Hibru 10:5 - Bal cehec je haun

⁵ Eunu saen Krais uqa mahana nimei uqa Anut odi madon: “Age dool qumeig ihanhecnu hina culuguna. Euqa hina deweg ganac oso itegannu saciadom bilia.

Hibru 10:5 Iomraidhean Croise

Jenesis 3:15

Ija odocomin hina cajaca qocobqocob owasan. Uqana sihulca hinana sihulca gaid cad biluwasan. Hibna caja uqana mel oso uqa ilom tulohdocob hina uqa jaih bisoc qu jegan,” don.

Matju 11:3

“Age Jisasca limeig sisildoiga, ‘Hina i himec hocnu Anut sulhenfo, qee ege osonu amige meqanfo?’ doiga,” aden. Odimei suladeceb lein.

Me Je i Luk Jaqen 1:35

Odocob ensel jejeg hewi madon, “Kis Gun hinaca humei u tacihigian. Odocob Anut Ohis Bahic uqana gagadic odoc jahulhigian. Eunu mel hina basigian eu age gun oqagan, age Anut Melah oqagan,” don.

Me Je i Luk Jaqen 7:19

Tibudca sulalimei maalen, “Ale Jisasca limesi sisildosia, ‘Hina i himec hocnu Anut sulhenfo, qee ege osonu amige meqanfo?’ dosia,” alen. Odimei sulaleceb lesin.

Me Je i Jon Jaqen 1:14

Je eu dana deweg ibuldumei ege gemona jo cehi bilen. Uqa Anut amegna me bilecca mele bilecca am bec. Ege uqana kobolkobol fom. Kobolkobol eu Memige Anut Melah osol uqana, Memige Anut uqa suldocob nen.

Galesia 4:4

Euqa Anut uqa, saen euna odigen en, saen eu hedocob uqa Melah suldocob nen. Eu caja uqa basen, odocob uqa loo je toodu odigiannu mudeceb bilen.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

Hibru 1:6

Odocob saen Anut uqana mel matu maha ina suldocob nigiannu ninijen uqa odi maden: “Anutna ensel cunug age gob cehimeig uqanu cuha foqagan,” en. (Loo 32.43)

Hibru 10:10

Jisas Krais uqa Anutna gale doc toodon. Odimei uqa uqadodoc deweg ganac euna Anut ihandu osoldon. Eu odina uqa ege qagu migeceb silailca qee ibuldom.

Hibru 10:7

Eunu qila ija odi madigina, ‘O Anut, ija wele niga. Wele ijanu jaqec je bagacna jaqein odi qila ija hinana cisdoc toodugennu niga,’ igina,” don. (Buk Song 40.6-8)

Hibru 10:8

Uqa casac loo je kobolna ihanoloig eunu madimei maden, “Age dool qumeig ihanhecnu hina culuguna. Odocob hina age dool manecna silail cagasec ocnu ihanec eu hina qee gale hena,” en.

Hibru 2:14

Mel sim eu age dana dewenega golanagaca coboginawe Jisas uqaha dana deweg golacca odi bahic umei coboloi. Uqa cal migiannu eu odi odon. Odocob uqa cal mec euna uqa dana cal mecnu gagadic odoc ebenna hewena eu fadaldocnu odi odon. Dana eu uqa Seten.

Hibru 5:7

Wele Jisas uqa dana mahana bilen saen euna uqa Anut inondudu bilen. Anut uqa cal mecnadec cahahadocnu ihoc eunu uqa qajec benca amulig nenen utai inondon. Uqa uqadodocnu jogoi Anut bisalu himec biloloi eunu Anut uqana inondoc eu dah moloi.

Hibru 8:3

Anut uqa nawel tawec ihanec dana ilo cunug age Anut loo uuteig ihanec gug filfil mecnu nesili ehadena. Eunu egena nawel tawec ihanec dana ilo uqaha ihanecnu ceteh osoca bilia.

1 Pita 2:24

Krais uqa ege silail cunugnu hibemdumeb ititom kobol himec toodumeb cebac bilecnu eunu gale don. Eunu uqa uqadodoc egena silail dewegna gahidumei na babalecna cal men. Age uqa deweg tudoin, odocob uqana culumen dain doc sogoeccana uqa ege haun me migen.

2 Jon 1:7

Ge, uhulec dana mati bahic age maha cunugna beladein. Dana eundec age Jisas Krais uqa dana deweg calen ec wawaga qee meleena. Dana eundec oso eu uhulec dana, eu Kraisna cad.