Hibru 13:2 - Bal cehec je haun

² Dana cele agena jona hoqagan eu age cesuladecnu cain dahiniga celeiaun. Age dogina, wele dana leih odi odimeig ensel leih agena jona ehadi ehi limeig cofadein. Eu age eu ensel ec qee doloin. Eu age cisdoin eu dana bahic ein.

Hibru 13:2 Iomraidhean Croise

Jenesis 18:1

Aria Tibud uqa Ebrahamca camasac men. Saen euna Ebraham uqa Mamrina na gug benbenna lotoc talah cehi bilen. Cam eu gagadic tatawen Ebraham uqa lotoc talah cebecna bilen.

Jenesis 19:1

Aria Tibudna ensel lecis eu ale wesu Sodom ono calesin. Lot uqa taun cebecna bilen. Odocob Lot uqa mecialimei caji gulucaligia bili len. Uqa gulucalimei gob cehi mahana bilimei jogoi nu maha cotadoin.

Matju 25:40

“Odi madocobil king jejenega hewi maadigian, ‘Ija mele maadigina, age ija cotiel i age ijanagaca qee odadein eu odi age ijaha oditein,’ adigian,” aden.

Aposel 16:15

Odocob uqaca, age uqana jona bileinca age wa joadec oin. Odimei cesusgi ege magen, “Ija mele bahic Tibudnu wawi meleen ec cisdufeig humeig ijana jona bileigale,” gen. Odimei uqa ege uqana jona lecnu bahic magen.

Pol Uqa Jaqec Je Oso Rom Tamanec Jaqiaden 12:13

Anutna dana cajaca qagoc leih coocooh ihoc qee lec eundec cesuladecnu cain culuwain age loo cahulec bileigale.

Pol Uqa Jaqec Je Oso Rom Tamanec Jaqiaden 16:23

Gaias uqa feele ec ageca suldona. Uqa uqana jona me bahic coftena, odimei uqa tamanec cunugha odi cofadena. Erastas uqa taun ben ene uqana kuskus uqaca ege cotige Kwotasca eu ale feele ec ageca suldosina. [Krais Jisas uqana eelgec uum igec ageca biliale. Mele.]

1 Timoti 3:2

Tamanec cofadec matu mudec eu dana odi biliale. Oso uqa cahuldocca qee, uqa hutan me qee eu cain muduwain. Uqa caja osol gemug. Uqadodoc duman cofdu cuhadugian. Uqa gesili fecca, uqa loo cahulecca, uqa iwaldocnu hutan meca, uqa kobol me tutuc himec toodugian.

1 Timoti 5:10

Odocob uqa cabi caunca me odocnu ijanca. Uqa uqana mel me cobocnu iwaladen, uqa dana cus hoc eundec loo aden, dana cajaca qagoc eundec jaimaga wasacudiaden, dana cajaca age culumenca eundec cesuladen, cabi me ocnu deweg qee sosogon ol, caja wij eundec dih ijanaga buk euna jaqeigale.

Taitas 1:8

Tamanec cofadec matu uqa loo cahulecca, uqa ceteteh menu nalug migian. Uqa gesili fecca, uqa ititom cobocca, uqa dana gun cobocca, uqadodoc duman cofdugian.

1 Pita 4:9

Age cotogail agena loo jona hocobil bilegina eu age loo adegina eunu cain wawaga me qee meiaun. Age loo adimeig cofadi cuhaadeigale.

3 Jon 1:5

O ijana danah bahic, hina wawige meleec cotigeil me bahic cewel uadagana. Odimeg hina cotigeil leih agenu qee dogonaha cewel uadagana. Hina kobol euna mele je tutuc toodu odogona.