Filipai 2:11 - Bal cehec je haun

¹¹ Odimeig age cunug beilamaga osol mi Jisasnu madi madoqagan, Jisas Krais uqa egena Tibud, oqagan. Age Memige Anut binan wasigiannu odi odoqagan.

Filipai 2:11 Iomraidhean Croise

Matju 10:32

Jisas je haun maaden, “Eunu oso uqa dana amagana tatawi ijanu madi madena, ‘Ija Jisas uqana malogom,’ ena eu uqanu ijaha Mei sao jobon bilia amegna madigen, ‘Eu ijana,’ igen.

Me Je i Luk Jaqen 2:11

Qila deel ina Dewidna taun ono caja oso mel baseia. Uqa agena Cahahaadec. Uqa Krais Tibud.

Me Je i Jon Jaqen 12:42

Age odoinqa Juda dana iloilo mati age Jisasnu wawaga meleen. Euqa age Anut agenu me adena eu qee gale adel, age dana age agenu me adegina eu gale aden. Eunu age Farisi dana eu agenu cucuieinnu cuha jonadec ititacadowainnu age uqanu camasac qee madelein.

Me Je i Jon Jaqen 13:13

Ija agena Iwaladec Tibudca biligina. Eunu age ijanu madi, Iwalgec Tibudca tegina eu age tutuc madegina.

Me Je i Jon Jaqen 13:14

Ija, agena Tibud Iwaladecca, age jaimaga wasacudiadiga eunu ageha jaimaga wasacuditocobtocobi bileigale.

Me Je i Jon Jaqen 14:13

Memige Anut binan eu Melah odocna ben migiannu age ija ijanina ceteh osonu inondoqagaqa eu ija odigen.

Me Je i Jon Jaqen 14:23

Odocob Jisas jejeg hewi madon, “Oso uqa ija naluni mena eu ijana je toodu odigian. Odocob Mei uqa dana eunu nalug migian. Odocob Meica ijaca ele limeu dana eu elena jo bilec uqa dunuh bilewan.

Me Je i Jon Jaqen 17:1

Jisas uqa je eu madi hedumei uqa sao jobonna tatii imei Anut inondon: “O Mei, saen eu wele cali hoia. Hina dana mahamaha bilegina cunug Melem ebenna madem. Odimeg cunug uqa utem eundec age cebac bilec catanec eu adecnu gagadic odoc ihoc utem. Cebac bilec catanec uqana gug eu ihen. Age hinanu, hina himec mele Anut eunuca, Jisas Krais hina suldom eu uqanuca wawaga fogo doc bilegina. Eunu hina Melem uqa kobolkobol ihigiannu kobolkobol utugale,” don.

Me Je i Jon Jaqen 20:28

Odocob Tomas uqa jejeg hewi madon, “O ijana Tibud! Ijana Anut!” don.

Me Je i Jon Jaqen 9:22

Juda age wele madi cagoin ec madein, “Oso Jisasnu uqa Anutna Krais ec madecebfi ege uqa cuha jonadec ititacdocomun tamanecna qee biliaun,” ein. Eunu uqa memeg anagca ale Juda dananu cucuiesinnu odi madesin.

Aposel 10:36

Me je Anut uqa Isrel dana ageca suldon eu age dogina. Me je eu qila Jisas Kraisna dana cunug age Anutna malol euca bilecnu ihoc en. Jisas uqa dana cunug agena Tibud.

Aposel 2:36

“Eunu Isrel dana cunug age doiga, Jisas i age na babalecna tuitu qocobil cal men eu Anut uqa Tibud Kraisca mudeceb uqa ege Cahahagec calen bilia!” aden.

Pol Uqa Jaqec Je Oso Rom Tamanec Jaqiaden 14:11

Ge, Anutna jaqec je odi madena: “Tibud odi madena, ‘Ija cebac bibilig mele bahic madigina, dana cunug ija amina gob cehoqagan. Odocob dana cunug conogana Anut binan suluqagan,’ ena,” je hahun jaqec odi madena. (Aisaia 45.23)

Pol Uqa Jaqec Je Oso Rom Tamanec Jaqiaden 14:9

Eu gug inu himec Krais cal mimei haun ceseli cajen. Eunu uqa dana age cal meinca dana age cebac bileginaca eu cunug agena Tibud biligiannu.

Pol Uqa Jaqec Je Oso Rom Tamanec Jaqiaden 15:9

Eu odiha Juda dana qee eundec age Anut agenu waug qon eunu Anut binan sulecnu uqa odi odon. Eu odi Anutna jaqec je odi madena: “Eunu ija Juda dana qee eundec age gemona binain suligen. Odimig hina ijainnu due sisilig binain suligen,” ena. (2 Samjuel 22.50; Buk Song 18.49)

1 Korin 12:3

Eunu age ceteh i doqagannu gale tena. Dana oso uqa Anutna Kis cesusdocob uqa Jisasnu madi, geuldec je madecwe qee. Odocob dana oso uqa Kis Gunca qee eu uqa je madena, “Jisas uqa Tibud,” je madecwe qee.

1 Korin 15:47

Dana matu eu Anut maha umei muden. Eunu uqa mahanadec. Dana lecisdoc eu uqana gug sao jobonnadec.

1 Korin 8:6

egenu Anut osol bilina, ege Memige. Uqa ceteh cunug ifanec gug, odocob uqanu ege biluquna. Tibud osol dih bilina, uqa Jisas Krais. Uqa ceteh cunug ifanen, odocob ege uqanadec cebac bilec oqona.

1 Pita 1:21

Anut uqa Krais cal mecnadec tulidocob cajen. Odimei binan fulacdocca uten. Krais uqa age cesuladeceb age Anutnu wawaga meleen. Eunu age Anutnu wawaga meleena, odocob age Anut cahahaadigiannu sumudi bilegina.

1 Jon 4:15

Oso uqa Jisasnu uqa Anut Melah ec madena eu Anut uqaca gabandoc bilina, odocob uqa Anutca gabandoc bilina.

1 Jon 4:2

Age Anutna Kis ec doqagannufi kobol eu odi. Je hahun madec dana oso uqa madena, “Jisas Krais uqa dana deweg calen,” ena eu Anutnadec, Anutna Kis eu dana uqaca bilia.

2 Jon 1:7

Ge, uhulec dana mati bahic age maha cunugna beladein. Dana eundec age Jisas Krais uqa dana deweg calen ec wawaga qee meleena. Dana eundec oso eu uhulec dana, eu Kraisna cad.

Jahunec Je Camasac Muden 3:5

“Oso gagadic mimi han wooldocobfi eu odiwe lotoc senenec bahic tataqi biligian. Ija uqa ijan cebac bilec bukna tawena euna qee cacu qeligaun. Ija Meica uqana enselca amagana qasali mamadi, uqa ijana bilitina igen.