meleec dana oso silail memeb fifeig Kis age dado maaden toodogina eu age dana gemanaga jocosaigca cesuldudu tutuc mudeigale. Hina temhec hinaca hocob cosologaunnu tutuc mumudi hinadodocnu cofdogale.

Efesas 4:14

Eunu ege mel sim cinigwe haun qee biluqaun, odocob je i faninadec dana age iwaladegina eu ege macas qahimei wagna cinigwe cain cecelgi lili huhu eiaun. Faninadec dana agena iwaladec je eu uhulec, eu dana agena cisdoc himec. Eu fufu cinigwe ege fulugeceb filfil ilag cain coboqaun.

Efesas 5:6

Silail kobol inu dih Anutna gemag bec eu dana age uqana loo je tefacdogina eu ageca hona. Eunu age dana oso cain culdecebil je gaucna qauadeiaun.

Kolosi 2:4

Age Kolosi, dana oso uhulec jena qauadeiaunnu ija eunu odi maadigina. Euqa uhulec je eu docnu me bahicfi cain dah mowain.

2 Tesalonika 2:17

Age eunu wawaga duuiale, wawagaha me odocnuca je me madecnuca cesuladeiale.

2 Tesalonika 2:2

Age Tibudna deel wele honnu ec je oso dah mifeig age dahiniga cisdoc cain ihulahal meiaun, age cain mahuc filicituwain ec niniadoqona. Age je hahun madec dana osofo, me je qasali madec dana osofo je i maden ec cisdoginafa? Age ege je i jaqiadom ec cisdoginafa? Eu odifi je i wawaga cain meleeiaun.

1 Timoti 6:20

O Timoti, hina cabi i Anut hina ebenna men eu cofdu cuhadogale. Dana leih age madein, “Ege doc silecca,” ein, odocob age wawige meleec eu culimeig jic ceja qu lec euna belein. Eunu je hetec gauc Anutna kobol qee toodona eu dana age doc silecca imeig cahuldudu madegina eu hibemdoga. Anutna eelgec uum igec eu ageca biliale.

1 Jon 4:1

O ijana danah bahic, je hahun uhulec madec dana mati bahic mahana cocobi hatu cunugna belegina. Eunu age je hahun madec dana cunug age ageca humeig madegina, “Anutna Kis uqa je i iten,” egina eunu cain meleowain. Euqa eu kis Anutnadecfo, qeefo eunu age kis cunug temadi feiga.

Jud Uqa Jaqec Je Oso Anutna Dana Cajaca Jaqiaden 1:12

Ija cotiel, age cegulimeig wawaga meleec cotogailnu nalunuga mimi bibileig sab jegina saen euna dana eundec age humeig cegulec i Anut amegna gegehin mudegina. Mele, age age gami sab jeginanu qa dana eundec agedodocnu dih cofdocnu majanaga nagha qee adena. Dana eundec age taen wa meni ninijen fufu hu fudocob ficagu nuina cinigwe. Age na eu aig qoc saenna aig qee qol cinigwe. Age na wele cal men, odocob dana age bebeig cunug cacalein. Age dana cal mi lecisdoin cinigwe.

Jud Uqa Jaqec Je Oso Anutna Dana Cajaca Jaqiaden 1:3

O ijana danah bahic, wele ija Anut ege ageca cunug osoben cahahagennu cabi ben onnu jaqiadimig maadigen imig geh bahic cisdom. Eunu qila ija jaqec je i edi jaqiadigen ec cisdom. Saen osolna dih Anut uqa ege uqana qagoc dana cajaca wawige meleec eu igen. Eunu dana leih age me je eunu ege wawige meleena eu falicdowainnu age me je eu tutuac gagadic oigale ec cesusadigina.