Hibru 11:12 - Bal cehec je haun

¹² Eunu dana osol eu toia bahic cal mecnu dodoldon uqa mel mati bahic memega calen. Geh bahic fulusdon, eu malaqa saona nijinawe, esic lanna nijinawe odi fulusdoin. Sanijadecwe ha qee.

Hibru 11:12 Iomraidhean Croise

Jenesis 15:5

Odimei Tibud uqa Ebram ehudeceb maha gumu cali lesin. Odimei madon, “Faga! Saona isec meciimeg malaqa sicanadaga. Hina sicanadecnu ihocfa hinana sihul ha malaqa nijia eu odiwe nijigian,” don.

Jenesis 22:17

Odimig ija odocomin hinana sihul mati bahic fulusdoqagan. Euqa malaqa saona nijiaca lanna cesic nijiaca eu odiwe caloqagan. Odocobil hinana sihul agena cad aqadoqagan.

Jenesis 26:4

Odimig ija hinana sihul eu odocomin age malaqa saona nijia eu odiwe caloqagan. Odimig hinana sihul eu maha i cunug adigen. Odocomin hatuhatu cunug hinana sihul jabajabna age ha eeldoc oqagan.

Jenesis 32:12

Qa hina matem, ‘Ija mele bahic odihecemin hina cehewainca megan. Odocob hinana sihul eu lannadec cesic cinigwe caloqagan. Euqa sicanecwe qee eu odi caloqagan,’ tem,” uqa eu odi inondon.

Pol Uqa Jaqec Je Oso Rom Tamanec Jaqiaden 9:27

Odocob Aisaia Isrelnu utai maden: “Isrel sihul eu lanna esic nijina odi fulusdocobfi cois Anut am nag odi himec cahahaadigian.

Jahunec Je Camasac Muden 20:8

Odocob uqa dana hatuhatu filfilnadec age mahana cunug biluqagan eu qauadecnu nuigian. Dana eundec age Gog Magogca oqagan. Seten uqa han cadecnu gabanadigian. Dana age han cadecnu gabandoqagan eu mati bahic, eu odi esic macas lanna tawenawe.