Filipai 1:9 - Bal cehec je haun

⁹ Odocob ija agenu inondugina, agena nalug mec eu gaid ben migiannu, odocob agena doc silecca cisdoc fecca euha ben migiannu eu odi inondugina.

Filipai 1:9 Iomraidhean Croise

1 Korin 14:20

Ija cotiel, age mel sim cinigwe agena cisdocna cain biluwain. Age qisol mec kobol euna age mel sim cinigwe bileigale. Euqa age agena cisdocna age dana ben cinigwe bileigale.

2 Korin 8:7

Age ceteh cunug odi cuhadogina. Age Anutnu wawaga gagadic meleena, odocob age wawaga meleecnu je eunu cabi gagadic ogina, odocob age doc silecca bahic, odocob age Anutna cabi ocnu nalug megina, odocob age egenu nalunige gehca megina. Odocob eunu age qila age uum adecnu kobol iha u cuhadoqagannu cabi oigale.

Efesas 5:17

Eunu age cain gad mowain qa Tibud uqa age adi odocnu gale dona eu wali feiga.

Kolosi 1:9

Gug inu ele deel hahawannadec agena kobol menu dah moh eu gaid li Anut agenu inondocnu qee culoloh. Ele Anut agenu odi inondowona, Anut uqa uqana cisdoc age wawagana meceb du cuhadoqagannuca, Anut uqana Kis uqaha Anutna cisdoc silec fogo adecca eu cunug adecnuca ec inondowona.

1 Tesalonika 3:12

Odocob ege agenu nalunuga moqonawe Tibud uqa odadeceb age cunug nalug mecebmecebecca, dana cajaca cunug nalunuga mecca, ihoc ligiannu adeiale.

1 Tesalonika 4:1

O wawige meleec cotigeil, age Tibudca gabanadec bilegina eunu ege niniadoqona. Ege adiadi cobocomun, Anut uqa egena odoc fimei gale dugian, eu ege dado madocomun doin. Age jic tutuc odi cobogina eu mele. Euqa age jic tutuc coboc haunhaun odoigale eu odiwe age qila odogina.

2 Tesalonika 1:3

O wawige meleec cotigeil, age Anutnu wawaga meleec eu meca mena, odocob age cotigcotignu nalug mec euha meca mena. Eu oso qee odona ec qee nijel. Eunu ege agenu Anut gaidgaid hegaga docnu cabi eu dewenigena nijia. Eu odocnu silig mele nijia.

Failimon 1:6

Hina eleca osoben gabangec wawige meleena. Eunu hina eleca osoben Kraisca gabangec biluquna eunadec eeldoc me cunug ege oqona eunu du cuhadogannu inondugina.

Hibru 5:14

Sab gagadic eu dana wele ben mein agena. Dana eundec agena cisdoc saen gehca iwaldocobilfi age kobol me qee kobol meca eu nesili docnu ihoc.

1 Pita 1:22

Age mele je i toodu odogina, odocob age kobol euna agedodoc wawaga wasacudecebil Anut amegna cataniec bilegina. Odocob age wawaga meleec cotogailnu nalunuga megina. Age cotogail osonu nalug mecebmecebecnu gagadic odoigale.

2 Pita 3:18

Euqa Jisas Krais uqa egena Tibud, uqa egena Cahahagec uqa eelgec uum igec eu age aden. Odocob age uqanu du cuhadogina. Eunu age eeladec uum adecca uqanu docca cesuladeceb ben mimeig duuec taweigale. Uqa qilaca saensaen cunugca kobolkobolca bileceb cataneiale. Mele.