Filipai 2:21 - Bal cehec je haun

²¹ Dana leih cunug age agena ceteteh dih cofdogina. Odocob age Jisas Kraisna cabinu qee cofdogina.

Filipai 2:21 Iomraidhean Croise

Matju 16:24

Odocob Jisas uqana malogom maaden, “Feiga, Dana Melah uqa Memegna kobolkobolca uqana ensel gami hoqagan. Deel euna uqa dana abesabes age odoinnu ameg wadacadigian. Eunu dana oso mahamaha cehewan cunug oialumiqa uqana cebac bilec qee moubmi cehewan on eunu me biloubfo? Qeefi, dana uqa cebac bilec eu culecebfi cel cetehna uqana cebac bilec ceseli besi ocnu fajudigian? Oso uqa uqana cebac bilec cahahadugia odona eu uqa uqana cebac bilec felacudigian. Odocob oso uqa ijana bilina eunu uqana cebac bilec felacudecebfi eu uqana cebac bilec ugian. Eunu oso uqa ijanu madi, ija uqa jaih ceen lahacdudu toodugen, ena eu uqadodoc deweni me biligian ec cain madeiaun qa uqa uqana na babalec hewi gahidumei tooteiale.

Me Je i Luk Jaqen 14:26

“Age oso uqa jo ben cecelac odocob ohis bahic cehigiannu cisdonafi uqa casac bilimei ceteteh qaigna fajadigiannu qaig hahun odi bahic ec temdu fena. Eu odi eu uqa jo eu qee mudigiannu meen qaig ihocfo? eu cisdu figian. Gadgad uqa eu odica qeefi uqa jo ben ohis bahic eu sanan mimei hibna qee mudec ihoc qee. Odocob leih age eu fimeig uqa lelandowaindain. ‘Dana i jo cehec sanan men qa qee mudecwe qee!’ odi madoqagan. Qeefi, king oso uqana han dana 10,000ca king osoca cadowasa lifei ge king eu uqa han dana 20,000ca uqaca hoqagan eu uqa casac bilimei uqa cadigiannu gagadic odoc ihocfo? ec cisdugian. Uqa ihoc qeefi uqana dana sos suladeceb belimeig king oso eu ceguldumeig saen uqa jic onoca bibileb malol bilecnu cahacdoc je madoqagan. Eunu oso uqa ija tootecnu ijaca honafiqa uqa anag memegca, uqa aideg, melahul, waliagul, cebinagulca, odocob uqadodoc cebac bilec euca qee sagagadena eu uqa ijana malogom bilecwe qee. Odocob oso uqanagul na babalec gahidu ija tooti cobocnu culinafi eu uqa ijana malogom bilecwe qee,” aden.

Aposel 13:13

Odocob Pol uqa dana gami beleinca wagna Pafosdec Pega taunna belein, eu Pamfilia hatu nag ono. Euqa Jon ono culadi Jerusalem ceseli nuen.

Aposel 15:38

Euqa wele uqa age gami bilimeig beli me je iwaladec cabi qee oloi, odimei uqa Pamfilia hatu nagna culali Jerusalem ono ceseli nuen. Eunu Pol uqa ehudi nuecnu culen.

1 Korin 10:24

Dana oso uqadodoc me biligiannu jic cain waleiaun qa uqa cotig me biligiannu jic waleiale.

1 Korin 10:33

Anut uqa dana cajaca cunug cahahaadigiannu gale tena. Eunu ijaha dana cunug ija kobol cunug odigina eunu gale adigiannu odigina. Ijadodoc me mitecnu cabi qee ugina. Ija dana mati age me madecnu cabi ugina.

1 Korin 13:5

Dana nalug mena uqa qee deboena, uqa osonu je me qee qee madena, uqa ija didih ec qee madena, uqa dana sibeni qaheceb gemani qee bena, uqa deweg tudocobil hewihewi qee cobona.

2 Korin 1:5

Ge, sogoec ben Krais gahidon eu egeha gahidoqona. Eu odiwe ege Kraisca gabandoc biluquna euna Anut gehca wahohoggena.

Filipai 2:4

Odocob age agena ceteteh dih cain cofdowain, age cotogail agena ceteteh ha cofdoigale, odocob ageha me biluqagan.

2 Timoti 1:15

Hina dogona, Esia mahanadec eundec cunug age ija hibemtein. Age eundec leih Figelusca Hemogenisca.

2 Timoti 3:2

Saen euna dana age ija didih i cobocca, meen qaignu gawecca, agedodocnu culunuga occa, deboecca, lelanecca, memegail anagail feeadecca, hetaga ec qee madecca, Anut hibemdoqagan.

2 Timoti 4:16

Saen hahawanna age gesilec jona mitecebil, ijanelnu je cesultec madecnu tawecemin, oso ija homi cehi qee tawel, age cunug ija cultein. Anut age ija oditeinnu dahig celeiale.