Filipai 4:8 - Bal cehec je haun

⁸ Ija wawige meleec cotiel, ija cit qoc je oso maadigen. Age ceteteh eu mele, ceteteh eu binanca bahic, ceteteh eu tutuc, ceteteh eu cataniec, ceteteh eu fecnu galeca, ceteteh eu meca bahic, ceteteh eu binan sulecnu ihoc, ceteteh eundecnu gaid cisdoigale.

Filipai 4:8 Iomraidhean Croise

Jenesis 18:19

Ebraham melahulca uqana sihulca Anutna je toodocnu maadigian eunu Ebraham nesiludem. Euha Ebraham age ititom odocnuca me odocnuca dado madigian. Age odi odocobilfi ija Ebrahamnu je cunug madem eu odigen,” en.

Matju 22:16

Age agena malogomca Herodna sihulca je adecebil age li Jisas madoin, “Iwalgec, ege hinanu doqona, hina mele je madagana, hina Anutna jic mele iwaladagana, dana binanagaca eundecnu qee cucuiagana. Ge, hina dana saolal madec bilegina eundecnu qee jogoagana.

Me Je i Mak Jaqen 6:20

Ge, Herod uqa Jon dana me bahic, uqa dana ititom eunu don. Eunu Herod uqa Jonnu cucuien. Odimei uqa Jon me cofdon. Herod uqa Jon je madeceb dah men saen euna uqa geh cisdumei waug culumen doloi qa uqa Jonna je dah mudecnu gaid gale doloi.

Me Je i Luk Jaqen 16:15

Odocob Jisas maaden, “Dana ceteh binanca ec cisdogina qa Anut uqa fena eu ceteh bebesacca. Eunu agedodoc age dana amagana meciadegina eu age ititom ec egina qa Anut age wawagana cisdogina eu uqa dona,” aden.

Me Je i Luk Jaqen 2:25

Aria, dana oso Jerusalem ono biloloi. Uqa ijan Simion. Uqa dana ititom. Uqa Anut binan sulec dana. Uqa Anut uqa Isrel hulunuga cehigian saen susumudi bilei bilen. Odocob Kis Gun uqaca bilen.

Me Je i Luk Jaqen 23:50

Aria, dana oso, ijan Josef, bilen. Uqa Juda agena jobon nag Arimatiadec. Uqa dana ititom. Uqa Anutna cul hoc saen susumudi bilen. Uqaha Juda agena gesilec tamanec qa uqa agena Jisas qagadocnu je madec odocca eunu cois qee el.

Me Je i Jon Jaqen 7:18

Oso uqa uqana je madena eu uqadodoc binan wasigiannu odona. Osoqa uqa suldon eu binan wasigiannu odona eu uqa je mele madena, uqa uhulec je qee madena,” aden.

Aposel 10:22

Odocob jejeg hewi madoin, “Konilias, uqa Rom agena han 100 agena ilo, uqa sulgeia. Uqa ititom dana Anut binan sulinanu Juda dana cunug eu age uqa jejeg toodu cuhadogina. Odocob Anutna ensel oso Koniliasca humei odi madon, ‘Hina Saimon Pitana je oso suldoga. Uqa hinana jona hocob uqana je dah megan,’ don. Odocob eunu sulgeceb ene hoqa,” doin.

Aposel 22:12

“Ono dana oso, ijan Ananaias, uqa cuha fec dana uqa Mosesna loo je toodoloi. Odocob Juda dana Damaskas biloloig uqa co toodu cuhadoloig.

Aposel 6:3

Eunu, cotigeil, age dana 7-pela Kis Gun am becca, docca bilegina agenadec nesili ehadecebil ege caja wij sab siwiadecnu cabi cofdocnu madocomun biluqagan.

Pol Uqa Jaqec Je Oso Rom Tamanec Jaqiaden 13:13

Ege ititom coboc dana cam fulacdocna cobona odi cobocnu. Ege cain fileii deboii gad ceu jecomun dalul qigiaun. Ege cecenec kobol cain oodi wal kobol majagca qeena ilag uduqaun. Ege cain fee dadanii dana osona cetehnu amige qoiaun.

Pol Uqa Jaqec Je Oso Rom Tamanec Jaqiaden 13:3

Ge, dana kobol me odogina eundec age gabman ilo cucuiadoqagannu qee odogina. Euqa dana kobol me qee odogina eundec age gabman ilo cucuiadecnu biloub. Hina gabman ilo cucuidoga qee henafo? Uqa Anutna cabi dana uqa hina cesulheheb me bilegan. Eunu cucuidoganfi hina kobol me himec odoga, odocob hina binain suligian. Euqa uqa han sigin eu uqa ebenna bilina eu uqa gauc qee hewena. Uqa Anutna cabi dana dana kobol me qee odona eu ameg me qeena wadacdutocnu bilina. Eunu hina kobol me qee odifeg hina uqanu cucuiegan.

Pol Uqa Jaqec Je Oso Rom Tamanec Jaqiaden 14:18

Dana uqa ceteh eu odina Krais cewel utona Anut uqanu gale dugian. Odocob dana age uqa dana me bahic ec cisdoqagan.

Pol Uqa Jaqec Je Oso Rom Tamanec Jaqiaden 2:29

Dana uqa waugna uqa Juda ena eu uqa Juda bahic. Odocob dewenega cagu qoc kobol eu wawagana ceteh. Eu loo je jaqec gadac himec toodocnu ceteh qee. Eu Anutna Kis ceteh jaqunec. Dana uqa waugna uqa Juda ena eu uqa dana amagana binan sulec qee ona qa uqa Anut amegna binan sulec ona.

1 Korin 4:5

Eunu deel Tibud qee ceseli hoc ninijeb age dana oso cain gesiliduwain. Tibud uqa ceseli humei uqa ceteh cunug qila jahunec tucana nijina eu cedadimei fulacdocna madigian. Odimei uqa dana agena cisdoc qila jahuni nijina eu camasac mudigian. Odocob saen euna dana cajaca cunug Anut uqa agena cabi eu mefo, me qeefo ec eu uqa maadigian.

2 Korin 13:7

Age cahuldoc oso qee odowainnu ege Anut inondoqona. Age ege aposel bahic ec foqagannu qee cisdoqona. Qeeo. Age ege aposel qee ec cisdoqaganfi eu odi fena. Euqa age kobol tutuc odoqagannu eu himec gale gena.

2 Korin 6:8

Dana leih age ege binanige sulein. Odocob dana leih age cewigein. Dana leih age ege hibilemige je me qee magein. Odocob dana leih age ege kobol me odoin ec leih maadein. Dana leih age ege uhulec je madec dana ec cisdoin qa ege mele je dih madom.

2 Korin 8:18

Ege uqaca wawige meleec cotige oso osoben sulaloqona. Cotige eu uqa tamanec cunugnana me je qasali maadecnu binanca.

2 Korin 8:21

Ge, ege kobol me eu odocnu cisdoqona. Ege Tibud amegna dih qee odoqona qa ege dana amagana ha odoqona.

Galesia 5:22

Euqa Kis uqana dado madec aig qoc eu ihen. Eu cotigeilnu nalunuga mec, eu wawige ceeli bilec, eu wawige malol bilec, eu lalafanigeca, eu wawige susumulca, eu me odadec, eu tutuc cobocca,

Efesas 4:25

Eunu age uhulec je cuculeig wawige meleec cotigcotigca mele je madeigale. Ge, ege deweg osol uqana nahanaha biluquna.

Efesas 5:9

Ge, ceteh eu me bahic, ceteh eu ititom, ceteh eu mele bahic eundec cunug eu fulacdoc uqana aig qoc.

Efesas 6:14

Gagadic taweiga. Odocob age umunugana mele je oologamca taqeiga. Odimeig age hannu jamel ititomca culunugana jahuldocnu be cawi taweigale.

Filipai 3:1

O wawige meleec cotiel, ija je i edi ijana jaqiadec qee mudigen. Age Tibudca gabanadec eunu ceeleigale. Ija wele jaqiadem eu haun jaqiadecnu wawi culumenca qee. Ija odi odocominfi age gagadic tawoqagan.

Kolosi 4:5

Dana cajaca age wawaga qee meleec bilegina eu age gemona agena cobocnu cisdu cuhadoiga. Age saen cunugna Kraisna coboc ihacadecnu saciadu bileigale.

1 Tesalonika 4:12

Age odocobilfi wawaga qee meleec dana age agena me odoc fimeig age ijanaga saolal mudoqagan. Odocob age cel ceteh osonu gale adena age dana oso igiga ec qee madowain.

1 Timoti 2:2

Age kingca gabman danaca eundecnu ha age odocobil ege malol bilecna ititomca binanaga meca ege gemona cobocnu nijigiannu inondoigale.

1 Timoti 3:11

Eu odiwe age aidagailha agenu hutanaga me himec coboigale. Age osonu hibiloh je me qee cain madowain. Age agedodoc dumanaga cofdu cuhadoigale. Age ceteh cunugnu mele je himec madoqagan.

1 Timoti 3:4

Uqadodoc uqana aideg talaculca gami kobol mena tutuc cofadi maadigian. Odimei uqana mel mel aidca odadeceb uqanu jogoi bileig uqa jejeg toodu odoqagan.

1 Timoti 4:12

Age hina mel haun fecihuqagan qa age hina dana gauc ec cain cisdowain. Euqa hina dumain cobocna wawaga meleec dana cajaca dado madagale. Hina connaca, hina nalunuga mecnaca, hina wawin meleecnaca, odoc cataniecnaca age adi cobocnu ihacadagale.

1 Timoti 5:10

Odocob uqa cabi caunca me odocnu ijanca. Uqa uqana mel me cobocnu iwaladen, uqa dana cus hoc eundec loo aden, dana cajaca qagoc eundec jaimaga wasacudiaden, dana cajaca age culumenca eundec cesuladen, cabi me ocnu deweg qee sosogon ol, caja wij eundec dih ijanaga buk euna jaqeigale.

1 Timoti 5:2

Caja toia aninelwe je maadagale, caja haun cebinaminelwe je maadagale, kobol cataniecca odadagale.

Taitas 1:8

Tamanec cofadec matu uqa loo cahulecca, uqa ceteteh menu nalug migian. Uqa gesili fecca, uqa ititom cobocca, uqa dana gun cobocca, uqadodoc duman cofdugian.

Taitas 2:14

Uqa ege silail cunugnadec ceseli fajigecnuca, uqa uqadodocnu dana cajaca sihul soigeceb ege me odocnu megameg moqona eu uqana bahic bilocomun catanigiannuca uqadodoc egenu men.

Taitas 2:2

Hina dana toiatoia odi maadagale. Age agedodoc dumanaga cofdoqagan, age gesili fecca biluqagan, age cisdoc silecca biluqagan, age wawaga meleecna me biluqagan, age wawaga meleec dana cajaca nalunuga moqagan, wawaga duuecca tawoqagan ec maadagale.

Taitas 2:7

Hinana cad age egenu je me qee madecnu ihoc qee, odocob age teiteieinnu majanaga odigiannu kobol cunug hina odogona hinadodoc kobol me himec odoga eunu age hina cebain oqagan. Hina dana iwaladec cabi euna mele je himec maadagale, je gauc cain gabandogaun. Hina je tutuc dih madagale, odocob dana age euna cahuldoc oso fecnu ihoc qee.

Taitas 3:14

Dana cajaca leih age cetehca qee bahic bilecebilfi age cesuladecnu ihoc biluqagannu, odocob wawige meleec dana cajaca age cain gauc biluwainnu egena wawige meleec dana cajaca iwaladecem agena saen cabi me oigale.

Hibru 11:2

Dana wele bahic biloloig wawaga meleecca eunu Anut maden, “Eu agena kobol eu me bahic,” en.

Hibru 13:18

Age Anut ege cesulgigiannu inondoiga. Ege wawige Anut amegna eu tutuc himec ec tebandoqona. Egena cisdoc silec eu camasac. Odocob ege gaid saen cunug tutuc himec cobocnu wawige nijia.

Jems 1:27

Cuha fec eu ege memige Anut amegna eu soidoc bahic nijeceb odocob gegehinca qee eu odi bilina. Age mel leih anagail memegailca cal mein eundec caja wij cuhanuc bilegina eu ageha culumen gahidocnu cesuladeigale. Ceteh osoha. Maha inadec kobol wawaga gegehin cain qoiaun. Odocob age agena jic coboc cofdu cuhadudu coboiga.

Jems 3:17

Euqa cisdoc silec sao ohisdec eu casac soidocca. Odocob eu malolca, gemag jocosaigca. Odocob eunu dana gami wawaga osolna bilegina, age dana leih agena je ihoc toodogina. Age wawaga qocca odocob kobol me odogina. Age dana cunugnu kobol me osol eu odadegina. Age qauadec kobol qee odogina.

1 Pita 1:22

Age mele je i toodu odogina, odocob age kobol euna agedodoc wawaga wasacudecebil Anut amegna cataniec bilegina. Odocob age wawaga meleec cotogailnu nalunuga megina. Age cotogail osonu nalug mecebmecebecnu gagadic odoigale.

1 Pita 2:12

Gadgad haiden age agenu age dana cajaca me qee ec madowainnu. Age agena me odoc fifeig age Anut uqa dana cajaca cunug gesiladecnu deel hocob Anut binan suluqagan. Eunu age haiden dana cajaca gemona tutuc coboigale.

1 Pita 4:8

Age wawaga meleec cotogailnu nalunuga mifeig age agena silail matinu dahiniga celigian. Odocob age cotogailnu nalunuga mecnu kobol eu kobol leih cunug wooladec. Eunu nalunuga mec eu gagadicca heweigale.

2 Pita 3:1

O ijana danah bahic, jaqec je i eu jaqec lecisdoc qila ija age jaqiadigina. Jaqec je lecis ina ija age je inu haun cisdoqagannu agena cisdoc tuliduadigina.

1 Jon 3:18

O ijana mel sim, ege je madecnaca conigenaca himec cotigeilnu qee nalunuga moqona qa ege egena odocna mele bahic cotigeilnu nalunuga moqale.

1 Jon 3:3

Dana cajaca cunug age uqa camasac meceb fimeig uqa cinigwe ibuldoqagannu sumudi bilegina eu age Anut amegna agedodoc soiadecnu odogina eu odiwe Krais uqa soidoc bilina.

1 Jon 4:1

O ijana danah bahic, je hahun uhulec madec dana mati bahic mahana cocobi hatu cunugna belegina. Eunu age je hahun madec dana cunug age ageca humeig madegina, “Anutna Kis uqa je i iten,” egina eunu cain meleowain. Euqa eu kis Anutnadecfo, qeefo eunu age kis cunug temadi feiga.