Filipai 1:12 - Bal cehec je haun

¹² O wawige meleec cotiel, ija ceteteh ijaca calen eu me je cesuldocob gehca nuen eunu age doqagannu gale tena.

Filipai 1:12 Iomraidhean Croise

Me Je i Luk Jaqen 21:13

Saen eu age ijana me je qasali maadecnu saen.

Aposel 8:4

Dana wawaga meleecca eundec buadein eu cudun cunugna beladein. Odimeig me je qaqasali maaadi coboin.

Pol Uqa Jaqec Je Oso Rom Tamanec Jaqiaden 8:28

Uqa Melah age waliniga matu biligiannu uqa dana cajaca Anut ceseli cedecnu wele maden eu ageha uqa Melah cinigwe caloqagannu nesili ehaden. Odocob uqana mel gehca biluqagan. Odocob dana cajaca age uqana wele nesili ehaden eu ageha utaaden. Dana cajaca utaaden eu ageha dana cajaca ititom ec maden. Dana cajaca ititom ec maden ageha uqana kobolkobol aden. Eunu ege doqona, Anut uqa ceteh cunugna dana cajaca age Anutnu nalunuga megina, eu age Anut ceseli cedecnu wele maden, odimei utaaden eu age me madena.

Pol Uqa Jaqec Je Oso Rom Tamanec Jaqiaden 8:37

Eu odi qee! Ege ceteteh i cunug egeca calecebfi dana uqa nalunige mena cesulgeceb ege ceteteh i cunug wooldoqan.

Filipai 1:5

Ija eetanu agenu ceeligina? Age me je wawaga meleen deel hahawannadec huhu qila ina me je qasali maadec cabinu cesultein.

Filipai 1:7

Age gaid ija wawi cisdocna bilegina! Eunu ija agenu odi tebandugina eu tutuc. Age cunug cabi i Anut ija ebenina miten eu osobenca om. Eu qila ija gihacdoc jona biligina, odocob wele me je sildiadecemin gagadic tawen saen euna ha cabi i ija osobenca om.

Filipai 2:22

Euqa age Timoti uqa dana me ec dogina. Uqa ija me je cabina melah memeg cesuldonawe cesulten.

Filipai 4:15

Saen hahawan ija me je mamadig ija Masedonia hatu culdem euna age Filipai agedodoc tamanec osooso ijana cabi cesultecnu meen qaig qee suldutelein ec dogina. Age himec ijana cabi cesultecnu meen qaig sultein.

Filipai 4:3

O Sisigus, hinaha, ijana cabi hijeni bahic, hina caja lecis i cesulalagale ec ninihigina. Ge, ale me je fulusdugian bili ijaca cabi gagadic om. Aleca, Klementca, ija cabi hijeniel leihca age ijanaga Anutna cebac bilec bukna nijia eu age osoben cabi eu gagadic oin.

1 Timoti 2:8

Ija maadigina, dana cunug age tamanec jonana inondoigale. Dana eu age Anut ijan saolal mumudi ebenega suli u inondoigale. Age inondodoig gemanaga becca fee dadanecca qa cain bahic odowain.

2 Timoti 2:9

Me je maadec eunu ija culumen sogoec gahidugina, odocob ha ija gihacdoc jona ebeni jaimica libec biligina, loo je tefacdoc eundec odadeginawe oditegina. Euqa Anutna je eu eben jaihca libecwe qee nijina.

2 Timoti 4:17

Euqa Juda dana qee eundec cunug me je dah moqagannu Tibud uqa homi cehi tawimei uqa cesultimei uqana gagadic odoc iteceb ija me je maadecemin camasac men. Eunu Anut uqa ija laion biahnadec cacawiten.