Efesas 6:9 - Bal cehec je haun

⁹ Odiha age cofadec agena begabeg meh cabi dana mena odadeigale, age cucuiuqagannu kobolna cain odadowain. Age dogina, begabeg meh cabi dana agena Ben, cofadecca agena Ben uqa saona gunna bilina, odocob uqa begabeg meh cabi danaca cofadec danaca cunug gug osolna dih ihocihoc gesiladena.

Efesas 6:9 Iomraidhean Croise

Matju 22:10

Odocob cabi dana age beladimeig gulucadein eundec cunug dana meca me qeeha ehadi ahoin. Odi odoinnu melah caja ocnu jona bilec cudun eu cunug ihoc li hedon,” aden.

Matju 22:8

“Odocobil king uqana cabi dana maaden, ‘Ijana sab eu cunug saciadoc nijiaqa dana ene hocnu maadem eu age hu jecnu culein. Agenel ceteh me ocnu ijana sab jec cewudein.

Matju 24:48

Euqa cabi dana me qee eu uqadodoc madimei, ‘Ijana meca uqana hocnu deel cecelac nijia,’ imei

Matju 24:51

Uqana meca eu odi fimei qeti susul faligiannu ihoc bahic. Odimei cudun dana Anutnu wawaga qee meleec bileginana cabi dana me qee euna mudigian. Ono age qada qaqaji maimaga kicodudu biluqagan,” aden.

Matju 7:12

Eunu dana filfil age agenu odadecebil gale adenawe eu odi age dana filfilnu ha odadeigale. Ge, Mosesna loo jeca je hahun madec dana agena iwaladec jeha madein agena je eu uqana caun ihen,” aden.

Me Je i Luk Jaqen 6:31

Dana filfil age agenu odadecebil gale adenawe eu odi age dana filfilnu ha odadeigale,” aden.

Me Je i Jon Jaqen 13:13

Ija agena Iwaladec Tibudca biligina. Eunu age ijanu madi, Iwalgec Tibudca tegina eu age tutuc madegina.

Aposel 10:34

Odocob Pita co suli umei maaden, “Anut uqa jic osolna dana cunug maha ina cofadena eu mele bahic ija qila dugina.

Pol Uqa Jaqec Je Oso Rom Tamanec Jaqiaden 2:11

Ge, mele Anut uqa dana ijancanu cisdudu qee gesilina. Uqa dana cunug age ijanagacafo, qee ijanagaca qeefo ihocihoc cisdudu gesilina.

1 Korin 1:2

ele Anutna tamanec Korin bilegina eu age jaqiadowona. Anut uqa ageca dana cajaca age mahana cunug egena Tibud Jisas Krais inondudu ijannu cuha feginaca age Anutna dana cajaca qagu biluqagannu utaaden. Jisas Krais uqa agena Tibud, eu egena Tibudha. Krais Jisas age uqaca gabanadeceb age qagu bilegina.

Kolosi 3:25

Odocob dana cahuldoc odona eu Anut uqa uqana cahuldocnu ameg me qee wadacdugian. Ge, Anut uqa begabeg meh cabi danaca cofadec danaca gug osolna dih ihocihoc gesiladena.

Kolosi 4:1

Cofadec, agena cofadec eu saona gun bilina ec dogina. Eunu age agena begabeg meh cabi dana kobol me tutucna odadeigale.

Jems 2:13

Dana oso uqa dana hijag osonu qee waloc donafi eu Anut uqa je gesilec deelna ameg wadacdugian. Odocob uqanu ha waloc qee doiaun. Euqa dana uqa dana hijag osonu waloc dona eu uqa gesilec je wooldugian.

Jems 2:8

Egena king uqa loo je oso maden eu age Anutna jaqec jena jaqein, loo je eu odi madena: “Hina hinanel nalunin maganawe odi hina utuqain bilec eundecnu nalug magale,” ena. (Wok Pris 19.18) Eunu age mele bahic loo je eu toodu odifeig eu age kobol me bahic odogina.

Jems 5:4

Dana agena cabina cabi ogina eu ameg adecnu cilehdoin eu deweneganu je madena. Cabi dana utaec eu han dana mati bahic age sao ohisna bilegina agena Tibud dahigna ti calen.