Filipai 2:16 - Bal cehec je haun

¹⁶ age cebac bilecnu je eu u adoqagan. Age odi odocobilfi ija agenu cabi gagadic om eu gauc qee cusdugaunnu ija Krais ceseli hoc deelna culunuga ugen.

Filipai 2:16 Iomraidhean Croise

Matju 10:27

Ija tuna jahuni je maadigina eu cahinegna dana amagana madeigale. Ija age jahna maadecemin dah megina eu jo ohisna tatawi dana cajaca cunug qasali maadeigale.

Me Je i Luk Jaqen 12:8

Jisas je haun maaden, “Ija maadigina, oso uqa dana amagana tatawi ijanu madi madena, ‘Ija Jisas uqana malogom,’ ena eu uqanu Dana Melah Anutna ensel amagana madigian, ‘Eu ijana,’ igian.

Me Je i Jon Jaqen 6:63

Kis uqa cebac bilec adena, deweg ganac uqadodoc cebac qee bilel. Je ija maadiga eu kisca cebac bilecca.

Me Je i Jon Jaqen 6:68

Odocob Saimon Pita uqa jejeg hewi madon, “O Tibud, hina cebac bilec catanecnu je magagana. Ege qila hina Anutna Gundec eunu wawige meleena, eu ege du cuhadoqona. Eunu ege inca belecnu?” don.

Aposel 13:26

“O cotiel, Ebrahamna sihul, Juda dana eundec qee age Anut binan sulegina eu, me je i Anut dana cahahaadecnu eu Anut egeca suldon!

1 Korin 9:26

Eunu ija gauc qee guguligina qa ija tutuc guguli qee mec gadacna nuigina. Ija ebeni ilag qelimig fufu gauc qee qugina. Eunu ija boksen dana me cinigwe odigina.

Galesia 2:2

Anut uqa uqana camasac mecna ija Jerusalem ono tigen ec ihactennu tem. Ija ono wawige meleec cotigeil agena cofadec, age ijanagaca egina, eu ageca jahuni cegulimeb ija me je Juda dana qee eundec qasali maadigina eunu sildiadem. Ija cabi wele omca cabi qila uginaca eu gauc fadaleiaun ec cisdom eunu odi odom.

Galesia 4:11

Gadgad cabi cunug ija agenu odem eu gauc fadaleiaunnu ija agenu cisdumig cucuiigina!

Filipai 1:10

Eunu age ceteh eu me bahic eu age nesili cedoqagan. Odocob age Krais ceseli hoc deelna age gegehinca qee, cahuldocca qee biluqagan.

Filipai 1:6

Odocob Anut uqa cabi me i age dunuh sanan men eu gahidodob lili Jisas Krais ceseli hoc deelna qee migiannu ija du cuhadugina.

1 Tesalonika 2:19

Ge, isi Jisas egena Tibud ceseli hocob cel cabi omnu ege ceeli bili uqa amegna gagadic taweqan? Eu age himec! Ege age cahahaaden eunu culai celeboeqan!

1 Tesalonika 3:5

Gug eunu ija haun sumudecwe qee. Eunu agena wawaga meleec adiadi nijia eu fecnu Timoti suldocomin ageca len. Wawige meleec temgec dana uqa hu age osooso faninadeceb egena cabi, ege age gemona om, eu gauc qee meiaunnu ija odi cisdom.

Hibru 4:12

Anutna je eu cebac bilecca cabi gagadic u bilina. Eu aigca bahic uqana aig eu han sigin aig lecisca euha wooldoc tawena. Eu dana qohodumei dunuh bahic lena. Li dolonigeca kiscana ono lena, odimei qatanalena. Odimei gob tefulinigeca mihinogca limei qatanalena. Odimei ege wawigena gale gec cisdocca cunug nenesili fena.

1 Pita 1:23

Ge, age haun wasein, eu odiwe sab cabina haun wasadena. Euqa sab aig qee mena eu age eunadec qee waselein. Sab aig gaid bilina eunadec dih age wasein. Sab aig eu Anutna je. Eu uqa cebac bilecca, eu gaid bilina.

1 Jon 1:1

Ege cebac bilecnu je eunu je qasali madoqona. Cebac bilecnu je eu gug qoc saennadec bibili li qila bilina. Cebac bilecnu je ege dah mom, odocob ege amigena fom, odocob ege fimeb ebenigena qududom.

Jahunec Je Camasac Muden 22:17

Kisca caja dana occa ale Jisas madosina, “Hina hoga!” dosina. Cunug age je i dah megina eu ageha madoqagan, “Hina hoga!” doqagan. Oso uqa wa gab dona eu humei jeiale. Oso uqa cebac bilec wa eu fajecca qee ocnu gale dona eu oiale.