Filipai 1:6 - Bal cehec je haun

⁶ Odocob Anut uqa cabi me i age dunuh sanan men eu gahidodob lili Jisas Krais ceseli hoc deelna qee migiannu ija du cuhadugina.

Filipai 1:6 Iomraidhean Croise

Me Je i Jon Jaqen 6:29

Odocobil Jisas maaden, “Oso Anut suldon eu uqanu wawaga meleeiale odoc eu Anut gale dona,” aden.

Aposel 11:18

Saen age eu odi dah mimeig age Pitanu je madein eu culein. Odimeig Anut binan susuleig madein, “Anut odadeceb Juda dana qee eundec ageha agena silailnu tului falicdumeig cebac bilec catanec oqagan!” ein.

Aposel 16:14

Caja oso uqa cegulec euna bilen uqa egena je dah men eu ijan Lidia. Uqa Taiataira taun bendec, lotoc golca idadu suldoloi. Uqa Anut binan suloloi. Odocob Tibud uqa odudeceb Lidia uqa waug fogo docob Pol je mamaden dah mudi bilen.

2 Korin 1:15

Kobol ija odadigina eu age gale adena eunu wawi gagadic meleen. Odocob gug inu age eeladec lecis oqagannu ija age casac li feciadigen ec cisdom.

2 Korin 2:3

Age dana cajaca ija oditecebil ija wawi ceelena. Odocob ija ageca lecemin wawi me qee migiannu qee gale tel. Gug eunu himec ija jaqiadec eu wele jaqiadimig sulduadem. Ija dugina, ceteh osonu ija ceeligina age cunugha ceteh eunu himec ceeloqagan.

2 Korin 7:16

Odocob age kobol tutuc himec odogina ec wawi meleena. Eunu ija ceel bahic igina.

2 Korin 9:4

Age ceteh adecnu saciadoin bilegina eunu ege wawige meleena. Euqa Masedonia leih age ijaca osoben limeb age qee saciadoc ninijebil feciadowainnu cisdugina. Odocob ege agenu majanige geiaun, odocob ageha osoben ege saciadoqan ec madeinnu majanaga adeiaun.

Galesia 5:10

Euqa ege Tibudca gabangec biluqunanu ija gaid agenu wawi meleena. Tibud uqa cesuladeceb age cisdoc fil oso qee hewowainnu ija wawi meleena. Odocob cel dana uqa age wawaga me qee mudina eu Anut uqa dana eu geludigian.

Efesas 4:12

Uqa Anutna dana cajaca qagoc age Anutna cabi ocnu saciaadugia bili eu odi odon. Odocob uqa tamanec, eu Krais deweg, ceheceb gagadic tawigiannu odi odon.

Filipai 1:10

Eunu age ceteh eu me bahic eu age nesili cedoqagan. Odocob age Krais ceseli hoc deelna age gegehinca qee, cahuldocca qee biluqagan.

Filipai 1:29

Eetanu? Anut uqa age Krais cewel utoc cabi aden. Odocob cewel utoc cabi eu odi. Age uqanu wawaga himec qee meleena qa age uqanu wawaga meleeceb age uqa ijannu dain adecha gahidogina.

Filipai 2:12

Eunu, ijana danah bahic, ija ageca ono bilom saenna age ija coni gaid toodoloigwe eu odi qilaha ija ageca qee biluquna saenna ija coni toodu bahic toodoigale. Anut uqa wele cahahaaden. Anut uqa age dunuh gaid cabi ona, age uqana cisdoc toodocnu gale adena eunu gaid cabi ona, odocob uqana cisdoc toodu odocnu ihoc eunu ha cabi ona. Eunu age cucuii qeleli agena me bilecnu cabi eu gagadic oiga.

Filipai 2:16

age cebac bilecnu je eu u adoqagan. Age odi odocobilfi ija agenu cabi gagadic om eu gauc qee cusdugaunnu ija Krais ceseli hoc deelna culunuga ugen.

Kolosi 2:12

Odocob age wa joc oin saen euna age Kraisca heel cisadein. Odocob age wa jocna ha age Kraisca ceseli cajein, eu Anut uqa Krais tulidocob cal mecnadec ceseli cajen eu uqana gagadic odiodiecnu wawaga meleecna age ceseli cajein.

1 Tesalonika 1:3

Age Jisasnu wawaga meleeceb kobol me bahic odogina euca, age Jisas nalug meginanu cabi me ogina euca, age Jisas Krais egena Tibud uqa haun ceseli hocnu sumudi bilec eu hewihewi tawegina euca eu cunug egena Anut ege Memige amegna gaid cisdudu inondoqonanu.

2 Tesalonika 1:11

Ceteh eu caligiannu egena cisdoc nijia eunu ege agenu gaid inondoqona. Ege age ititom coboc biluqagannu utaaden eu uqa agenu madi, age eu ititom cobocnu ihoc bilegina, igiannu gaid egena Anut jena inondoqona. Uqa uqana gagadic odocna age me odocnu gale adenaca, agena wawaga meleec cabi onaca, eu cunug ihoc ligiannu inondoqona.

2 Tesalonika 3:4

Odocob Anut cesuladeceb age qee abusildowain ec cisdoqona. Je ege maadom, odocob je ege maadoqona, age odi toodu odogina eu mele doqona.

Failimon 1:21

Ija je i jaqihigina eu toodu odogannu du hedugina. Euqa ija hina odogannu mahigina eu hina wooldoc odogannu eu dugina.

Hibru 10:35

Eunu age kobol me wele odoin eu cisdoiga. Age wawaga gagadic meleecebfi age ameg me bahic oqagan. Age gagadic tawifeig Anutna je ihoc toodoqagan. Odocob ceteh me eunadec wele Anut adigia maden eu oqagan. Uqa maden: “Eu saen cecelac qee. Saen nag bahic odi himec dana hocnu madena uqa hugian. Uqa qee daleeiaun. Euqa ijana dana cajaca ititom age wawaga meleeceb cebac biluqagan. Euqa oso uqa waug meleec eu culifei ija wawi uqanu me qee meiaun,” en. (Habakuk 2.3-4) Eunu agena wawaga meleec gagadic eu cain culuwain.

Hibru 12:2

Ege amige eu meciocomun Jisasca nuigian. Uqa egena wawige meleec gug odocob hibna uqa egena wawige meleec odocob ihoc ligian. Wele Jisas uqa ceelec hibna ugiannu waug ninijen gagadic bilen. Odimei culumen gahidumei na babalecna cal men. Uqa na babalecna ono majag hewudein eu ceteh gauc bahic ec cisdon. Qila uqa Anutna bilec cabal meulana isec bilina.

1 Pita 5:10

Anut uqa eelgec uum igec cunug uqana gug. Uqa age Kraisca gabanadeceb age uqana gagadic odoc fulacdocca oqagannu utaaden. Gagadic odoc fulacdocca eu gaid biligian. Age culumen dain adec sogoecca saen gohicna dih gahidoqagan. Odocob hibna Anut uqadodoc age haun me madigian. Odimei uqa me madeceb tatawebil gagadicca biluqagannu hehadigian.

2 Pita 3:10

Euqa Tibudna deel eu heje danawe hugian. Odocob deel euna sao uqa geh bahic udududuimei jajanu qeligian. Odocob mahaca ceteteh cunug mahana nijadenaca ja cijeceb fadaloqagan. Eu maha cunugca ceteteh cunug Anut maha mudenca camasac bahic caloqagan.